கிரிக்கெட்

வெஸ்ட் இண்டீஸ் அணி வீரர் லாரா நலமுடன் வீடு திரும்பினார் + "||" + "Fit and fine" Lara discharged from hospital

வெஸ்ட் இண்டீஸ் அணி வீரர் லாரா நலமுடன் வீடு திரும்பினார்

வெஸ்ட் இண்டீஸ் அணி வீரர் லாரா நலமுடன் வீடு திரும்பினார்
வெஸ்ட் இண்டீஸ் அணி வீரர் லாரா சிகிச்சை முடிந்து நலமுடன் வீடு திரும்பினார்.
வெஸ்ட் இண்டீஸ் அணியின் பிரபல பேட்ஸ்மேன் பிரையன் லாரா (வயது 50).  இவருக்கு நெஞ்சு வலி ஏற்பட்டதை தொடர்ந்து மும்பை பரேலில் உள்ள குளோபல் மருத்துவமனையில் நேற்று அனுமதிக்கப்பட்டார்.  இதனால் அவரது ரசிகர்கள் அதிர்ச்சி அடைந்தனர்.

இதனை அடுத்து அவர் செய்தியாளர்களிடம் அளித்த பேட்டியில், காலை அதிகளவில் உடற்பயிற்சி மேற்கொண்டேன்.  இதனால் நெஞ்சு வலி ஏற்பட்டது.  மருத்துவரை சந்திப்பது சிறந்தது என நினைத்தேன்.  மருத்துவமனைக்கு கொண்டு செல்லப்பட்டேன்.  தொடர்ந்து வலி இருந்தது.  நிறைய பரிசோதனைகள் நடந்தன.

நான் நலமுடன் இருக்கிறேன் என அனைவருக்கும் தெரிவித்து கொள்கிறேன்.  சிகிச்சை முடிந்து நாளை ஓட்டல் அறைக்கு திரும்புவேன்.  எனது ரசிகர்கள் அதிக கவலை அடைந்து உள்ளனர் என எனக்கு தெரியும்.  உங்கள் அனைவருக்கும் எனது நன்றிகள் என அவர் கூறினார்.

அவர் மருத்துவமனையில் இருந்து மதியம் 12.20 மணியளவில் இன்று விடுவிக்கப்பட்டார்.  சிகிச்சை முடிந்து லாரா நலமுடன் உள்ளார் என மருத்துவமனை வட்டாரம் தெரிவித்து உள்ளது.  வேறு தகவல்கள் எதனையும் அவர்கள் வெளியிடவில்லை.

அவர் கிரிக்கெட்டில் இருந்து ஓய்வு பெற்று 12 ஆண்டுகள் ஆகிறது. 1990 முதல் 2007 வரை 17 ஆண்டுகள் சர்வதேச போட்டிகளில் விளையாடியுள்ளார்.

வெஸ்ட் இண்டீஸ் அணிக்காக விளையாடி 131 டெஸ்டில் 11,953 ரன்கள் எடுத்துள்ளார். சராசரி 52.89 ஆகும்.  இவற்றில் 34 சதங்களும், 48 அரை சதங்களும் அடங்கும். 299 ஒரு நாள் போட்டியில் விளையாடி 10,405 ரன்கள் எடுத்துள்ளார். சராசரி 40.17 ஆகும்.  19 சதங்களும், 63 அரை சதங்களும் அடித்துள்ளார்.  லாரா டெஸ்ட் இன்னிங்சில் ஆட்டமிழக்காமல் 400 ரன்கள் எடுத்த முதல் மற்றும் ஒரே வீரர் என்ற பெருமைக்குரியவர்.

தொடர்புடைய செய்திகள்

1. சட்டவிரோத முறையில் கட்டப்பட்ட ஓட்டல் ஒரு சில வினாடிகளில் இடித்து தரைமட்டம்
சட்டவிரோத முறையில் கட்டப்பட்ட பல அடுக்குகள் கொண்ட ஓட்டல் கட்டிடம் ஒன்று ஒரு சில வினாடிகளில் இடித்து தள்ளப்பட்டது.
2. நலமுடன் இருக்கிறேன்; நாளை ஓட்டலுக்கு திரும்புவேன்: லாரா பேட்டி
வெஸ்ட் இண்டீஸ் அணியின் ஜாம்பவான் பிரையன் லாரா நலமுடன் இருக்கிறேன் என கூறியுள்ளார்.
3. ஓட்டலுக்கு கொண்டு செல்லப்பட்ட ஓட்டுப்பதிவு எந்திரங்கள் - எதிர்க்கட்சிகள் ஆர்ப்பாட்டம்; தேர்தல் அதிகாரிக்கு நோட்டீஸ்
பீகாரில் ஓட்டுப்பதிவு எந்திரங்கள் ஓட்டல் அறைக்கு கொண்டு செல்லப்பட்டன. இதுதொடர்பாக தேர்தல் அதிகாரிக்கு நோட்டீஸ் வழங்கப்பட்டது. எதிர்க்கட்சிகள் ஆர்ப்பாட்டத்தில் ஈடுபட்டன.