கிரிக்கெட்

இங்கிலாந்துக்கு எதிரான 20 ஓவர் கிரிக்கெட்: இந்திய பெண்கள் அணி தோல்வி + "||" + 20 Overs Cricket against England: Indian women's team fail

இங்கிலாந்துக்கு எதிரான 20 ஓவர் கிரிக்கெட்: இந்திய பெண்கள் அணி தோல்வி

இங்கிலாந்துக்கு எதிரான 20 ஓவர் கிரிக்கெட்: இந்திய பெண்கள் அணி தோல்வி
இங்கிலாந்துக்கு எதிரான 20 ஓவர் கிரிக்கெட் போட்டியில், இந்திய பெண்கள் அணி தோல்வி அடைந்தது.
கவுகாத்தி,

இந்தியா-இங்கிலாந்து பெண்கள் அணிகள் இடையிலான முதலாவது 20 ஓவர் கிரிக்கெட் போட்டி கவுகாத்தியில் நேற்று நடந்தது. இதில் முதலில் பேட் செய்த இங்கிலாந்து அணி 4 விக்கெட் இழப்புக்கு 160 ரன்கள் சேர்த்தது. அதிகபட்சமாக விக்கெட் கீப்பர் டாமி பிமான்ட் 62 ரன்னும் (57 பந்து, 9 பவுண்டரி), கேப்டன் ஹீதர் நைட் 40 ரன்னும் (20 பந்து, 7 பவுண்டரி) எடுத்தனர். தொடர்ந்து ஆடிய இந்திய அணியில் தொடக்கமே மோசமாக இருந்தது. ஹர்லீன் டியோல் (8), கேப்டன் மந்தனா (2 ரன்), ஜெமிமா ரோட்ரிக்ஸ் (2 ரன்), மிதாலி ராஜ் (7 ரன்) ஆகிய டாப்-4 வீராங்கனைகள் ஒற்றை இலக்கத்தை தாண்டவில்லை. இதனால் இந்திய அணியால் சரிவில் இருந்து மீள முடியாமல் போய் விட்டது. 20 ஓவர்களில் இந்திய அணி 6 விக்கெட் இழப்புக்கு 119 ரன்கள் மட்டுமே எடுத்தது. இதனால் இங்கிலாந்து அணி 41 ரன்கள் வித்தியாசத்தில் வெற்றி பெற்றது. 20 ஓவர் கிரிக்கெட்டில் இந்திய அணி தொடர்ச்சியாக தழுவிய 5-வது தோல்வி இதுவாகும்.

இந்த வெற்றியின் மூலம் இங்கிலாந்து அணி 3 போட்டிகள் கொண்ட இந்த தொடரில் 1-0 என்ற கணக்கில் முன்னிலை பெற்றுள்ளது. இவ்விரு அணிகள் இடையிலான 2-வது 20 ஓவர் போட்டி இதே மைதானத்தில் நாளை மறுதினம் நடக்கிறது.


தொடர்புடைய செய்திகள்

1. இலங்கைக்கு எதிரான கடைசி போட்டியிலும் தென்ஆப்பிரிக்க அணி வெற்றி
இலங்கைக்கு எதிரான கடைசி போட்டியிலும் தென்ஆப்பிரிக்க அணி வெற்றிபெற்றது.
2. அயர்லாந்துக்கு எதிரான டெஸ்டில் ஆப்கானிஸ்தான் அணிக்கு 147 ரன்கள் இலக்கு
அயர்லாந்துக்கு எதிரான டெஸ்டில் ஆப்கானிஸ்தான் அணிக்கு 147 ரன்கள் இலக்காக நிர்ணயிக்கப்பட்டுள்ளது.
3. அவசர நிலைக்கு எதிரான நாடாளுமன்ற தீர்மானத்தை நிராகரித்தார் டிரம்ப் - மறுப்பு ஓட்டு உரிமையை பயன்படுத்தினார்
மறுப்பு ஓட்டு உரிமையை பயன்படுத்தி, அவசர நிலைக்கு எதிரான நாடாளுமன்ற தீர்மானத்தை டிரம்ப் நிராகரித்தார்.
4. ஆஸ்திரேலியாவுக்கு எதிரான கடைசி ஆட்டத்திலும் இந்திய அணி தோல்வி - தொடரை பறிகொடுத்தது
ஆஸ்திரேலியாவுக்கு எதிரான கடைசி ஒரு நாள் கிரிக்கெட் போட்டியிலும் தோல்வி அடைந்த இந்திய அணி தொடரையும் 2-3 என்ற கணக்கில் தாரைவார்த்தது.
5. துளிகள்
போர்ட்எலிசபெத்தில் நேற்று நடந்த இலங்கைக்கு எதிரான 4-வது ஒரு நாள் கிரிக்கெட் போட்டியிலும் தென்ஆப்பிரிக்க அணி வெற்றி பெற்றது.