கிரிக்கெட்

5 நாட்களும் பேட்டிங் செய்து சாதனை படைத்த இங்கிலாந்து வீரர் ரோரி பர்ன்ஸ் + "||" + Rory Burns the 2nd English batsman to bat on all 5 days of an Ashes Test

5 நாட்களும் பேட்டிங் செய்து சாதனை படைத்த இங்கிலாந்து வீரர் ரோரி பர்ன்ஸ்

5 நாட்களும் பேட்டிங் செய்து சாதனை படைத்த இங்கிலாந்து வீரர் ரோரி பர்ன்ஸ்
இங்கிலாந்தின் ரோரி பர்ன்ஸ் இந்த ஆஷஸ் தொடரில் 5 நாட்களும் விளையாடி சாதனை படைத்துள்ளார்
பர்மிங்காம்,

டெஸ்ட் போட்டியில் 5 நாட்களும் விளையாடிய வீரர்களின் பட்டியலில் இடம் பிடித்தார் இங்கிலாந்தின் ரோரி பர்ன்ஸ்.

இங்கிலாந்து-ஆஸ்திரேலிய அணிகளுக்கு இடையேயான ஆஷஸ் தொடர் நடைபெற்று வருகிறது. 5 டெஸ்ட் போட்டிகள் கொண்ட தொடரில் முதல் போட்டி ஆகஸ்ட் 1-ம் தேதி தொடங்கியது. டாஸ் வென்ற ஆஸ்திரேலிய அணி பேட்டிங்கை தேர்வு செய்தது. இதையடுத்து முதல் இன்னிங்சை தொடங்கிய ஆஸ்திரேலிய அணி 284 ரன்களுக்கு அனைத்து விக்கெட்டுகளையும் இழந்தது.

இதையடுத்து ஆட்டத்தை தொடங்கிய இங்கிலாந்து அணி வீரர்கள் சிறப்பாக விளையாடி 374 ரன்களை சேர்த்தனர். 2-வது இன்னிங்கை தொடங்கிய ஆஸ்திரேலிய அணி நிதானமான ஆட்டத்தை வெளிப்படுத்தி 487 ரன்களை சேர்த்தது.

இந்த ஆஷஸ் தொடரில் ஆஸ்திரேலியாவின் ஸ்மித் 2 இன்னிங்ஸிலும் சதம் அடித்து அசத்தினார்.  இறுதியில் ஆஸ்திரேலிய அணி 251 ரன்கள் வித்தியாசத்தில் அபார வெற்றி பெற்றது. இப்போட்டியில் இங்கிலாந்தின் ரோரி பர்ன்ஸ் இந்த ஆஷஸ் தொடரில் 5 நாட்களும் விளையாடி சாதனை படைத்துள்ளார்

இந்த டெஸ்ட் போட்டியில் முதல் நாளில் 4 பந்துகளை மட்டுமே எதிர்கொண்ட ரோரி பர்ன்ஸ் இரண்டாவது நாள் முழுவதும் பேட்டிங் செய்தார். 3-வது நாளில் 133 ரன்கள் எடுத்திருந்த போது ஆட்டமிழந்தார். 4-ஆம் நாளில் ஆஸ்திரேலிய அணி விளையாடிய பிறகு ஆட்டத்தை ஆரம்பித்த ரோரி பர்ன்ஸ் 21 பந்துகள் எதிர்கொண்டார். 5-வது நாளில் 11 ரன்கள் எடுத்த போது ஆட்டமிழந்தார். இதன் மூலம் டெஸ்ட் தொடரில் 5 நாட்களும் விளையாடிய வீரர் என்ற சாதனையை படைத்தார் ரோரி பர்ன்ஸ்

இதற்கு முன்னதாக பாய்காட், லாம்ப், ப்ளிண்டாஃப், கிம் ஹூஜஸ், ரவி சாஸ்திரி, அட்ரியன் க்ரிஃபித், அல்விரோ பீட்டர்சன், புஜாரா ஆகியோர் இந்த சாதனையை படைத்துள்ளனர் என்பது குறிப்பிடத்தக்கது.