கிரிக்கெட்

இந்தியா-நியூசிலாந்து அணிகள் மோதும் முதலாவது ஒருநாள் கிரிக்கெட்: நேப்பியரில் நாளை நடக்கிறது + "||" + India-New Zealand teams face first one-day cricket: In Napier Start Tomorrow

இந்தியா-நியூசிலாந்து அணிகள் மோதும் முதலாவது ஒருநாள் கிரிக்கெட்: நேப்பியரில் நாளை நடக்கிறது

இந்தியா-நியூசிலாந்து அணிகள் மோதும் முதலாவது ஒருநாள் கிரிக்கெட்: நேப்பியரில் நாளை நடக்கிறது
இந்தியா-நியூசிலாந்து அணிகள் இடையிலான முதலாவது ஒருநாள் கிரிக்கெட் போட்டி நேப்பியரில் நாளை நடக்கிறது.
நேப்பியர்,

ஆஸ்திரேலிய சுற்றுப்பயணத்தை வெற்றிகரமாக முடித்த இந்திய கிரிக்கெட் அணி அடுத்து நியூசிலாந்தில் பயணம் செய்து 5 ஒருநாள் மற்றும் மூன்று 20 ஓவர் போட்டியில் விளையாடுகிறது.

இந்தியா-நியூசிலாந்து அணிகள் இடையிலான முதலாவது ஒருநாள் கிரிக்கெட் போட்டி நாளை (புதன்கிழமை) நேப்பியரில் நடக்கிறது. ஆஸ்திரேலியாவுக்கு எதிரான தொடரை 2-1 என்ற கணக்கில் வென்ற நம்பிக்கையுடன் இந்திய அணி இந்த போட்டியில் களம் காணும். நியூசிலாந்து அணி 3-0 என்ற கணக்கில் இலங்கைக்கு எதிரான ஒருநாள் போட்டி தொடரை வென்ற மகிழ்ச்சியுடன் களம் இறங்கும்.


இந்திய அணியின் பேட்டிங் மற்றும் பந்து வீச்சு வலுவானதாக உள்ளது. இதேபோல் நியூசிலாந்து அணியிலும் சிறந்த பேட்ஸ்மேன்கள் மற்றும் பந்து வீச்சாளர்கள் இடம் பிடித்துள்ளனர். உள்ளூரில் நடைபெறும் போட்டி என்பதால் நியூசிலாந்து அணிக்கு கூடுதல் அனுகூலம் இருக்கும். அதேநேரத்தில் இந்திய அணி எந்த சூழ்நிலையிலும் சிறப்பாக செயல்படும் திறனுடன் விளங்குகிறது.

உலக தரவரிசையில் 2-வது இடத்தில் உள்ள இந்தியா, 3-வது இடத்தில் இருக்கும் நியூசிலாந்து அணிகள் இடையிலான இந்த போட்டி தொடரில் விறுவிறுப்புக்கு பஞ்சம் இருக்காது. கடைசியாக 2014-ம் ஆண்டில் நியூசிலாந்தில் நடந்த இந்தியாவுகு எதிரான 5 ஆட்டங்கள் கொண்ட ஒருநாள் போட்டியில் நியூசிலாந்து அணி 4-0 என்ற கணக்கில் தொடரை வென்றது. ஒரு ஆட்டம் டையில் முடிந்தது. முந்தைய தோல்விக்கு இந்திய அணி பதிலடி கொடுக்குமா? என்று ரசிகர்கள் எதிர்பார்க்கிறார்கள்.

நியூசிலாந்து-இந்தியா அணிகள் ஒருநாள் போட்டியில் இதுவரை 101 முறை நேருக்கு நேர் சந்தித்து இருக்கின்றன. இதில் இந்திய அணி 51 முறையும், நியூசிலாந்து அணி 44 தடவையும் வெற்றி பெற்று இருக்கின்றன. ஒரு ஆட்டம் டையில் முடிந்தது. 5 ஆட்டம் முடிவு இல்லாமல் போனது.

இந்த போட்டிக்கான இரு அணி வீரர்கள் வருமாறு:-

இந்தியா: விராட்கோலி (கேப்டன்), ரோகித் சர்மா, ஷிகர் தவான், அம்பத்தி ராயுடு, தினேஷ் கார்த்திக், கேதர் ஜாதவ், டோனி, குல்தீப் யாதவ், யுஸ்வேந்திர சாஹல், ரவீந்திர ஜடேஜா, புவனேஷ்வர்குமார், முகமது சிராஜ், கலீல் அகமது, முகமது ஷமி, விஜய் சங்கர், சுப்மான் கில்.

நியூசிலாந்து:
கனே வில்லியம்சன் (கேப்டன்), டிரென்ட் பவுல்ட், பிரேஸ்வெல், காலின் டி கிரான்ட்ஹோம், பெர்குசன், மார்ட்டின் கப்தில், மாட் ஹென்றி, டாம் லாதம், காலின் முன்ரோ, ஹென்றி நிகோல்ஸ், மிட்செல் சான்ட்னெர், சோதி, டிம் சவுதி, ராஸ் டெய்லர்.

இந்திய நேரப்படி காலை 7.30 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.


தொடர்புடைய செய்திகள்

1. உலக கோப்பை கிரிக்கெட் போட்டியில் பங்கேற்க இங்கிலாந்து புறப்பட்டு சென்றது இந்திய அணி
உலக கோப்பை கிரிக்கெட் போட்டியில் பங்கேற்க கோலி தலைமையிலான இந்திய கிரிக்கெட் அணி இங்கிலாந்துக்கு புறப்பட்டுச்சென்றது.
2. உலக கோப்பை கிரிக்கெட் 1983 : இந்திய அணி “சாம்பியன்”
1983ம் ஆண்டு உலக கோப்பை கிரிக்கெட்டில் இந்திய அணி சாம்பியன் பட்டம் வென்றது.
3. துளிகள்
இந்தியா-ஆஸ்திரேலியா அணிகள் இடையிலான ஆக்கி போட்டி தொடரில் 5-வது மற்றும் கடைசி ஆட்டம் பெர்த்தில் நேற்று நடந்தது.
4. துளிகள்
இந்தியாவை சேர்ந்த 51 வயதான பெண் நடுவர் லட்சுமி சர்வதேச கிரிக்கெட் கவுன்சிலின் போட்டி நடுவராக நியமனம் செய்யப்பட்டுள்ளார்.
5. ‘இந்தியாவின் பிரித்தாளும் தலைவர்’ பிரதமர் மோடி விவகாரத்தில் ‘டோனை’ மாற்றிய டைம்...!
2019 நாடாளுமன்றத் தேர்தல் இறுதிக்கட்டத்தை நோக்கி செல்லும் நிலையில், டைம் பத்திரிக்கையின் அட்டைப்படத்தில் ‘இந்தியாவின் பிரித்தாளும் தலைவர்’ பிரதமர் மோடி என்ற தலைப்புடன் செய்தி வெளியாகியுள்ளது பெரும் பரபரப்பை ஏற்படுத்தியுள்ளது.