பாகிஸ்தானுக்கு எதிரான 2–வது டெஸ்ட்: வலுவான நிலையில் தென்ஆப்பிரிக்கா

கேப்டவுன்,

தென்ஆப்பிரிக்கா – பாகிஸ்தான் அணிகள் இடையிலான 2–வது டெஸ்ட் கிரிக்கெட் போட்டி கேப்டவுனில் நடந்து வருகிறது. இதில் முதலில் பேட் செய்த பாகிஸ்தான் அணி 177 ரன்னில் சுருண்டது. பின்னர் தனது முதல் இன்னிங்சை ஆடிய தென்ஆப்பிரிக்கா முதல் நாள் முடிவில் 2 விக்கெட் இழப்புக்கு 123 ரன்கள் எடுத்திருந்தது. 2–வது நாளான நேற்று தொடர்ந்து பேட் செய்த தென்ஆப்பிரிக்க அணி 6 விக்கெட்டுக்கு 382 ரன்கள் குவித்து, 205 ரன்கள் முன்னிலையுடன் வலுவான நிலையை எட்டியுள்ளது. கேப்டன் பிளிஸ்சிஸ் சதமும் (103 ரன்), பவுமா (75 ரன்), குயின்டான் டி காக் (55 ரன்) அரைசதமும் அடித்தனர். 3–வது நாள் ஆட்டம் இன்று நடைபெறும்.