வெஸ்ட்இண்டீஸ் கிரிக்கெட் வாரிய ஒப்பந்த வீரர்கள் பட்டியலில் நிகோலஸ் பூரன்

ஜமைக்கா, 

வெஸ்ட்இண்டீஸ் கிரிக்கெட் வாரியம் சார்பில் இந்த ஆண்டுக்கு (2019-2020) ஒப்பந்தம் செய்யப்பட்டுள்ள வீரர்கள் பட்டியல் நேற்று வெளியிடப்பட்டது. எல்லா வடிவிலான (டெஸ்ட், ஒருநாள், 20 ஓவர்) ஆட்டங்களுக்கான வீரர்கள் ஒப்பந்த பட்டியலில் அல்ஜாரி ஜோசப், கீமோ பால், கெமார் ரோச், டேரன் பிராவோ, ஹெட்மயர், ஜாசன் ஹோல்டர், ஷாய் ஹோப் ஆகியோர் இடம் பிடித்துள்ளனர். டெஸ்ட் போட்டிக்கான வீரர்கள் பட்டியலில் டாவ்ரிச், ஷனோன் கேப்ரியல், ஜோமெல் வாரிகன், கிரேக் பிராத்வெய்ட், ஜான் கேம்ப்பெல், ரோஸ்டன் சேஸ் ஆகியோர் இடம் பெற்றுள்ளனர். ஒருநாள் மற்றும் 20 ஓவர் போட்டிக்கான வீரர்கள் பட்டியலில் ஷெல்டன் காட்ரெல், நிகோலஸ் பூரன், ரோவ்மன் பவெல், ஒஷானே தாமஸ், பாபியன் ஆலென், கார்லஸ் பிராத்வெய்ட் உள்ளிட்டோர் இடம் பிடித்து இருக்கிறார்கள். இது தவிர 15 வீராங்கனைகளும் ஒப்பந்தம் செய்யப்பட்டுள்ளனர்.