கிரிக்கெட்

அடுத்த உலககோப்பை பாருங்கள்; பாகிஸ்தான் கிரிக்கெட் அணியை சரிசெய்வேன் -இம்ரான் கான் சபதம் + "||" + PM Imran Khan promises to fix Pakistan cricket

அடுத்த உலககோப்பை பாருங்கள்; பாகிஸ்தான் கிரிக்கெட் அணியை சரிசெய்வேன் -இம்ரான் கான் சபதம்

அடுத்த உலககோப்பை பாருங்கள்; பாகிஸ்தான் கிரிக்கெட் அணியை சரிசெய்வேன் -இம்ரான் கான் சபதம்
பாகிஸ்தான் அணியை சரிசெய்ய முடிவு செய்துள்ளேன் என அமெரிக்காவில் வசிக்கும் பாகிஸ்தானியர்களிடையே இம்ரான் கான் உரையாற்றி உள்ளார்.
உலகக் கோப்பை கிரிக்கெட் தொடரில் பாகிஸ்தான் அணி அரையிறுதிக்குத் தகுதி பெறாமல் லீக் சுற்றுடனே வெளியேறியது. இதனால் உலகக் கோப்பை தொடரில் கேப்டனாகச் செயல்பட்ட சர்ப்ராஸ் கான் மீது பல்வேறு விமர்சனங்கள் எழுந்தன. இந்நிலையில், டெஸ்ட் போட்டிகள் மற்றும் குறைந்த ஓவர்கள் கொண்ட போட்டிக்கு தனித்தனி கேப்டன்களை நியமிக்க முடிவு செய்துள்ளதாகத் தெரிகிறது.

டெஸ்ட் சாம்பியன் ஷிப் போட்டி தொடங்குவதற்கு, முன் இந்த மாற்றங்கள் இருக்கும் எனத் தெரிகிறது. அதேபோல், அடுத்த வருடம் டி-20 உலகக் கோப்பை போட்டி நடைபெறுவதால், ஒருநாள் போட்டிகளைக் குறைத்துக்கொண்டு, டி-20 போட்டிகளுக்கு முக்கியத்துவம் கொடுக்கும் ஏற்பாடுகள் நடப்பதாகவும் தகவல் வெளியாகியுள்ளது.

பாகிஸ்தான் பிரதமர் இம்ரான் கான், அரசுமுறை பயணமாக தற்போது அமெரிக்கா சென்றுள்ளார். அமெரிக்காவில் வசிக்கும் பாகிஸ்தானியர்களுடன் இம்ரான் கான் உரையாடினார். அப்போது பேசியவர், கூறியதாவது:-

“நான் இங்கிலாந்து சென்றேன். அங்கு கிரிக்கெட் விளையாட  கற்றுக்கொண்டேன். நாங்கள் அங்கிருந்து திரும்பியபோது, மற்ற வீரர்களின் தரத்தை உயர்த்தினோம். தற்போது, உலகக் கோப்பை முடிந்துள்ளது. பாகிஸ்தான் அணியை சரிசெய்ய முடிவுசெய்துள்ளேன். எனது வார்த்தைகளை நினைவில் வைத்துக்கொள்ளுங்கள். அடுத்த உலகக் கோப்பையில், நீங்கள் பார்க்கும் பாகிஸ்தான் அணி ஒரு தொழில்முறை அணியாக இருக்கும். நாங்கள், எங்களது அமைப்புகளைச் சரிசெய்ய உள்ளோம். திறமையாளர்களை வெளிக்கொண்டு வருவோம்'' என கூறி உள்ளார்.

தொடர்புடைய செய்திகள்

1. இந்தியாவும் பாகிஸ்தானும் நல்லுறவுடன் செயல்பட வேண்டும்: சீனா விருப்பம்
இந்தியாவும் பாகிஸ்தானும் நல்லுறவுடன் செயல்பட வேண்டும் என்று சீனா விருப்பம் தெரிவித்துள்ளது.
2. 'அவர் இப்போது என்ன செய்தார்? -ரவிசாஸ்திரி குறித்த கேள்விக்கு சவுரவ் கங்குலி வித்தியாசமான பதில்
இந்திய கிரிக்கெட் வாரிய தலைவராக தேர்வாகி உள்ள சவுரவ் கங்குலி நிருபர்கள் சந்திப்பின்போது ரவிசாஸ்திரி குறித்த கேள்விக்கு வித்தியாசமான பதிலளித்துள்ளார்.
3. தமிழனாக வாழ்வது எனக்குப் பெருமை... தமிழில் ரசிகருக்குப் பதில் அளித்த மிதாலி ராஜ்
தமிழனாக வாழ்வது எனக்குப் பெருமை... என்று ரசிகருக்கு ட்விட்டரில் கிரிக்கெட் வீராங்கனை மிதாலி ராஜ் தமிழில் பதில் அளித்துள்ளார்.
4. பிசிசிஐ தலைவர் கங்குலி, மேற்கு வங்காள மாநில பாஜக முதல்வர் வேட்பாளரா?
பிசிசிஐ தலைவர் கங்குலி பா.ஜனதாவில் சேர்கிறார் என்றும் அவர் மேற்கு வங்காள மாநில பாஜக முதல்வர் வேட்பாளராக நிறுத்தப்படலாம் எனவும் தகவல்கள் வெளிவருகின்றன.
5. இந்திய கிரிக்கெட்டில் இயல்பு நிலை திரும்பும் -பிசிசியின் புதிய தலைவர் சவுரவ் கங்குலி
இந்திய கிரிக்கெட்டில் இயல்பு நிலை திரும்பும் என்று பிசிசியின் புதிய தலைவராக தேர்வான சவுரவ் கங்குலி கூறி உள்ளார்.