விரைவாக 200 விக்கெட்டுகள்: 82 ஆண்டுகால சாதனையை முறியடித்தார் பாக்.வீரர் யாஷிர் ஷா


விரைவாக 200 விக்கெட்டுகள்: 82 ஆண்டுகால சாதனையை முறியடித்தார் பாக்.வீரர் யாஷிர் ஷா
x
தினத்தந்தி 6 Dec 2018 7:35 AM GMT (Updated: 6 Dec 2018 7:35 AM GMT)

விரைவாக 200 விக்கெட்டுகள் எடுத்து 82 ஆண்டுகால சாதனையை பாகிஸ்தான் வீரர் யாஷிர் ஷா முறியடித்துள்ளார்.

அபுதாபி, 

நியூசிலாந்து - பாகிஸ்தான் அணிகள் இடையேயான 3 டெஸ்ட் போட்டிகள் கொண்ட கிரிக்கெட் தொடர் அபுதாபியில் நடைபெற்று வருகிறது. இரு அணிகளும் 1-1 என்ற கணக்கில் சமநிலையில் உள்ள நிலையில், 3-வது டெஸ்ட் போட்டி  நடைபெற்று வருகிறது. 

இப்போட்டியில், 4 ஆம் நாளான இன்று, நியூசிலாந்து அணியின் வில் சோமர்வில்லேவை ஆட்டமிழக்கச்செய்த பாகிஸ்தான் சுழற்பந்து வீச்சாளர் யாஷிர் ஷா, சர்வதேச டெஸ்ட் கிரிக்கெட் வரலாற்றில், 200 விக்கெட்டுகளை கைப்பற்றினார். 

33-வது டெஸ்ட் போட்டியில் விளையாடும் யாஷிர் ஷா, அதிவேகமாக 200 விக்கெட்டுகளை வீழ்த்திய வீரர் என்ற பெருமையையும் பெற்றுள்ளார். இதன் மூலம் சர்வதேச டெஸ்ட் கிரிக்கெட் வரலாற்றில் 82 ஆண்டு கால சாதனை முறியடிக்கப்பட்டுள்ளது. இதற்கு முன், கடந்த 1936 ஆம் ஆண்டு ஆஸ்திரேலிய சுழற்பந்து வீச்சாளர் கிளர்ரே கிரிம்மெட் 36 டெஸ்ட் போட்டிகளில் 200 விக்கெட்டுகள் எடுத்து இருந்ததே சாதனையாக இருந்தது. 


Next Story