கிரிக்கெட்

இங்கிலாந்து அணியின் சவாலை சமாளிக்குமா இலங்கை இன்று மோதல் + "||" + Will Sri Lanka handle the challenge of the England team? Today's clash

இங்கிலாந்து அணியின் சவாலை சமாளிக்குமா இலங்கை இன்று மோதல்

இங்கிலாந்து அணியின் சவாலை சமாளிக்குமா இலங்கை இன்று மோதல்
உலக கோப்பை கிரிக்கெட் போட்டியில் இன்று நடைபெறும் லீக் ஆட்டத்தில் இங்கிலாந்து–இலங்கை அணிகள் மோதுகின்றன.

லீட்ஸ், 

உலக கோப்பை கிரிக்கெட் போட்டியில் இன்று நடைபெறும் லீக் ஆட்டத்தில் இங்கிலாந்து–இலங்கை அணிகள் மோதுகின்றன.

27–வது லீக் ஆட்டம்

இங்கிலாந்தில் நடந்து வரும் உலக கோப்பை கிரிக்கெட் போட்டி தொடரில் லீட்சில் இன்று (வெள்ளிக்கிழமை) நடைபெறும் 27–வது லீக் ஆட்டத்தில் இங்கிலாந்து அணி, இலங்கையை எதிர்கொள்கிறது.

ரன் குவிப்பில் மலைக்க வைக்கும் இங்கிலாந்து இந்த உலக கோப்பையில் தென்ஆப்பிரிக்கா, வங்காளதேசம், வெஸ்ட்இண்டீஸ், ஆப்கானிஸ்தானை உதைத்தது. 2–வது லீக் ஆட்டத்தில் மட்டும் பாகிஸ்தானிடம் பணிந்தது. அந்த அணியின் ஜோரூட் (367), இயான் மோர்கன் (249), பேர்ஸ்டோ (218), ஜோஸ் பட்லர் (187) ஆகியோர் பேட்டிங்கில் அசத்தி வருகிறார்கள். பந்து வீச்சில் ஜோப்ரா ஆர்ச்சர், மார்க் வுட் ஆகியோர் எதிரணிக்கு சிம்மசொப்பனமாக விளங்குகிறார்கள். இந்த உலக கோப்பையில் 4 முறை 300 ரன்களுக்கு மேல் குவித்துள்ள இங்கிலாந்து அதிக ரன் குவித்த அணியாகவும் (ஆப்கானிஸ்தானுக்கு எதிராக 397 ரன்) வலம் வருகிறது.

சவாலை சமாளிக்குமா இலங்கை?

இலங்கை அணி ஆப்கானிஸ்தானுக்கு எதிரான ஆட்டத்தில் மட்டும் வெற்றி பெற்றது. நியூசிலாந்து, ஆஸ்திரேலியா அணிகளிடம் தோல்வி கண்டது. பாகிஸ்தான், வங்காளதேசத்துக்கு எதிரான ஆட்டம் மழையால் கைவிடப்பட்டது. இலங்கை அணியில் கருணாரத்னே, குசல் பெரேரா தவிர யாரும் மெச்சும் வகையில் பேட்டிங் செய்யவில்லை. அந்த அணியின் பந்து வீச்சும் அச்சுறுத்தலாக இல்லை.

எனவே இன்றைய ஆட்டத்தில் வலுவான இங்கிலாந்து அணியின் ஆதிக்கத்துக்கு இலங்கை அணியால் ஈடுகொடுக்க முடியுமா என்பது சந்தேகம் தான். இந்திய நேரப்படி பிற்பகல் 3 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.

அணி வீரர்கள்

போட்டிக்கான இரு அணிகளின் உத்தேச பட்டியல் வருமாறு:–

இங்கிலாந்து: ஜேம்ஸ் வின்ஸ், பேர்ஸ்டோ, ஜோரூட், இயான் மோர்கன் (கேப்டன்), ஜோஸ் பட்லர், பென் ஸ்டோக்ஸ், மொயீன் அலி, கிறிஸ் வோக்ஸ், ஜோப்ரா ஆர்ச்சர், அடில் ரஷித், மார்கவுட்.

இலங்கை: கருணாரத்னே (கேப்டன்), குசல் பெரேரா, திரிமன்னே, குசல் மென்டிஸ், மேத்யூஸ், ஸ்ரீவர்தனா, திசரா பெரேரா, தனஞ்ஜெயா டி சில்வா, இசுரு உதனா, மலிங்கா, நுவான் பிரதீப்.

இங்கிலாந்து–இலங்கை

1 தரவரிசை 9

இதுவரை நேருக்கு நேர் 74 1 டை, 2 முடிவில்லை

36 வெற்றி 35 வெற்றி

உலக கோப்பையில் நேருக்கு நேர் 10

6 வெற்றி 4 வெற்றி


தொடர்புடைய செய்திகள்

1. இங்கிலாந்தில் தங்க கழிப்பறை கோப்பை திருட்டு
இங்கிலாந்தில் தங்க கழிப்பறை கோப்பை திருடப்பட்டது.
2. இங்கிலாந்துக்கு எதிரான ஆஷஸ் கடைசி டெஸ்ட்: ஆஸ்திரேலிய அணி 225 ரன்னில் ஆல்-அவுட்
இங்கிலாந்துக்கு எதிரான ஆஷஸ் கடைசி டெஸ்டில் ஆஸ்திரேலிய அணி முதல் இன்னிங்சில் 225 ரன்னில் ஆல்-அவுட் ஆனது.
3. இங்கிலாந்துக்கு எதிரான ஆஷஸ் தொடரை ஆஸ்திரேலிய அணி வெல்லுமா? - கடைசி டெஸ்ட் கிரிக்கெட் இன்று தொடக்கம்
இங்கிலாந்து-ஆஸ்திரேலியா அணிகள் இடையிலான 5-வது மற்றும் கடைசி ஆஷஸ் டெஸ்ட் கிரிக்கெட் போட்டி லண்டனில் இன்று தொடங்குகிறது.
4. படிப்புக்கு பிந்தைய பயிற்சி வேலைக்கான இரண்டு வருட விசா -இங்கிலாந்தில் மீண்டும் அறிமுகம்
படிப்புக்கு பிந்தைய பயிற்சி, வேலைக்கான இரண்டு வருட விசாவை இங்கிலாந்து மீண்டும் அறிமுகப்படுத்த முடிவு செய்து உள்ளது.
5. இங்கிலாந்தில் ருசிகரம்: மெட்ரோ ரெயிலில் துணியை துவைத்து காயப்போட்ட வாலிபர்
இங்கிலாந்தில் வாலிபர் ஒருவர் மெட்ரோ ரெயிலில் துணியை துவைத்து காயப்போட்ட ருசிகர சம்பவம் நிகழ்ந்துள்ளது.