தென்ஆப்பிரிக்காவுக்கு எதிராக சதம்: ரோகித் சர்மாவின் சிறந்த இன்னிங்ஸ் கேப்டன் விராட்கோலி புகழாரம்
இந்திய துணைகேப்டன் ரோகித் சர்மாவின் சிறந்த இன்னிங்ஸ், இந்திய கேப்டன் விராட் கோலி புகழாரம் சூட்டியுள்ளார்.
சவுதம்டன்,
என்னை பொறுத்தமட்டில், சர்வதேச ஒரு நாள் கிரிக்கெட்டில் ரோகித் சர்மாவின் மிகச்சிறந்த இன்னிங்ஸ் இதுவாகும். ஏனெனில் உலக கோப்பை போட்டியில் தொடக்க ஆட்ட நெருக்கடிக்கு மத்தியில் அவர் இந்த சதத்தை அடித்து இருக்கிறார். பந்து அடிக்கடி பவுன்ஸ் ஆகும் போது அதனை சமாளித்து பொறுமையாக ஆடுவது எளிதான காரியம் அல்ல என்பது ஒரு பேட்ஸ்மேனாக எனக்கு தெரியும். தனது வழக்கமான ஆட்டத்தை வெளிப்படுத்த முடியாத அளவுக்கு பந்து வீசப்பட்டாலும், பொறுப்புடனும், பொறுமையுடனும் செயல்பட்டு ரோகித் சர்மா அற்புதமான ஆட்டத்தை வெளிப்படுத்தினார். அவர் ஒரு புறத்தில் கடைசி வரை நிலைத்து நின்று ஆட்டத்தின் போக்கை நேர்த்தியாக கட்டுப்படுத்தினார்.
நமது வீரர்களின் சுழற்பந்து வீச்சை அடித்து ஆட முடியாமல் தென்ஆப்பிரிக்க அணி வீரர்கள் திணறினார்கள். வெற்றி இலக்கு குறைவாக இருந்தாலும், ஆடுகளத்தின் தன்மையால் அதனை எட்டுவது சவாலாக இருந்தது. போட்டியை வெற்றியுடன் தொடங்குவது எப்பொழுதும் முக்கியமானது. தொழில்முறை வீரர்களாக அப்பணியை சரியாக செய்திருப்பது மகிழ்ச்சி அளிக்கிறது. இவ்வாறு கோலி கூறினார்.
Related Tags :
Next Story