வெஸ்ட் இண்டீசுக்கு எதிரான டெஸ்ட்: வங்காளதேசம் 259 ரன்கள் சேர்ப்பு

டாக்கா,

வங்காளதேசம் - வெஸ்ட் இண்டீஸ் அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி டாக்காவில் நேற்று தொடங்கியது. இதில் ‘டாஸ்’ ஜெயித்து முதலில் பேட்டிங் செய்த வங்காளதேச அணி தொடக்க நாளில் 5 விக்கெட் இழப்புக்கு 259 ரன்கள் சேர்த்தது. அறிமுக வீரர் ஷத்மான் இஸ்லாம் (76 ரன்), கேப்டன் ஷகிப் அல்-ஹசன் (55 ரன், நாட்-அவுட்) அரைசதம் அடித்தனர்.

முஷ்பிகுர் ரஹிம் 14 ரன்னில் கேட்ச் ஆனார். முன்னதாக அவர் 8 ரன் எடுத்த போது டெஸ்ட் கிரிக்கெட்டில் 4 ஆயிரம் ரன்களை கடந்த 2-வது வங்காளதேச வீரர் என்ற சிறப்பை பெற்றார். 2-வது நாள் ஆட்டம் இன்று நடக்கிறது.