டெஸ்ட் கிரிக்கெட்டிலிருந்து ஸ்டெயின் ஓய்வு

ஜோகன்ஸ்பெர்க்,

தென்னாப்பிரிக்காவின் வேகப்புயல் என்று அழைக்கப்படும் டேல் ஸ்டெயின் . காயம் காரணமாகத் தொடர்ந்து அவதிப்பட்டு வந்தார்.

இந்நிலையில் டெஸ்ட் கிரிக்கெட்டில் இருந்து ஓய்வு பெறுவதாக ஸ்டெயின் தெரிவித்துள்ளார். இங்கிலாந்து அணிக்கு எதிரான டெஸ்ட் கிரிக்கெட்டில் 2004-ம் ஆண்டு அறிமுகமான ஸ்டெயின். இவர் டெஸ்ட் கிரிக்கெட்டில் அதிக விக்கெட்டுகளை எடுத்த வீரர்களின் பட்டியலில் 7-வது இடத்தில் உள்ளார். இவர் 92 போட்டிகளில் விளையாடி 439 விக்கெட்டுகளைக் கைப்பற்றியுள்ளார். மேலும் இவர் டெஸ்ட் கிரிக்கெட்டில் 26 முறை ஒரு இன்னிங்சில் 5 விக்கெட்டுகளை வீழ்த்தியுள்ளார். உலகக்கோப்பைத் தொடருக்குத் தேர்வான ஸ்டெயின் காயம் காரணமாக அதிலிருந்து விலகினார். இந்நிலையில், தற்போது டெஸ்ட் கிரிக்கெட்டிலிருந்து தனது ஓய்வை அறிவித்துள்ளார் என்பது குறிப்பிடத்தக்கது.