கிரிக்கெட்

ஆஸ்திரேலியாவுக்கு எதிரான முதல் ஒருநாள் கிரிக்கெட்: இந்தியா திணறல் + "||" + India struggling early in chase of 289

ஆஸ்திரேலியாவுக்கு எதிரான முதல் ஒருநாள் கிரிக்கெட்: இந்தியா திணறல்

ஆஸ்திரேலியாவுக்கு எதிரான முதல் ஒருநாள் கிரிக்கெட்:  இந்தியா திணறல்
ஆஸ்திரேலியாவுக்கு எதிரான முதல் ஒருநாள் கிரிக்கெட் போட்டியில் இந்திய அணி முன்னணி விக்கெட்டுகளை பறிகொடுத்து தடுமாறி வருகிறது.
சிட்னி,

இந்தியா- ஆஸ்திரேலிய அணிகளுக்கு இடையேயான முதல் ஒருநாள் கிரிக்கெட் போட்டி சிட்னியில் இன்று நடைபெற்று வருகிறது. இப்போட்டியில் டாஸ் வென்ற முதலில் பேட்டிங் செய்த ஆஸ்திரேலிய அணி நிர்ணயிக்கப்பட்ட 50 ஓவர்களில் 5 விக்கெட் இழப்புக்கு 288 ரன்கள் சேர்த்தது. இதையடுத்து, 289 ரன்கள் எடுத்தால் வெற்றி என்ற இலக்குடன் களம் இறங்கிய இந்திய அணிக்கு ஆரம்பமே அதிர்ச்சி அளிப்பதாய் அமைந்தது. 

தொடக்க ஆட்டகாரரான ஷிகர் தவானை எல்பிடபிள்யூ முறையில் ஜேசன் பெரண்டார்ப் வெளியேற்றினார். அடுத்து வந்த கேப்டன் விராட் கோலி (8 பந்துகளில் 3 ரன்கள்) எடுத்த நிலையில் ரிச்சர்ட்சன் 3.3 ஓவரில் ஸ்டாயின்சிடம் கேட்ச் கொடுத்து வெளியேறினார். பின்னர் வந்த அம்பதி ராயுடுவும் ரன் எதுவும் இன்றி வந்த வேகத்தில் வெளியேறினார். இந்திய அணி 3.5 ஓவர்களில் 4 ரன்களுக்கு 3 விக்கெட்டுகளை பறிகொடுத்து திணறியது.  அதன்பின்னர் துவக்க ஆட்டக்க்காரர்  ரோகித் சர்மாவுடன் அனுபவம் மிக்க டோனி ஜோடி சேர்ந்தார். 

இந்த ஜோடி நிதானமாகவும் மிகவும் கவனத்துடனும் விளையாடி வருகிறது. இதனால், இந்திய அணியின் ரன் வேகம் ஆமை வேகத்தில் சென்று கொண்டிருக்கிறது. 16 ஓவர்கள் நிலவரப்படி இந்திய அணி 3 விக்கெட்  இழப்புக்கு 47 ரன்கள் சேர்த்துள்ளது. 43 பந்துகளை சந்தித்துள்ள ரோகித் சர்மா 23 ரன்களிலும், டோனி 43 பந்துகளில் 13 ரன்களும் எடுத்து விளையாடி வருகின்றனர். இந்திய அணியின் ரன் வேகம் ஒரு ஓவருக்கு சராசரியாக 2.94 ஆக உள்ளது.

தொடர்புடைய செய்திகள்

1. இந்தியா-நியூசிலாந்து அணிகள் மோதும் முதலாவது ஒருநாள் கிரிக்கெட்: நேப்பியரில் நாளை நடக்கிறது
இந்தியா-நியூசிலாந்து அணிகள் இடையிலான முதலாவது ஒருநாள் கிரிக்கெட் போட்டி நேப்பியரில் நாளை நடக்கிறது.
2. மெல்போர்ன் கிரிக்கெட்: இந்தியாவுக்கு 231 ரன்களை வெற்றி இலக்காக நிர்ணயித்தது ஆஸ்திரேலியா
மெல்போர்னில் நடைபெற்று வரும் கடைசி ஒருநாள் கிரிக்கெட் போட்டியில் இந்திய அணிக்கு வெற்றி இலக்காக 231 ரன்களை ஆஸ்திரேலிய அணி நிர்ணயித்துள்ளது.
3. ஆஸ்திரேலியாவுக்கு எதிரான 3-வது ஒருநாள் கிரிக்கெட் போட்டி: இந்திய அணி முதலில் பந்து வீச்சு
ஆஸ்திரேலியாவுக்கு எதிரான 3-வது ஒருநாள் கிரிக்கெட் போட்டியில் டாஸ் வென்ற இந்திய அணி முதலில் பந்து வீச முடிவு செய்துள்ளது.
4. இந்தியாவுக்கு எதிரான ஒருநாள் தொடரில் பங்கேற்கும் நியூசிலாந்து அணி அறிவிப்பு
இந்தியாவுக்கு எதிரான ஒருநாள் போட்டித்தொடரில் பங்கேற்கும் நியூசிலாந்து அணி அறிவிக்கப்பட்டுள்ளது.
5. இந்திய எல்லையில் பாகிஸ்தான் ராணுவம் மீண்டும் அத்துமீறல்
இந்திய எல்லையில் பாகிஸ்தான் ராணுவம் இன்று அத்துமீறி தாக்குதல் நடத்தியது. பாகிஸ்தான் தாக்குதலுக்கு இந்தியாவும் தக்க பதிலடி கொடுத்தது.