கிரிக்கெட்

கடைசி ஆட்டத்தில் வெஸ்ட் இண்டீசை வீழ்த்தி ஒரு நாள் தொடரை கைப்பற்றியது வங்காளதேசம் + "||" + In the last match, West Indies was defeated and one day was won by Bangladesh

கடைசி ஆட்டத்தில் வெஸ்ட் இண்டீசை வீழ்த்தி ஒரு நாள் தொடரை கைப்பற்றியது வங்காளதேசம்

கடைசி ஆட்டத்தில் வெஸ்ட் இண்டீசை வீழ்த்தி ஒரு நாள் தொடரை கைப்பற்றியது வங்காளதேசம்
கடைசி ஆட்டத்தில் வெஸ்ட் இண்டீசை வீழ்த்தி ஒரு நாள் தொடரை வங்காளதேச அணி கைப்பற்றியது.
சியல்ஹெட்,

வங்காளதேசம்-வெஸ்ட் இண்டீஸ் அணிகள் இடையிலான 3-வது மற்றும் கடைசி ஒரு நாள் கிரிக்கெட் போட்டி சியல்ஹெட்டில் நேற்று நடந்தது. முதலில் பேட் செய்த வெஸ்ட் இண்டீஸ் அணி 50 ஓவர்களில் 9 விக்கெட்டுக்கு 198 ரன்கள் மட்டுமே எடுத்தது. தொடர்ந்து 2-வது சதத்தை அடித்த தொடக்க ஆட்டக்காரர் ஷாய் ஹோப் 108 ரன்களுடன் (131 பந்து, 9 பவுண்டரி, ஒரு சிக்சர்) ஆட்டம் இழக்காமல் இருந்தார். சுழற்பந்து வீச்சாளர் மெஹதி ஹசன் மிராஸ் 4 விக்கெட்டுகளும், ஷகிப் அல்-ஹசன், மோர்தசா தலா 2 விக்கெட்டுகளும் வீழ்த்தினர். கடைசி ஓவரில் ஹெல்மெட்டில் பந்து தாக்கியதால் அதன் பிறகு பீல்டிங் செய்ய ஹோப் வரவில்லை.

எளிய இலக்கை வங்காளதேச அணி, தமிம் இக்பால் (81 ரன், 9 பவுண்டரி), சவும்யா சர்கார் (80 ரன், 5 பவுண்டரி, 5 சிக்சர்) ஆகியோரின் அதிரடியான அரைசதத்தின் உதவியுடன் 38.3 ஓவர்களில் எட்டிப்பிடித்து 8 விக்கெட் வித்தியாசத்தில் அபார வெற்றி பெற்றது. இந்த வெற்றியின் மூலம் வங்காளதேச அணி 3 போட்டிகள் கொண்ட ஒரு நாள் தொடரை 2-1 என்ற கணக்கில் கைப்பற்றியது.

அடுத்து இவ்விரு அணிகள் இடையே 3 போட்டிகள் கொண்ட 20 ஓவர் தொடர் நடத்தப்படுகிறது. முதலாவது ஆட்டம் இதே மைதானத்தில் நாளை மறுதினம் நடக்கிறது.



தொடர்புடைய செய்திகள்

1. ஆஸ்திரேலியாவை வீழ்த்தி மெல்போர்ன் டெஸ்டில் இந்தியா அபார வெற்றி: தொடரில் 2-1 என்ற கணக்கில் முன்னிலை
புகழ்பெற்ற மெல்போர்ன் மைதானத்தில் நடந்த 3-வது டெஸ்டில் இந்திய அணி 137 ரன்கள் வித்தியாசத்தில் ஆஸ்திரேலியாவை துவம்சம் செய்தது.
2. கடைசி டெஸ்டில் இலங்கையை பந்தாடி நியூசிலாந்து அணி இமாலய வெற்றி
கடைசி டெஸ்ட் போட்டியில், இலங்கையை பந்தாடி நியூசிலாந்து அணி இமாலய வெற்றிபெற்றது.
3. ‘5 மாநில சட்டசபை தேர்தல் தோல்விக்கு பா.ஜனதா தலைமைதான் பொறுப்பு’ - மத்திய மந்திரி நிதின் கட்காரி கருத்தால் சர்ச்சை
5 மாநில சட்டசபை தேர்தல் தோல்விக்கு பா.ஜனதா கட்சி தலைமைதான் பொறுப்பேற்க வேண்டும் என்று மத்திய மந்திரி நிதின் கட்காரி கூறியது சர்ச்சையை ஏற்படுத்தி உள்ளது.
4. உலக கோப்பை ஆக்கியில் ஆஸ்திரேலியாவை வீழ்த்தி இறுதிப்போட்டிக்கு முன்னேறியது நெதர்லாந்து - மற்றொரு ஆட்டத்தில் இங்கிலாந்தை ஊதித்தள்ளியது பெல்ஜியம்
உலக கோப்பை ஆக்கி போட்டியில் நேற்று நடந்த பரபரப்பான அரைஇறுதியில் நெதர்லாந்து அணி, ஆஸ்திரேலியாவை வீழ்த்தி இறுதிப்போட்டிக்கு முன்னேறியது. மற்றொரு ஆட்டத்தில் பெல்ஜியம் 6-0 என்ற கோல் கணக்கில் இங்கிலாந்தை ஊதித்தள்ளியது.
5. வெஸ்ட் இண்டீசை புரட்டியெடுத்தது: வங்காளதேச அணி இன்னிங்ஸ் வெற்றி
டாக்காவில் நடந்த 2-வது டெஸ்ட் கிரிக்கெட்டில் வெஸ்ட் இண்டீசை புரட்டியெடுத்த வங்காளதேச அணி இன்னிங்ஸ் வெற்றி பெற்று சாதனை படைத்தது.