கிரிக்கெட்

ஐ.பி.எல். கிரிக்கெட்: சென்னை-டெல்லி அணிகள் இன்று மீண்டும் மோதல் + "||" + IPL Cricket: Chennai-Delhi teams clash again today

ஐ.பி.எல். கிரிக்கெட்: சென்னை-டெல்லி அணிகள் இன்று மீண்டும் மோதல்

ஐ.பி.எல். கிரிக்கெட்: சென்னை-டெல்லி அணிகள் இன்று மீண்டும் மோதல்
ஐ.பி.எல். கிரிக்கெட்டில் சென்னை-டெல்லி அணிகள் இன்றிரவு மீண்டும் கோதாவில் இறங்குகின்றன.
சென்னை,

12-வது ஐ.பி.எல். கிரிக்கெட் தொடரில், லீக் சுற்று இறுதி கட்டத்துக்கு வந்து விட்டது. இதில் சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் இன்றிரவு (புதன்கிழமை) அரங்கேறும் 50-வது லீக் ஆட்டத்தில் ‘பிளே-ஆப்’ சுற்றுக்கு ஏற்கனவே தகுதி பெற்றுவிட்ட நடப்பு சாம்பியன் சென்னை சூப்பர் கிங்ஸ் அணி, டெல்லி கேப்பிட்டல்சை சந்திக்கிறது.


காய்ச்சல் காரணமாக சென்னை அணியின் கேப்டன் டோனி முந்தைய மும்பை இந்தியன்சுக்கு எதிரான ஆட்டத்தில் விளையாடவில்லை. அவர் இல்லாததால் பலவீனமடைந்த சென்னை அணி மும்பைக்கு எதிராக 156 ரன்கள் இலக்கை நெருங்க கூட முடியாமல் 46 ரன்கள் வித்தியாசத்தில் படுதோல்வி அடைந்தது. இன்றைய ஆட்டத்திற்கு டோனி களம் திரும்புவாரா? என்பது சந்தேகம் தான். 2 நாட்களாக அவர் பயிற்சி எதுவும் மேற்கொள்ளவில்லை. ‘டோனி உடல்நலம் தேறி வருகிறார். ஆனால் டெல்லிக்கு எதிராக அவர் ஆடுவாரா? இல்லையா? என்பது குறித்து போட்டிக்கு முன்பு தான் முடிவு செய்யப்படும்’ என்று சென்னை அணியின் பயிற்சியாளர் பிளமிங் நேற்று தெரிவித்தார். டோனி குணமடையாவிட்டால் விக்கெட் கீப்பராக ஜெகதீசன் சேர்க்கப்பட வாய்ப்புள்ளது. கேப்டன் பொறுப்பை சுரேஷ் ரெய்னா கவனிப்பார்.

ஐ.பி.எல். போட்டியை பொறுத்தவரை புள்ளி பட்டியலில் டாப்-2 இடங்களை பிடிப்பது முக்கியமான ஒன்றாகும். ஏனெனில் முதல் 2 இடங்களை பிடிக்கும் அணிகளுக்கு இறுதிப்போட்டிக்கு முன்னேற இரண்டு வாய்ப்பு கிட்டும்.

தற்போது புள்ளி பட்டியலில் 8 வெற்றி, 4 தோல்வி என்று 16 புள்ளிகளுடன் 2-வது இடம் வகிக்கும் சென்னை அணி இன்றைய ஆட்டத்தில் வாகை சூடினால், புள்ளி பட்டியலில் மீண்டும் முதலிடத்தை எட்டலாம். ஆனால் சென்னை அணியின் ரன் ரேட் மோசமான நிலையில் (ரன்ரேட் -0.113) இருப்பதால் அதிக வித்தியாசத்தில் வெற்றி பெற்றால் அது கூடுதல் அனுகூலமாக இருக்கும்.

ரிக்கி பாண்டிங்கின் பயிற்சி மற்றும் சவுரவ் கங்குலியின் ஆலோசனையின் மூலம் டெல்லி அணி இந்த சீசனில் மிகப்பெரிய எழுச்சி பெற்று இருக்கிறது. 12 ஆட்டங்களில் ஆடி 8 வெற்றி, 4 தோல்வி என்று 16 புள்ளிகளுடன் முதலிடத்தில் உள்ள டெல்லி அணி 2012-ம் ஆண்டுக்கு பிறகு முதல்முறையாக ‘பிளே-ஆப்’ சுற்றுக்கு வந்துள்ளது.

ஷிகர் தவான் (5 அரைசதத்துடன் 451 ரன்), கேப்டன் ஸ்ரேயாஸ் அய்யர், பிரித்வி ஷா, ரிஷாப் பான்ட் ஆகியோர் அந்த அணியின் பேட்டிங் தூண்களாக உள்ளனர். பந்து வீச்சில் காஜிசோ ரபடா (25 விக்கெட்) மிரட்டுகிறார். ஏற்கனவே சொந்த மண்ணில் நடந்த ஆட்டத்தில் டெல்லி அணி 6 விக்கெட் வித்தியாசத்தில் சென்னையிடம் தோற்று இருந்தது. அந்த தோல்விக்கு பழிதீர்க்க டெல்லி வீரர்கள் வரிந்து கட்டுவார்கள். அதே சமயம் உள்ளூர் சூழலில் ஆடும் சென்னை அணி தனது ஆதிக்கத்தை நிலைநாட்ட முயற்சிக்கும். அதனால் இந்த ஆட்டத்தில் சுவாரஸ்யத்துக்கு குறைவிருக்காது.

சென்னை ஆடுகளம் பொதுவாக சுழற்பந்து வீச்சுக்குக்கு உகந்தது. அதனால் இம்ரான் தாஹிர், ஹர்பஜன்சிங் (இருவரும் சென்னை அணி), அமித் மிஸ்ரா, லாமிச்சன்னே (டெல்லி) ஆகியோரின் பந்து வீச்சு இந்த மோதலில் முக்கிய பங்கு வகிக்கும்.

போட்டிக்கான இரு அணிகளின் உத்தேச பட்டியல் வருமாறு:-

சென்னை: ஷேன் வாட்சன், பாப் டு பிளிஸ்சிஸ் அல்லது முரளிவிஜய், அம்பத்தி ராயுடு, சுரேஷ் ரெய்னா, டோனி அல்லது ஜெகதீசன் அல்லது துருவ் ஷோரே, கேதர் ஜாதவ், வெய்ன் பிராவோ, ரவீந்திர ஜடேஜா அல்லது மிட்செல் சான்ட்னெர், தீபக் சாஹர், ஹர்பஜன்சிங், இம்ரான் தாஹிர்.

டெல்லி: பிரித்வி ஷா, ஷிகர் தவான், ஸ்ரேயாஸ் அய்யர் (கேப்டன்), ரிஷாப் பான்ட், காலின் இங்ராம், ரூதர்போர்டு, அக்‌ஷர் பட்டேல், லாமிச்சன்னே, அமித் மிஸ்ரா, ரபடா, இஷாந்த் ஷர்மா.

இரவு 8 மணிக்கு தொடங்கும் இந்த ஆட்டத்தை ஸ்டார் ஸ்போர்ட்ஸ் சேனல் நேரடி ஒளிபரப்பு செய்கிறது.

இதுவரை....

ஐ.பி.எல். கிரிக்கெட்டில் இவ்விரு அணிகளும் இதுவரை 19 ஆட்டங்களில் நேருக்கு நேர் மோதியுள்ளன. இதில் 13-ல் சென்னையும், 6-ல் டெல்லியும் வெற்றி பெற்று இருக்கின்றன. சென்னை சேப்பாக்கத்தில் இவ்விரு அணிகளும் சந்தித்த ஆட்டங்களில் 5-ல் சென்னையும், 2-ல் டெல்லியும் வெற்றி கண்டுள்ளன.


தொடர்புடைய செய்திகள்

1. பெட்ரோல், டீசல் விலையில் மாற்றம் எதுவும் இல்லை
பெட்ரோல், டீசல் விலையில் மாற்றம் எதுவும் இன்றி நேற்றைய விலையிலேயே விற்பனையாகிறது.
2. குடிநீர் லாரி உரிமையாளர்களின் காலவரையற்ற வேலைநிறுத்த போராட்டம் வாபஸ்
அரசுடன் நடத்திய பேச்சுவார்த்தையில் உடன்பாடு ஏற்பட்டதையடுத்து தண்ணீர் லாரிகள் வேலை நிறுத்தம் திரும்பப் பெறப்பட்டது.
3. சென்னை உள்பட தமிழகத்தில் பல்வேறு பகுதிகளில் பரவலாக மழை
சென்னை உள்பட தமிழகத்தின் பல்வேறு பகுதிகளிலும் பரவலாக மழை பெய்து வருகிறது.
4. புரோ கபடி லீக் தொடர்: சென்னையில் இன்று தொடக்கம்
புரோ கபடி லீக் தொடரின் சென்னை சுற்று ஆட்டம் நேரு உள்விளையாட்டு அரங்கில் இன்று தொடங்குகிறது. இதில் முதலாவது ஆட்டத்தில் தமிழ் தலைவாஸ்-பெங்களூரு புல்ஸ் அணிகள் மோதுகின்றன.
5. சார்ஜாவில் இருந்து சென்னைக்கு ரூ.33 லட்சம் தங்கம் கடத்தல்
சார்ஜாவில் இருந்து சென்னை விமான நிலையத்திற்கு ரூ.33 லட்சம் தங்கம் கடத்தி வந்த 2 பேரிடம் அதிகாரிகள் விசாரணை மேற்கொண்டு வருகின்றனர்.