கிரிக்கெட்

இரானி கோப்பை கிரிக்கெட்: ரெஸ்ட் ஆப் இந்தியா 374 ரன்கள் குவித்து ‘டிக்ளேர்’ விஹாரி மீண்டும் சதம் அடித்து சாதனை + "||" + Irani Cup Cricket: The Rest of India scored 374 runs in the final of 'Declair'

இரானி கோப்பை கிரிக்கெட்: ரெஸ்ட் ஆப் இந்தியா 374 ரன்கள் குவித்து ‘டிக்ளேர்’ விஹாரி மீண்டும் சதம் அடித்து சாதனை

இரானி கோப்பை கிரிக்கெட்: ரெஸ்ட் ஆப் இந்தியா 374 ரன்கள் குவித்து ‘டிக்ளேர்’ விஹாரி மீண்டும் சதம் அடித்து சாதனை
நடப்பு ரஞ்சி சாம்பியன் விதர்பா– ரெஸ்ட் ஆப் இந்தியா அணிகள் இடையிலான இரானி கோப்பை கிரிக்கெட் போட்டி நாக்பூரில் நடந்து வருகிறது.

நாக்பூர், 

நடப்பு ரஞ்சி சாம்பியன் விதர்பா– ரெஸ்ட் ஆப் இந்தியா அணிகள் இடையிலான இரானி கோப்பை கிரிக்கெட் போட்டி நாக்பூரில் நடந்து வருகிறது. இதில் முதல் இன்னிங்சில் முறையே ரெஸ்ட் ஆப் இந்தியா 330 ரன்களும், விதர்பா 425 ரன்களும் எடுத்தன. 95 பின்தங்கிய நிலையில் 2–வது இன்னிங்சை ஆடிய ரெஸ்ட் ஆப் இந்தியா அணி 3–வது நாள் முடிவில் 2 விக்கெட்டுக்கு 102 ரன்கள் எடுத்திருந்தது. ஹனுமா விஹாரி 40 ரன்களுடனும், கேப்டன் ரஹானே 25 ரன்களுடனும் களத்தில் இருந்தனர்.

இந்த நிலையில் 4–வது நாளான நேற்று தொடர்ந்து ஆடிய ஹனுமா விஹாரி சதம் அடித்தார். ஏற்கனவே முதல் இன்னிங்சில் 114 ரன்கள் எடுத்திருந்த ஹனுமா விஹாரி, இரானி கோப்பை வரலாற்றில் ஒரு ஆட்டத்தில் இரண்டு இன்னிங்சிலும் சதம் விளாசிய 2–வது வீரர் (முதலில் இச்சாதனையை செய்தவர் ஷிகர் தவான்) என்ற பெருமையை பெற்றார். மறுமுனையில் சதத்தை தவற விட்ட கேப்டன் ரஹானே 87 ரன்களில் கேட்ச் ஆனார். ரெஸ்ட் ஆப் இந்தியா அணி 2–வது இன்னிங்சில் 107 ஓவர்களில் 3 விக்கெட்டுக்கு 374 ரன்கள் குவித்து ‘டிக்ளேர்’ செய்தது. ஹனுமா விஹாரி 180 ரன்களுடனும் (300 பந்து, 19 பவுண்டரி, 4 சிக்சர்), ஸ்ரேயாஸ் அய்யர் 61 ரன்களுடனும் (52 பந்து, 5 பவுண்டரி, 4 சிக்சர்) அவுட் ஆகாமல் இருந்தனர்.

இதன் மூலம் விதர்பா அணிக்கு 280 ரன்கள் வெற்றி இலக்காக நிர்ணயிக்கப்பட்டது. இதை நோக்கி 2–வது இன்னிங்சை தொடங்கிய விதர்பா அணி ஆட்ட நேர முடிவில் 16 ஓவர்களில் கேப்டன் பைஸ் பாசலின் (0) விக்கெட்டை இழந்து 37 ரன்கள் எடுத்துள்ளது. இன்று 5–வது மற்றும் கடைசி நாள் ஆட்டம் நடைபெறுகிறது. கைவசம் 9 விக்கெட் வைத்துள்ள விதர்பா அணியின் வெற்றிக்கு இன்னும் 240 ரன்கள் தேவைப்படுகிறது. இந்த போட்டியில் வெற்றி வாய்ப்பு இரு அணிக்கும் சரிசமமாக காணப்படுகிறது.


தொடர்புடைய செய்திகள்

1. டென்னிஸ் தரவரிசையில் சாதனை: ‘நம்பர் ஒன்’ இடத்தை பிடித்தார், ஆஷ்லி பார்டி
பர்மிங்காம் கிளாசிக் டென்னிஸ் போட்டி இங்கிலாந்தில் நடந்து வந்தது.
2. டோனியின் யோசனையால் ‘ஹாட்ரிக்’ சாதனை படைத்தேன்–‌ஷமி
உலக கோப்பை கிரிக்கெட்டில் நேற்று முன்தினம் சவுதம்டனில் நடந்த ஆட்டத்தில் இந்திய அணி ஆப்கானிஸ்தானை 11 ரன்கள் வித்தியாசத்தில் போராடி வென்றது.
3. பலம் வாய்ந்த இங்கிலாந்தை வீழ்த்தியது எப்படி? மலிங்கா விளக்கம்
பலம் வாய்ந்த இங்கிலாந்து அணியை வீழ்த்தி இலங்கை அணி 20 ரன்கள் வித்தியாசத்தில் வெற்றி பெற்றது.
4. ‘பந்துவீச்சில் சதம் அடித்த பவுலர்’ ரஷித்கானை கிண்டல் செய்த ஐஸ்லாந்து கிரிக்கெட் வாரியம்
இங்கிலாந்துக்கு எதிராக நேற்று முன்தினம் நடந்த ஆட்டத்தில் ஆப்கானிஸ்தான் முன்னணி சுழற்பந்து வீச்சாளர் ரஷித்கான் 9 ஓவர்களில் 11 சிக்சர் உள்பட 110 ரன்களை வாரி வழங்கினார்.
5. 17 சிக்சர் அடித்து உலக சாதனை: இதுபோன்று அதிரடியாக ஆடுவேன் என்று நினைத்து பார்க்கவில்லை இயான் மோர்கன் சொல்கிறார்
இங்கிலாந்தில் நடந்து வரும் உலக கோப்பை கிரிக்கெட் போட்டி தொடரில் மான்செஸ்டரில் நேற்று முன்தினம் நடந்த 24–வது லீக் ஆட்டத்தில் இங்கிலாந்து அணி 150 ரன்கள் வித்தியாசத்தில் ஆப்கானிஸ்தானை தோற்கடித்து 4–வது வெற்றியை ருசித்தது.