‘இந்திய அணிக்கு எனது அறிவுரை’ -கபில்தேவ்

இந்திய அணிக்கான வெற்றி வாய்ப்பு எப்படி? இந்தியாவுக்கு முதல் உலகக் கோப்பையை வென்று கொடுத்தவரும், உலகக் கோப்பை வென்ற மிக இளவயது கேப்டன் (24) என்ற பெருமையை இன்றுவரை தக்கவைத்திருப்பவருமான கபில்தேவின் பேட்டி...

தற்போது இந்த விளையாட்டு மிகவும் பெரிதாகிவிட்டது. அணித் தேர்வு குறித்து ஒவ்வொருவரும் ஒரு கருத்து வைத்திருக்கிறார்கள். என்னைப் பொறுத்தவரை தேர்வாளர்கள் அவர்கள் பணியைச் செய்திருக்கிறார்கள். இந்திய அணி கேப்டனும், நிர்வாகமும் தங்கள் பணியைச் செய்வார்கள், இந்திய அணி தனது ஆட்டங்களில் வெல்லும் என்று நான் நம்புகிறேன்.

நான் அதைப் பற்றி எதுவும் சொல்ல விரும்பவில்லை. யாரையும் விரல் நீட்டிப் பேசுவது எளிது. தேர்வாளர்கள் ஐந்து பேரும், அணியில் யார் யாரை இடம்பெறச் செய்ய வேண்டும் என்று கேப்டனுடன் கலந்தாலோசித்துத்தான் முடிவெடுத்திருப்பார்கள். அவர்கள் இது பேட்டிங்கில் வலுவான அணி என்று நினைத்தால், நிச்சயம் வலுவான அணிதான்.

ஹர்திக் பாண்ட்யாவை கழித்துவிட்டுப் பார்த்தால், இந்திய அணியில் 3 பிரதான வேகப்பந்துவீச்சாளர்கள்தான் இருக்கிறார்கள்...

ஹர்திக் பாண்ட்யாவை ஏன் வேகப்பந்துவீச்சாளராகக் கருதக்கூடாது?

ஒரு மாத காலத்தில் நீங்கள் 9 ஆட்டங்களில் ஆடப் போகிறீர்கள். யாராவது காயம் அடைந்தாலும், அவர்களுக்கு மாற்று வீரர்கள் இருக்கிறார்கள். இந்த 3 பிரதான வேகப்பந்துவீச்சாளர்களும், ஒரு வேகப்பந்துவீச்சு ஆல்ரவுண்டரும் போதும்.

முதலில் நாம், தேர்ந்தெடுக்கப்பட்டவர்களுக்கு வாய்ப்புக் கொடுப்போம். நான், இப்படியிருந்தால், அப்படியிருந்தால் எனப் பேசத் தொடங்கினால், எல்லாமே எதிர்மறையாகப் போய்விடும். நான் நேர்மறையான எண்ணம் கொண்ட மனிதன். நமக்குள்ள அணி குறித்து நாம் சந்தோஷப்பட வேண்டும்.

இந்த முறை நல்லது. இதன் மூலம், ஒவ்வொரு அணியும் தங்களின் உண்மையான திறமையை அறிந்துகொள்ளலாம்.

ஒரு தனிநபர் அல்லது கிரிக்கெட் அணியை விட நாடு மேலானது என்பதை எல்லோரும் புரிந்துகொள்ள வேண்டும். ‘தாராளமாகப் போய் விளையாடுங்கள்’ என்று நாடு சொல்கிறது என்றால், அதைப் பற்றி விவாதிக்கவே தேவையில்லை. இது ஒரு தொடர். இதில் விளையாடுவதற்கு எந்த வீரருக்காவது பிரச்சினை என்றால், அவர் விலகிக்கொள்ளலாம். அணி விளையாடுவது, விளையாடாமல் தவிர்ப்பது குறித்து முடிவெடுப்பது, அரசாங்கம், கிரிக்கெட் வாரியத்தின் உரிமை.

வெற்றியுடன் தொடங்குவது எப்போதுமே நல்லது. அதனால் ஒரு சீரான நிலை உருவாகும். அது எப்போதும் முக்கியமானது. ஆனால் நமக்கு ஒன்பது போட்டிகள் இருப்பதால், ஒரு போட்டியில் தோற்றாலும்கூட மீண்டு எழுந்துவிட முடியும்.

நிச்சயம் இருக்கிறது. நமது அணியில் 3 நல்ல வேகப்பந்துவீச்சாளர்கள் இருக்கிறார்கள், 3 சிறந்த சுழற்பந்துவீச்சாளர்கள் இருக்கிறார்கள். ஹர்திக் பாண்ட்யா என்ற அபாரமான ஆல்ரவுண்டர் இருக்கிறார். உலகிலேயே சிறந்த பேட்ஸ்மேனும் துடிப்பான கேப்டனுமான விராட் கோலி இருக்கிறார். அப்புறம், டோனி. ரோகித், தவான் போன்றோரும் உள்ளனர். கோலியும் டோனியுமே அணிக்குப் பெரும் பலம்தான்.

இல்லை, அவர் மட்டுமில்லை, எல்லோருமே முக்கியமானவர்கள்தான். குறிப்பிட்ட யாருக்கும் நெருக்கடியை உருவாக்க நான் விரும்பவில்லை. சில வீரர்கள் தூண்களைப் போன்றவர்கள் என்பது உண்மை. ஆனால் இது போன்ற பெரிய தொடரில், எல்லோரும் ஒன்றிணைந்து நன்றாகச் செயல்பட்டால்தான் வெற்றி பெற முடியும்.

ஒவ்வொரு அணியுமே அச்சுறுத்தல்தான். ஒருநாள் கிரிக்கெட்டில் நாம் வங்காளதேசத்தைக் கூட எளிதாக எடுத்துக்கொள்ள முடியாது. அப்படி எடுத்துக்கொண்டதால்தான், 2007 உலகக் கோப்பை போட்டியில் ஆரம்பத்திலேயே வெளியேறினோம். ஆக, உலகக் கோப்பையில் ஆடும்போது, ஒரு அணி வலுவானது, ஒரு அணி எளிதானது என்றெல்லாம் நாம் நினைக்க முடியாது. எல்லோரையும் ஒரே மாதிரித்தான் எதிர்கொள்ள வேண்டும்.

நான் கிரிக்கெட்டில் இருந்து விலகி 20 ஆண்டுகளுக்கு மேலாகிவிட்டது. இன்றைய அணி வீரர்களின் மனநிலை, அவர்களின் திட்டம் பற்றி எனக்குத் தெரியாது. எனவே திட்டவட்டமாக அறிவுரை கூறுவது சரியாக இருக்காது. இப்படி வேண்டுமானால் சொல்லலாம்... ஓர் அணியாக ஒன்றிணைந்து ஆடுங்கள், தனிநபராக அணிக்கு வெற்றி தேடிக்கொடுக்கும் வாய்ப்பிருந்தால், மற்றவர்களை எதிர்பார்க்காமல் வெற்றி தேடிக்கொடுங்கள். அது ரொம்பவே முக்கியமானது.