கிரிக்கெட்

வெஸ்ட் இண்டீஸ் அணிக்கு எதிரான போட்டியில் டாஸ் வென்ற இந்தியா பேட்டிங் தேர்வு + "||" + CWC19 India win the toss, elect to bat first against West Indies

வெஸ்ட் இண்டீஸ் அணிக்கு எதிரான போட்டியில் டாஸ் வென்ற இந்தியா பேட்டிங் தேர்வு

வெஸ்ட் இண்டீஸ் அணிக்கு எதிரான போட்டியில் டாஸ் வென்ற இந்தியா பேட்டிங் தேர்வு
உலக கோப்பை கிரிக்கெட்டில் வெஸ்ட் இண்டீஸ் அணிக்கு எதிரான போட்டியில் டாஸ் வென்ற இந்தியா பேட்டிங் தேர்வு செய்துள்ளது.
10 அணிகள் பங்கேற்றுள்ள 12-வது உலக கோப்பை கிரிக்கெட் போட்டி இங்கிலாந்தில் நடந்து வருகிறது. 

இதில் லீக் சுற்று முக்கியமான கட்டத்தை எட்டியிருப்பதால் ஒவ்வொரு நாளும் போட்டி மீதான ரசிகர்களின் ஆர்வம் அதிகரித்து வருகிறது.

மான்செஸ்டரில் இன்று (வியாழக்கிழமை) நடக்கும் 34-வது லீக் ஆட்டத்தில் 2 முறை சாம்பியன்களான இந்தியாவும், வெஸ்ட் இண்டீசும் கோதாவில் குதிக்கின்றன. நடப்பு தொடரில் தோல்வியே சந்திக்காத விராட் கோலி தலைமையிலான இந்திய அணி 4 வெற்றி (தென்ஆப்பிரிக்கா, ஆஸ்திரேலியா, பாகிஸ்தான், ஆப்கானிஸ்தானுக்கு எதிராக), ஒரு முடிவில்லை (நியூசிலாந்துக்கு எதிராக) என்று 9 புள்ளியுடன் 3-வது இடத்தில் உள்ளது. இன்றைய ஆட்டத்திலும் வெற்றி பெற்றால் இந்தியாவின் அரைஇறுதி வாய்ப்பு ஏறக்குறையை உறுதியாகி விடும்.

6 ஆட்டத்தில் வெறும் 3 புள்ளி மட்டுமே எடுத்துள்ள வெஸ்ட் இண்டீஸ் அணிக்கு இப்போது அரைஇறுதி வாய்ப்பு நூலிழை அளவுக்கு தான் ஒட்டிக்கொண்டுள்ளது. அதுவும் எஞ்சிய 3 ஆட்டங்களிலும் உயரிய ரன் ரேட்டுடன் கட்டாயம் வெற்றி பெற்றாக வேண்டும். அதிரடி சூரர்களை உள்ளடக்கிய வெஸ்ட் இண்டீஸ் அணியில் பேட்டிங்கில் முழுமையான ஒருங்கிணைப்பு இல்லை. ஒவ்வொரு முறையும் ஒரு சில வீரர்களின் ஆட்டங்கள் மட்டுமே ‘கிளிக்’ ஆவதால் வெற்றிப்பாதைக்கு பயணிக்க முடியவில்லை. இன்றைய ஆட்டம் மீது மிகுந்த எதிர்பார்ப்பு ஏற்பட்டுள்ளது. போட்டியில் டாஸ் வென்ற இந்தியா பேட்டிங்கை தேர்வு செய்தது.