கிரிக்கெட்

3 நாடுகள் கிரிக்கெட்: வெஸ்ட் இண்டீசை வீழ்த்தி வங்காளதேச அணி ‘சாம்பியன்’ + "||" + 3 nations crash: West Indies beat Bangladesh to win 'champion'

3 நாடுகள் கிரிக்கெட்: வெஸ்ட் இண்டீசை வீழ்த்தி வங்காளதேச அணி ‘சாம்பியன்’

3 நாடுகள் கிரிக்கெட்: வெஸ்ட் இண்டீசை வீழ்த்தி வங்காளதேச அணி ‘சாம்பியன்’
3 நாடுகள் கிரிக்கெட் போட்டியின் இறுதி ஆட்டத்தில் வங்காளதேச அணி 5 விக்கெட் வித்தியாசத்தில் வெஸ்ட்இண்டீசை வீழ்த்தி சாம்பியன் பட்டத்தை தனதாக்கியது.
டப்லின்,

அயர்லாந்து, வங்காளதேசம், வெஸ்ட்இண்டீஸ் ஆகிய 3 நாடுகள் இடையிலான ஒரு நாள் கிரிக்கெட் போட்டி அயர்லாந்தில் நடந்தது. லீக் சுற்றுடன் அயர்லாந்து அணி வெளியேறியது. டப்லினில் நேற்று முன்தினம் நடந்த இறுதிப்போட்டியில் வெஸ்ட்இண்டீஸ்-வங்காளதேசம் அணிகள் மோதின. மழை காரணமாக போட்டி 24 ஓவர்களாக குறைக்கப்பட்டது. முதலில் ஆடிய வெஸ்ட்இண்டீஸ் அணி 24 ஓவர்களில் ஒரு விக்கெட் இழப்புக்கு 152 ரன்கள் எடுத்தது. தொடக்க ஆட்டக்காரர் ஷாய் ஹோப் 74 ரன்கள் (64 பந்துகளில் 6 பவுண்டரி, 3 சிக்சருடன்) எடுத்து ஆட்டம் இழந்தார். சுனில் அம்ரிஸ் 69 ரன்னும், டேரன் பிராவோ 3 ரன்னும் எடுத்து ஆட்டம் இழக்காமல் இருந்தனர்.


‘டக்வொர்த் லீவிஸ்’ விதிப்படி வங்காளதேச அணிக்கு 24 ஓவர்களில் 210 ரன்கள் வெற்றி இலக்காக நிர்ணயிக்கப்பட்டது. வங்காளதேச அணி 22.5 ஓவர்களில் 5 விக்கெட் இழப்புக்கு 213 ரன்கள் எடுத்து 5 விக்கெட் வித்தியாசத்தில் அசத்தல் வெற்றி பெற்று சாம்பியன் பட்டத்தை கைப்பற்றியது. பல நாடுகள் இடையிலான ஒரு நாள் போட்டியில் வங்காளதேச அணி கோப்பையை வெல்வது இதுவே முதல்முறையாகும். சவுமியா சர்கார் 66 ரன்கள் (41 பந்து, 9 பவுண்டரி, 3 சிக்சர்) எடுத்து ஆட்டம் இழந்தார். மோசாடெக் ஹூசைன் 24 பந்துகளில் 2 பவுண்டரி, 5 சிக்சருடன் 52 ரன்கள் எடுத்து ஆட்டம் இழக்காமல் இருந்தார். வங்காளதேச வீரர் மோசாடெக் ஹூசைன் ஆட்டநாயகன் விருதையும், வெஸ்ட்இண்டீஸ் வீரர் ஷாய் ஹோப் தொடர்நாயகன் விருதையும் பெற்றனர்.

இந்த போட்டி தொடரில் வெஸ்ட்இண்டீஸ் அணி, வங்காளதேசத்துக்கு எதிரான 3 ஆட்டங்களிலும் தொடர்ச்சியாக தோல்வியை சந்தித்துள்ளது. உலக கோப்பை போட்டி நெருங்கும் வேளையில் சந்தித்த இந்த தோல்வியால் வெஸ்ட் இண்டீஸ் அணிக்கு நெருக்கடி ஏற்பட்டுள்ளது.


தொடர்புடைய செய்திகள்

1. தென்ஆப்பிரிக்க அணி எழுச்சி பெறுமா? - வெஸ்ட் இண்டீசுடன் இன்று மோதல்
எழுச்சி பெறும் முனைப்புடன் உள்ள தென்ஆப்பிரிக்க அணி இன்று அதிரடி சூரர்களை உள்ளடக்கிய வெஸ்ட் இண்டீசை எதிர்கொள்கிறது.
2. உலக கோப்பை கிரிக்கெட்: வெஸ்ட் இண்டீஸ் அணி முதலில் பந்து வீச்சு
ஆஸ்திரேலியாவுக்கு எதிரான ஆட்டத்தில் டாஸ் வென்ற வெஸ்ட் இண்டீஸ் அணி முதலில் பந்து வீச்சை தேர்வு செய்தது.
3. 3 நாடுகள் கிரிக்கெட்: வங்காளதேச அணி வெற்றி
3 நாடுகள் கிரிக்கெட் போட்டியின் கடைசி லீக் ஆட்டத்தில் வங்காளதேச அணி 6 விக்கெட் வித்தியாசத்தில் வெற்றி பெற்றது.
4. 3 நாடுகள் கிரிக்கெட்: வெஸ்ட்இண்டீஸ் அணியை வீழ்த்தி வங்காளதேசம் இறுதிப்போட்டிக்கு தகுதி
3 நாடுகள் கிரிக்கெட் போட்டியின் லீக் ஆட்டத்தில் வங்காளதேச அணி 5 விக்கெட் வித்தியாசத்தில் வெஸ்ட்இண்டீசை வீழ்த்தி இறுதிப்போட்டிக்கு முன்னேறியது.
5. ஒரு நாள் கிரிக்கெட்டில் வெஸ்ட் இண்டீஸ் தொடக்க ஜோடி 365 ரன்கள் குவித்து உலக சாதனை
ஒரு நாள் கிரிக்கெட்டில் வெஸ்ட் இண்டீஸ் தொடக்க ஜோடி 365 ரன்கள் குவித்து உலக சாதனை படைத்தது.