கிரிக்கெட்

நடுவருடன் வாக்குவாதம் இங்கிலாந்து வீரர் ஜாசன் ராய்க்கு அபராதம் + "||" + Argument with the arbitrator England player Jason Roy fined

நடுவருடன் வாக்குவாதம் இங்கிலாந்து வீரர் ஜாசன் ராய்க்கு அபராதம்

நடுவருடன் வாக்குவாதம் இங்கிலாந்து வீரர் ஜாசன் ராய்க்கு அபராதம்
உலக கோப்பை கிரிக்கெட்டில் ஆஸ்திரேலியாவுக்கு எதிரான அரைஇறுதி ஆட்டத்தில் இங்கிலாந்து அணியின் தொடக்க ஆட்டக்காரர் ஜாசன் ராய் (85 ரன்கள், 65 பந்து, 9 பவுண்டரி, 5 சிக்சர்) அதிரடியாக ஆடி ரன் குவித்தார்.

பர்மிங்காம், 

உலக கோப்பை கிரிக்கெட்டில் ஆஸ்திரேலியாவுக்கு எதிரான அரைஇறுதி ஆட்டத்தில் இங்கிலாந்து அணியின் தொடக்க ஆட்டக்காரர் ஜாசன் ராய் (85 ரன்கள், 65 பந்து, 9 பவுண்டரி, 5 சிக்சர்) அதிரடியாக ஆடி ரன் குவித்தார். சதம் அடிப்பார் என்று எதிர்பார்க்கப்பட்ட நிலையில் ஜாசன் ராய் 20–வது ஓவரில் கம்மின்ஸ் வீசிய பந்தை அடித்து ஆட முயன்றார். அந்த பந்தை பிடித்த விக்கெட் கீப்பர் அலெக்ஸ் கேரி அவுட் கேட்டு முறையிட்டார். உடனே நடுவர் தர்மசேனா அவுட் என்று விரலை உயர்த்தினார். இதனால் அதிருப்தி அடைந்த ஜாசன் ராய் பந்து பேட்டில் படவில்லை என்று நடுவருடன் வாக்குவாதம் செய்தார். அந்த சமயத்தில் இங்கிலாந்து அணியிடம் டி.ஆர்.எஸ். வாய்ப்பு இல்லாததால் நடுவரின் முடிவை எதிர்த்து அப்பீல் செய்ய முடியவில்லை. கோபத்துடன் வெளியேறிய ஜாசன் ராய் திட்டியபடி பெவிலியன் திரும்பினார். டி.வி. ரீபிளேயில் பந்து பேட்டில் படவில்லை என்பது தெரிந்தது. நடுவரின் முடிவுக்கு எதிர்ப்பு தெரிவிப்பது விதிமுறையை மீறிய செயலாகும். இந்த சம்பவம் குறித்து நடுவர்கள் போட்டி நடுவரிடம் புகார் தெரிவித்தனர். இது குறித்து ஐ.சி.சி. விசாரணையை நடத்தியது. விசாரணை முடிவில் ஜாசன் ராய் விதிமுறையை மீறி செயல்பட்டு இருப்பதால் அவருக்கு போட்டி கட்டணத்தில் இருந்து 30 சதவீதம் அபராதமாக விதிக்கப்பட்டு இருப்பதுடன், 2 தகுதி இழப்பு புள்ளியும் தண்டனையாக அளிக்கப்பட்டுள்ளது என்று ஐ.சி.சி. தெரிவித்து இருக்கிறது. குறைந்த தகுதி இழப்பு புள்ளி வழங்கப்பட்டதால் தடையில் இருந்து ஜாசன்ராய் தப்பினார். இந்த போட்டி தொடரில் ஜாசன் ராய் 6 ஆட்டங்களில் ஆடி 426 ரன்கள் குவித்துள்ளார்.


தொடர்புடைய செய்திகள்

1. உலக கோப்பையை வெல்லப்போவது யார்? இங்கிலாந்து–நியூசிலாந்து இன்று பலப்பரீட்சை
தங்களது முதலாவது உலக கோப்பையை வெல்லும் கனவுடன் இங்கிலாந்து–நியூசிலாந்து அணிகள் இன்று இறுதி ஆட்டத்தில் ம
2. உலக கோப்பையை இங்கிலாந்து அணி வெல்லும் ரிக்கி பாண்டிங் கணிப்பு
உலக கோப்பை போட்டி தொடங்குவதற்கு முன்பாக நான் கருத்து தெரிவிக்கையில் இங்கிலாந்து அணியை வீழ்த்துவது கடினம் என்றும், அந்த அணியே கோப்பையை வெல்ல அதிக வாய்ப்பு இருக்கிறது என்றும் நினைத்தேன்.
3. உலக கோப்பை கிரிக்கெட்டில் இங்கிலாந்து–நியூசிலாந்து நேருக்கு நேர் எப்படி?
உலக கோப்பை கிரிக்கெட்டில் மகுடத்துக்கான இறுதி ஆட்டத்தில் இங்கிலாந்து–நியூசிலாந்து அணிகள் லண்டன் லார்ட்சில் நாளை (இந்திய நேரப்படி பிற்பகல் 3 மணி) மோத உள்ளன.
4. இறுதிப்போட்டிக்கு முன்னேறுவோம் என்று கற்பனையில் கூட நினைக்கவில்லை இங்கிலாந்து கேப்டன் மோர்கன் சொல்கிறார்
2015–ம் ஆண்டில் லீக் சுற்றிலேயே சொதப்பிய பிறகு உலக கோப்பை கிரிக்கெட்டில் இறுதிப்போட்டிக்கு முன்னேறுவோம் என்று கற்பனையில் கூட நினைத்து பார்க்கவில்லை என்று இங்கிலாந்து கேப்டன் மோர்கன் கூறியுள்ளார்.
5. இங்கிலாந்து கப்பலை போர் கப்பல்கள் மறித்ததாக குற்றச்சாட்டு: ஈரான் மறுப்பு
இங்கிலாந்து கப்பலுக்கு ஈரானிய படகுகள் தொல்லை கொடுத்ததாக அமெரிக்க அதிகாரிகள் தரப்பு குற்றச்சாட்டை ஈரான் மறுத்து உள்ளது.