கிரிக்கெட்

இந்தியா-வெஸ்ட்இண்டீஸ் அணிகள் இடையிலான கடைசி 20 ஓவர் கிரிக்கெட் - கயானாவில் இன்று நடக்கிறது + "||" + The last 20-over cricket match between India and West Indies - taking place in Guyana today

இந்தியா-வெஸ்ட்இண்டீஸ் அணிகள் இடையிலான கடைசி 20 ஓவர் கிரிக்கெட் - கயானாவில் இன்று நடக்கிறது

இந்தியா-வெஸ்ட்இண்டீஸ் அணிகள் இடையிலான கடைசி 20 ஓவர் கிரிக்கெட் - கயானாவில் இன்று நடக்கிறது
இந்தியா-வெஸ்ட்இண்டீஸ் அணிகள் இடையிலான கடைசி 20 ஓவர் கிரிக்கெட் போட்டி கயானாவில் இன்று நடக்கிறது.
கயானா,

விராட்கோலி தலைமையிலான இந்திய கிரிக்கெட் அணி வெஸ்ட்இண்டீசில் சுற்றுப்பயணம் செய்து மூன்று 20 ஓவர், 3 ஒருநாள் மற்றும் 2 ஆட்டங்கள் கொண்ட டெஸ்ட் போட்டி தொடரில் விளையாடி வருகிறது. அமெரிக்காவின் புளோரிடா மாகாணத்தில் உள்ள லாடெர்ஹில்லில் நடந்த முதலாவது 20 ஓவர் போட்டியில் 4 விக்கெட் வித்தியாசத்திலும், 2-வது போட்டியில் 22 ரன் வித்தியாசத்திலும் இந்திய அணி வெற்றி பெற்று 2-0 என்ற கணக்கில் தொடரை கைப்பற்றியது.


இந்த நிலையில் இந்தியா- வெஸ்ட்இண்டீஸ் அணிகள் இடையிலான 3-வது மற்றும் கடைசி 20 ஓவர் கிரிக்கெட் போட்டி கயானாவில் உள்ள புரோவிடென்ஸ் ஸ்டேடியத்தில் இன்று (செவ்வாய்க்கிழமை) நடக்கிறது.

போட்டி தொடரை வென்று விட்டதால் இந்திய அணியில் ஆடாத வீரர்களுக்கு வாய்ப்பு அளிக்கப்படும் என்று கேப்டன் விராட்கோலி தெரிவித்துள்ளார். ரிஷாப் பண்ட் 2 ஆட்டத்திலும் சிறப்பாக செயல்படவில்லை. இதனால் அவருக்கு பதிலாக லோகேஷ் ராகுல் அணியில் சேர்க்கப்படலாம் என்று தெரிகிறது. மனிஷ் பாண்டே, ராகுல் சாஹர், தீபக் சாஹர் ஆகியோரும் களம் இறக்கப்பட வாய்ப்பு உள்ளது.

இந்திய அணியில் ரோகித் சர்மா மட்டுமே அரைசதம் அடித்தார். மற்ற எந்தவொரு பேட்ஸ்மேனும் எதிர்பார்த்தபடி ரன் சேர்க்கவில்லை. ஆனால் பந்து வீச்சாளர்கள் அபாரமாக செயல்பட்டு வருகிறார்கள். இந்திய அணியின் பேட்டிங் இன்னும் ஏற்றம் பெற வேண்டியது அவசியமானதாகும்.. வெஸ்ட்இண்டீஸ் அணியை பொறுத்தமட்டில் பொல்லார்ட், ரோவ்மன் பவெல் தவிர மற்ற வீரர்கள் பேட்டிங்கில் சிறப்பாக செயல்படவில்லை. அந்த அணியின் பந்து வீச்சு பாராட்டும் வகையில் இல்லை.

இந்திய அணி இன்றைய ஆட்டத்திலும் வெற்றி பெற்று தொடரை முழுமையாக வெல்ல முனைப்பு காட்டும். அதேநேரத்தில் வெஸ்ட்இண்டீஸ் அணி ஆறுதல் வெற்றியை பெற முயற்சிக்கும். எனவே இந்த ஆட்டத்தில் விறுவிறுப்புக்கு பஞ்சம் இருக்காது என்று எதிர்பார்க்கப்படுகிறது.

இந்தியா-வெஸ்ட்இண்டீஸ் அணிகள் இதுவரை 13 முறை 20 ஓவர் போட்டியில் நேருக்கு நேர் சந்தித்து இருக்கின்றன. இதில் இந்திய அணி 7 ஆட்டத்திலும், வெஸ்ட்இண்டீஸ் 5 ஆட்டத்திலும் வென்று இருக்கின்றன. ஒரு ஆட்டம் முடிவு இல்லாமல் போனது. இந்திய நேரப்படி இன்று இரவு 8 மணிக்கு தொடங்கும் இந்த போட்டியை சோனி டென் 1, சோனி டென் 3 சேனல்கள் நேரடியாக ஒளிபரப்பு செய்கிறது.

20 ஓவர் போட்டி தொடருக்கான இரு அணி வீரர்கள் வருமாறு:-

இந்தியா:- விராட் கோலி (கேப்டன்), ரோகித் சர்மா (துணை கேப்டன்), ஷிகர் தவான், லோகேஷ் ராகுல், ஸ்ரேயாஸ் அய்யர், மனிஷ் பாண்டே, ரிஷாப் பண்ட் (விக்கெட் கீப்பர்), குருணல் பாண்ட்யா, ரவீந்திர ஜடேஜா, வாஷிங்டன் சுந்தர், ராகுல் சாஹர், புவனேஷ்வர்குமார், கலீல் அகமது, தீபக் சாஹர், நவ்தீப் சைனி.

வெஸ்ட் இண்டீஸ்:- கார்லஸ் பிராத்வெய்ட் (கேப்டன்), சுனில் நரின், கீமோ பால், கேரி பியர், பொல்லார்ட், நிகோலஸ் பூரன், ரோவ்மன் பவெல், ஜாசன் முகமது, ஒஷானே தாமஸ், அந்தோணி பிராம்பிள், ஜான் கேம்ப்பெல், ஷெல்டன் காட்ரெல், ஹெட்மயர், இவின் லீவிஸ்

தொடர்புடைய செய்திகள்

1. எல்லையில் பாகிஸ்தான் ராணுவம் அத்துமீறி துப்பாக்கிச்சூடு
இந்திய எல்லையில் பாகிஸ்தான் அத்துமீறி துப்பாக்கிச்சூடு நடத்தியது. பாகிஸ்தானின் அத்துமீறலுக்கு இந்திய ராணுவமும் தக்க பதிலடி கொடுத்தது.
2. தென் ஆப்பிரிக்காவுக்கு எதிரான டெஸ்ட்: இந்தியா தடுமாற்றம்
தென் ஆப்பிரிக்காவுக்கு எதிரான 3-வது டெஸ்டில் உணவு இடைவேளை வரை இந்தியா 3 விக்கெட் இழப்புக்கு 71 ரன்கள் சேர்த்துள்ளது.
3. இந்தியாவும் பாகிஸ்தானும் நல்லுறவுடன் செயல்பட வேண்டும்: சீனா விருப்பம்
இந்தியாவும் பாகிஸ்தானும் நல்லுறவுடன் செயல்பட வேண்டும் என்று சீனா விருப்பம் தெரிவித்துள்ளது.
4. தென் ஆப்ரிக்காவுக்கு எதிரான 3-வது டெஸ்ட்: டாஸ் வென்ற இந்தியா பேட்டிங் தேர்வு
தென் ஆப்ரிக்காவுக்கு எதிரான 3-வது டெஸ்ட் போட்டியில் டாஸ் வென்ற இந்தியா பேட்டிங்கை தேர்வு செய்துள்ளது.
5. இந்தியாவின் வரலாற்றை மாற்றி எழுத வேண்டும் - அமித் ஷா வலியுறுத்தல்
இந்திய கண்ணோட்டத்தில் இந்தியாவின் வரலாற்றை மாற்றி எழுத வேண்டும் என்று அமித் ஷா வலியுறுத்தினார்.