கிரிக்கெட்

தங்களது திட்டம் குறித்து தேர்வுக்குழு, டோனியிடம் நிச்சயம் எடுத்துக் கூற வேண்டும் - டோனியின் ஓய்வு பற்றி ஷேவாக் + "||" + Dhoni Should be Informed by Selectors About Their Plans: Sehwag

தங்களது திட்டம் குறித்து தேர்வுக்குழு, டோனியிடம் நிச்சயம் எடுத்துக் கூற வேண்டும் - டோனியின் ஓய்வு பற்றி ஷேவாக்

தங்களது திட்டம் குறித்து  தேர்வுக்குழு, டோனியிடம் நிச்சயம் எடுத்துக் கூற வேண்டும் - டோனியின் ஓய்வு பற்றி ஷேவாக்
தங்களது திட்டம் குறித்து தேர்வுக்குழு, டோனியிடம் நிச்சயம் எடுத்துக் கூற வேண்டும் என டோனியின் ஓய்வு பற்றி ஷேவாக் கூறி உள்ளார்.
புதுடெல்லி

 இந்திய கிரிக்கெட் வரலாற்றில் மிகப் பெரிய வெற்றி அடைந்த வீரர்களில் ஒருவர் மகேந்திர சிங் டோனி. இவரது தலைமையில் இந்திய அணி கிரிக்கெட் உலகின் உச்சத்தை அடைந்தது. இவரது தலைமையில் தான் ஐசிசியால் அங்கீகரிக்கப்பட்ட மூன்று விதமான உலகக்கோப்பைகளான 50 ஓவர், 20 ஓவர் மற்றும் சாம்பியன்ஸ் டிராபி போன்றவற்றை இந்திய அணி வென்றது. ஐசிசி அமைப்பின் மூன்று கோப்பைகளையும் வென்று தந்த ஒரே கேப்டன் என்ற பெருமையும் மகேந்திர சிங் டோனியையே சாரும். கிரிக்கெட் உலகில் ஒரு விக்கெட் கீப்பராக அதிக ஸ்டம்பிங்குகளை செய்துள்ளார். 

இத்தகைய சாதனைகளை செய்த மகேந்திர சிங் டோனி எப்பொழுது கிரிக்கெட் போட்டியில் இருந்து ஓய்வு பெறப்போகிறார் என்ற விவாதம் 2019 உலகக்கோப்பைக்கு பிறகு சூடு பிடித்துள்ளது. 38 வயதாகும் டோனி ஓய்வு பெறுவார் என்று அனைவராலும் எதிர்பார்க்கப்பட்டது. எனினும் டோனி தனது ஓய்வு குறித்த அறிவிப்பு எதனையும் வெளியிடவில்லை. 

ஆனால் டோனி ஓய்வு பெறாவிட்டால் அவரை அணியில் சேர்க்காமல் புறக்கணிப்பது என்று இந்திய கிரிக்கெட் கட்டுப்பாட்டு வாரியம் திட்டமிட்டுள்ளதாக தகவல் வெளியாகி உள்ளது. அதாவது தோனி அவராகவே ஓய்வு பெறுவது நல்லது. இல்லையெனில் அவரை ஓரங்கட்ட வேண்டிவரும் என்கிற ரீதியில் தேர்வுக்குழு தலைவர் எம்.எஸ்.கே.பிரசாத் தெரிவித்திருந்தது குறிப்பிடத்தக்கது. 

இந்நிலையில் இந்திய அணி அடுத்தடுத்து இளம் வீரர்களுக்கு வாய்ப்பளிக்க முடிவு செய்துள்ளதாகவும். டோனிக்கு பதிலாக ரிஷப் பண்டுக்கு அதிக வாய்ப்பளிக்க இருப்பதாகவும் பிசிசிஐ நினைப்பதாக பலரும் தெரிவித்து வருகின்றனர். ஆனால், தற்போதுவரை அதிகாரப்பூர்வமாக பிசிசிஐ எந்தவித அறிவிப்பையும் வெளியிடவில்லை.

வெஸ்ட் இண்டீஸுடனான போட்டிக்கு  இந்திய அணி வீரர்கள் தேர்வு குறித்து தகவல் வருகிற 21 ந்தேதி  வெளியிடப்படும் என்று தகவல் வெளியாகி உள்ளது. அப்போது தான்  டோனிக்கு இந்திய அணியில் இடம் இருக்கிறதா இல்லையா என்பது தெரிய வரும். 

இந்நிலையில் டோனியின் ஓய்வு குறித்து பேசியுள்ள சேவாக், “டோனியிடம் நிலைமையை கூறுவது தேர்வுக்குழுவின் கடமை. இந்திய அணியின் விக்கெட் கீப்பர் ஒரு பேட்ஸ்மேனாக இனி தொடர முடியாது. இந்த விஷயத்தை தேர்வுக்குழு, டோனியிடம் நிச்சயம் எடுத்துக் கூற வேண்டும். அதன்பிறகு ஓய்வு குறித்து அவரே முடிவெடுத்துக் கொள்வார்.

இந்தநிலையில், ஒரு விவாத நிகழ்ச்சியில் பேசிய முன்னாள்  கிரிக்கெட் வீரர் கவுதம் கம்பீர் கூறியது, டோனி கண்டிப்பாக தற்போதைக்கு ஓய்வு பெறமாட்டார் எனத் தோன்றுகிறது. டோனி ஓய்வு பெறப் போகிறாரா? இல்லையா? எனத் தெரியாத நிலையில், 20-20 உலகக்கோப்பை அணியை தயார் செய்ய அடுத்தக்கட்ட முடிவைக் குறித்து சிந்திக்க வேண்டும் எனக் கூறியுள்ளார். 

அதாவது டோனிக்கு மாற்று வீரராக மூன்று விக்கெட் கீப்பர்களுக்கு வாய்ப்பு அளிக்கலாம். அவர்களை உலகக்கோப்பைத் தொடருக்கு தயார் செய்யலாம் என தெரிவித்துள்ளார். அதாவது ரிஷப் பண்ட், சஞ்சு சாம்சன், இஷான் கிஷன் போன்ற இளம் வீரர்களுக்கு வாய்ப்பு அளிக்க வேண்டும் எனக் கூறியுள்ளார்.


தொடர்புடைய செய்திகள்

1. குறைந்த டெஸ்ட் போட்டிகளில் 50 விக்கெட்டுகள் வீழ்த்தி இந்திய வீரர் பும்ரா சாதனை!
குறைந்த டெஸ்ட் போட்டிகளில் 50 விக்கெட்டுகளை கைப்பற்றிய இந்திய வீரர் என்ற சாதனையை படைத்தார் பும்ரா!
2. இந்திய கிரிக்கெட் அணி வீரர்கள் மீது தாக்குதல் அச்சுறுத்தல் இ-மெயிலால் பரபரப்பு ; பாதுகாப்பு அதிகரிப்பு
தீவிரவாத அச்சுறுத்தல் காரணமாக மேற்கிந்திய தீவுகளில் உள்ள இந்திய கிரிக்கெட் அணிக்கு பாதுகாப்பு அதிகரிக்கப்பட்டுள்ளது.
3. ஆடை இல்லா விக்கெட் கீப்பிங் : பிரபல கிரிக்கெட் வீராங்கனை வெளியிட்ட புகைப்படம்
இங்கிலாந்து மகளிர் கிரிக்கெட்டின் பிரபல வீராங்கனை சாரா டெய்லர் வெளியிட்ட ஆடை இல்லா புகைப்படம் இணையத்தில் வைரலாகி இருக்கிறது.
4. கிரிக்கெட் வரலாற்றில் முதன்முறையாக விளையாடிய முழுநேர மாற்று வீரர்!
கிரிக்கெட் வரலாற்றில் முதன்முறையாக போட்டியின் நடுவே இடம்பிடித்த முழுநேர மாற்று வீரர்!
5. முன்னாள் கிரிக்கெட் வீரர் வி.பி.சந்திரசேகர் தற்கொலைக்கு காரணம் என்ன? - பரபரப்பு தகவல்கள்
கடன் பிரச்சினையால் முன்னாள் கிரிக்கெட் வீரர் வி.பி.சந்திரசேகர் தற்கொலை செய்து கொண்டுள்ளதாக தகவல் வெளியாகியுள்ளது.