ஒருநாள் கிரிக்கெட் தரவரிசை: விராட்கோலி, பும்ரா முதலிடத்தில் நீடிப்பு

லண்டன்,

அணிகள் தரவரிசையில் இங்கிலாந்து அணி (125 புள்ளிகள்) தொடர்ந்து முதலிடத்தில் நீடிக்கிறது. இந்திய அணி (122 புள்ளிகள்) 2-வது இடத்தில் தொடருகிறது. நியூசிலாந்து அணி (112 புள்ளிகள்) 3-வது இடமும், ஆஸ்திரேலிய அணி (111 புள்ளிகள்) 4-வது இடமும், தென்ஆப்பிரிக்க அணி (110 புள்ளிகள்) 5-வது இடமும், பாகிஸ்தான் அணி (97 புள்ளிகள்) 6-வது இடமும், வங்காளதேச அணி (90 புள்ளிகள்) 7-வது இடமும், இலங்கை அணி (79 புள்ளிகள்) 8-வது இடமும், வெஸ்ட்இண்டீஸ் அணி (77 புள்ளிகள்) 9-வது இடமும், ஆப்கானிஸ்தான் அணி (59 புள்ளிகள்) 10-வது இடமும் வகிக்கின்றன.

பேட்ஸ்மேன் தரவரிசையில் இந்திய வீரர்கள் விராட்கோலி (891 புள்ளிகள்) முதலிடத்திலும், ரோகித் சர்மா (885 புள்ளிகள்) 2-வது இடத்திலும் நீடிக்கின்றனர். பந்து வீச்சாளர்கள் தரவரிசையில் இந்திய வேகப்பந்து வீச்சாளர் ஜஸ்பிரித் பும்ரா (814 புள்ளிகள்) முதலிடத்தில் தொடருகிறார். ஆல்-ரவுண்டர்கள் வரிசையில் வங்காளதேச வீரர் ஷகிப் அல்-ஹசன் (406 புள்ளிகள்) முதலிடத்தில் நீடிக்கிறார்.