கிரிக்கெட்

ஆஸ்திரேலிய தொடரை வெல்ல இந்தியாவுக்கு பொன்னான வாய்ப்பு -சச்சின் தெண்டுல்கர் + "||" + India has a golden opportunity, says Sachin Tendulkar

ஆஸ்திரேலிய தொடரை வெல்ல இந்தியாவுக்கு பொன்னான வாய்ப்பு -சச்சின் தெண்டுல்கர்

ஆஸ்திரேலிய தொடரை வெல்ல இந்தியாவுக்கு பொன்னான வாய்ப்பு -சச்சின் தெண்டுல்கர்
ஆஸ்திரேலிய அணிக்கு எதிரான டெஸ்ட் கிரிக்கெட் தொடரைக் கைப்பற்ற இந்தியாவுக்கு பொன்னான வாய்ப்பு இருப்பதாக சச்சின் தெண்டுல்கர் தெரிவித்துள்ளார்.
மும்பை,

ஆஸ்திரேலியாவுக்கு எதிரான டெஸ்ட் போட்டி தொடரை வெல்ல இந்திய அணிக்கு பொன்னான வாய்ப்பு கிடைத்து இருக்கிறது என்று தெண்டுல்கர் தெரிவித்துள்ளார்.

இந்திய கிரிக்கெட் ஜாம்பவானும், ஆஸ்திரேலிய மண்ணில் டெஸ்ட் போட்டியில் அதிக ரன்கள் (20 டெஸ்டில் 1,809 ரன்கள்) குவித்த வெளிநாட்டு வீரர் என்ற பெருமைக்குரிய சச்சின் தெண்டுல்கர் அளித்த ஒரு பேட்டியில் கூறியிருப்பதாவது:-

கடந்த காலங்களோடு ஒப்பிடுகையில் தற்போது ஆஸ்திரேலிய ஆடுகளங்களின் தன்மை வெகுவாக மாறி இருக்கிறது. ஆஸ்திரேலியா போன்ற நாடுகளில் தொடக்க ஆட்டக்காரர்கள் நிலைத்து நின்று ஆடுவது என்பது கடினமாக காரியமாகும். சில சமயங்களில் முதல் 4 விக்கெட்டுகள் கூட வேகமாக சரிந்து விடும். தொடக்க ஆட்டக்காரர்கள் முதல் 30 முதல் 35 ஓவர்கள் தாக்குப்பிடித்து நிற்க முயற்சிக்க வேண்டும். அதன் பிறகு ஆடுகளம் மற்றும் பந்து கடின தன்மையை இழந்து விடும். பேட்ஸ்மேன் விளையாட அனுகூலமாக மாறிவிடும்.

தற்போதைய ஆஸ்திரேலிய அணியை பார்க்கையில் வலுவானதாக தெரியவில்லை. அந்த அணி பேட்டிங்கில் ஸ்டீவன் சுமித், டேவிட் வார்னர் ஆகியோரையே அதிகம் நம்பி இருந்தது. அவர்கள் இருவரும் இல்லாததால் அந்த அணி வலுவிழந்து இருக்கிறது. அந்த அணியின் பந்து வீச்சு சுமாராக இருந்தாலும், வலுவான பேட்டிங் வரிசையை கொண்ட இந்திய அணியின் விக்கெட்டை வீழ்த்த எந்த அளவுக்கு திறமை இருக்கிறது என்பது தெரியவில்லை. ஆஸ்திரேலிய மண்ணில் டெஸ்ட் தொடரை வெல்ல இந்திய அணிக்கு பொன்னான வாய்ப்பு கிடைத்து இருக்கிறது.

தென்ஆப்பிரிக்காவுக்கு எதிரான டெஸ்ட் தொடரில் 2-வது டெஸ்ட் போட்டியில் ரோகித் சர்மா நன்றாக விளையாடினார். கடைசி நாளில் உணவு இடைவேளை வரை நிலைத்து நின்ற அவர் அதன் பிறகு ஆட்டம் இழந்தார். அவர் ஆட்டம் இழக்காமல் இருந்து இருந்தால் ஆட்டத்தின் போக்கு மாறி இருக்கும். அவர் நிலைத்து நின்று ஆடுவது முக்கியமானதாகும். ஆனால் ஆடும் லெவன் அணியில் யார் இருக்க வேண்டும் என்று நான் கருத்து கூறுவது சரியாக இருக்காது. வீரர்கள் ஓய்வறையில் நிறைய விஷயங்கள் நடக்கும். அதனை அணி நிர்வாகத்திடமே விட்டு விடுகிறேன் என்று அவர் கூறியுள்ளார்.



தொடர்புடைய செய்திகள்

1. மேட்ச் பிக்ஸிங் நடந்திருக்குமோ என்று மக்கள் நினைத்து விட்டால் கிரிக்கெட் மீதான நம்பிக்கையை இழந்து விடுவார்கள் - டோனி
போட்டியில் மேட்ச் பிக்ஸிங் நடந்திருக்குமோ என்று மக்கள் நினைத்து விட்டால் கிரிக்கெட் மீதான நம்பிக்கையை இழந்து விடுவார்கள் என சென்னை சூப்பர் கிங்ஸ் அணியின் கேப்டன் டோனி கூறி உள்ளார்.
2. ரூ.481 கோடி கேட்டு வழக்கு தொடர்ந்த பாகிஸ்தான் கிரிக்கெட் வாரியம், ரூ.11 கோடி நஷ்டஈடு கொடுத்துள்ளது
ரூ.481 கோடி கேட்டு வழக்கு தொடர்ந்த பாகிஸ்தான் கிரிக்கெட் வாரியம் இந்திய கிரிக்கெட் வாரியத்திற்கு ரூ.11 கோடி நஷ்டஈடு கொடுத்து உள்ளது.
3. டோனி, சுரேஷ் ரெய்னா, ரோகித் அதிக சிக்சர்கள் சாதனை படைக்கப்போவது யார்?
ஐபிஎல் போட்டியில் அதிக சிக்சர்கள் சாதனையை படைக்கப்போவது யார் என்பது தெரியவரும்.
4. முகமது ஷமிக்கு எதிராக கொல்கத்தா காவல்துறை குற்றப்பத்திரிகை தாக்கல்
முகமது ஷமிக்கு எதிராக கொல்கத்தா காவல்துறை குற்றப்பத்திரிகை தாக்கல் செய்துள்ளது.
5. ஐபிஎல் போட்டி : 25 ஆயிரம் ரசிகர்களுக்கு ரூ. 500 க்கு டிக்கெட் - டேவிட் வார்னர்
12-வது ஐபிஎல் போட்டியில் ரசிகர்களுக்கு இன்ப அதிர்ச்சி அளிக்கும் வகையில் 25 ஆயிரம் ரசிகர்களுக்கு 500 ரூபாய்க்கு டிக்கெட் வழங்கப்போவதாக சன் ரைசர்ஸ் ஹைதராபாத் அணி அறிவித்துள்ளது. இதை அந்த அணியின் வீரர் டேவிட் வார்னர் பகிர்ந்துள்ளார்.