கிரிக்கெட்

வெற்றியை நோக்கி சவுராஷ்டிரா: ரஞ்சி கிரிக்கெட்டில் புஜாரா சதம் + "||" + Towards victory Saurashtra: Pujara century in Ranji Cricket

வெற்றியை நோக்கி சவுராஷ்டிரா: ரஞ்சி கிரிக்கெட்டில் புஜாரா சதம்

வெற்றியை நோக்கி சவுராஷ்டிரா: ரஞ்சி கிரிக்கெட்டில் புஜாரா சதம்
ரஞ்சி கிரிக்கெட்டில் கர்நாடகா – சவுராஷ்டிரா இடையிலான அரைஇறுதி ஆட்டம் பெங்களூருவில் உள்ள சின்னசாமி ஸ்டேடியத்தில் நடந்து வருகிறது.

பெங்களூரு, 

ரஞ்சி கிரிக்கெட்டில் கர்நாடகா – சவுராஷ்டிரா இடையிலான அரைஇறுதி ஆட்டம் பெங்களூருவில் உள்ள சின்னசாமி ஸ்டேடியத்தில் நடந்து வருகிறது. இதில் முதல் இன்னிங்சில் கர்நாடகா 275 ரன்களும், சவுராஷ்டிரா 236 ரன்களும் எடுத்தன. 39 ரன்கள் முன்னிலையுடன் 2–வது இன்னிங்சை ஆடிய கர்நாடகா 3–வது நாள் முடிவில் 8 விக்கெட்டுக்கு 237 ரன்கள் எடுத்திருந்தது. 4–வது நாளான நேற்று தொடர்ந்து ஆடிய கர்நாடகா மேற்கொண்டு 2 ரன் எடுப்பதற்குள் எஞ்சிய இரு விக்கெட்டையும் பறிகொடுத்து விட்டது. ஸ்ரேயாஸ் கோபால் 61 ரன்களில் கேட்ச் ஆனார்.

இதன் மூலம் நிர்ணயிக்கப்பட்ட 279 ரன்கள் இலக்கை நோக்கி 2–வது இன்னிங்சை தொடங்கிய சவுராஷ்டிரா 23 ரன்னுக்குள் 3 விக்கெட்டுகளை இழந்த போதிலும் புஜாராவும், ஷெல்டன் ஜாக்சனும் கைகோர்த்து அணியை தூக்கி நிறுத்தினர். அபாரமாக ஆடிய புஜாரா தனது 49–வது முதல்தர சதத்தை எட்டினார்.

ஆட்ட நேர முடிவில் சவுராஷ்டிரா அணி 74 ஓவர்களில் 3 விக்கெட்டுக்கு 224 ரன்கள் சேர்த்துள்ளது. புஜாரா 108 ரன்களுடனும் (216 பந்து, 14 பவுண்டரி), ஜாக்சன் 90 ரன்களுடனும் களத்தில் உள்ளனர்.

இன்று கடைசி நாள் ஆட்டம் நடக்கிறது. இன்னும் 55 ரன்கள் மட்டுமே தேவைப்படுவதால் சவுராஷ்டிரா அணி எளிதில் வெற்றி பெறும் என்று எதிர்பார்க்கப்படுகிறது.


தொடர்புடைய செய்திகள்

1. ஆஸ்திரேலியாவுக்கு எதிரான கிரிக்கெட்: இந்திய ஒரு நாள் போட்டி அணியில் இருந்து தினேஷ் கார்த்திக் நீக்கம் விராட் கோலி, லோகேஷ் ராகுல், பும்ரா திரும்புகிறார்கள்
ஆஸ்திரேலியாவுக்கு எதிரான ஒரு நாள் கிரிக்கெட் போட்டிக்கான இந்திய அணியில் இருந்து தமிழக மூத்த வீரர் தினேஷ் கார்த்திக் நீக்கப்பட்டுள்ளார்.
2. இரானி கோப்பை கிரிக்கெட்: விதர்பா அணி 425 ரன்கள் குவிப்பு கார்னிவர் சதம் அடித்தார்
நடப்பு ரஞ்சி சாம்பியன் விதர்பா, ரெஸ்ட் ஆப் இந்தியா அணிகள் இடையிலான இரானி கோப்பைக்கான கிரிக்கெட் போட்டி நாக்பூரில் நடந்து வருகிறது.
3. முதலாவது ஒரு நாள் கிரிக்கெட்: வங்காளதேச அணியை எளிதில் வீழ்த்தியது, நியூசிலாந்து மார்ட்டின் கப்தில் சதம் அடித்தார்
நியூசிலாந்து–வங்காளதேச அணிகள் இடையிலான 3 ஆட்டங்கள் கொண்ட ஒரு நாள் போட்டி தொடரில் முதலாவது ஒரு நாள் கிரிக்கெட் போட்டி நேப்பியரில் நேற்று நடந்தது.
4. இரானி கோப்பை கிரிக்கெட்: விதர்பா அணி நிதான ஆட்டம்
ரஞ்சி சாம்பியன் விதர்பா – ரெஸ்ட் ஆப் இந்தியா அணிகள் இடையிலான இரானி கோப்பை கிரிக்கெட் போட்டி நாக்பூரில் நேற்று முன்தினம் தொடங்கியது.
5. பெண்கள் கிரிக்கெட் தரவரிசையில் ஜெமிமா, மந்தனா முன்னேற்றம்
சர்வதேச கிரிக்கெட் கவுன்சில் (ஐ.சி.சி.), பெண்கள் 20 ஓவர் போட்டிக்கான புதிய தரவரிசை பட்டியலை நேற்று வெளியிட்டது.