<
ஆஸ்திரேலியாவுக்கு எதிரான ஒருநாள் கிரிக்கெட் தொடர்: பும்ராவுக்கு ஓய்வு
ஆஸ்திரேலியாவுக்கு எதிரான ஒருநாள் கிரிக்கெட் தொடரில் இருந்து பும்ராவுக்கு ஓய்வு அளிக்கப்பட்டுள்ளது.
மும்பை,
ஆஸ்திரேலியாவுக்கு எதிரான டெஸ்ட் போட்டித்தொடரில் அபாரமாக பந்து வீசிய பும்ரா, ஆஸ்திரேலிய பேட்ஸ்மேன்களை கலங்கடித்தார். மொத்தம் 157 ஓவர்கள் வீசிய பும்ரா 21 விக்கெட்டுகளை அள்ளினார். அவரது பந்து வீச்சு சராசரி 17 ஆகும்.
பும்ராவின் பணிச்சுமையை கவனத்தில் கொண்டு ஆஸ்திரேலியாவுக்கு எதிரான ஒருநாள் தொடரில் இருந்து அவருக்கு ஓய்வு அளிக்கப்பட்டுள்ளது.
அதேபோல், நியூசிலாந்து செல்லும் இந்திய அணியில் இருந்தும் பும்ராவுக்கு ஓய்வு கொடுக்கப்பட்டுள்ளது. பும்ராவுக்கு பதிலாக முகம்மது சிராஜ் இந்திய அணியில் இடம் பிடித்துள்ளார். நியூசிலாந்துக்கு எதிரான 3 இருபது ஓவர் போட்டிக்கான இந்திய அணியில் சித்தார்த் கவுலும் இடம் பெற்றுள்ளார்.
ஆஸ்திரேலியாவுக்கு எதிராக மூன்று ஒருநாள் போட்டிகளில் இந்திய அணி விளையாடுகிறது. இரு அணிகளுக்கும் இடையேயான முதல் ஒருநாள் போட்டி வரும் 12 ஆம் தேதி துவங்குகிறது. ஜனவரி 15 ஆம் தேதி 2-வது ஒருநாள் கிரிக்கெட் போட்டியும், 18 ஆம் தேதி மூன்றாவது மற்றும் கடைசி ஒருநாள் போட்டியும் நடைபெறுகிறது.
அத்துடன் ஆஸ்திரேலிய பயணத்தை முடித்துக்கொண்டு நியூசிலாந்து செல்லும் இந்திய அணி, 5 ஒருநாள் கிரிக்கெட் போட்டி மற்றும் 3 இருபது ஓவர் போட்டிகள் கொண்ட தொடர்களில் விளையாட உள்ளது. இதன்பிறகு, ஆஸ்திரேலிய அணி வரும் பிப்ரவரி மாதம் இந்தியாவில் சுற்றுப்பயணம் செய்து 5 ஒருநாள் போட்டிகள் மற்றும் 3 இருபது ஓவர் போட்டிகளில் விளையாடுகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
