இந்திய அணியின் பந்து வீச்சு பயிற்சியாளர் பதவிக்கு சுனில்ஜோஷி விண்ணப்பம்


இந்திய அணியின் பந்து வீச்சு பயிற்சியாளர் பதவிக்கு சுனில்ஜோஷி விண்ணப்பம்
x
தினத்தந்தி 7 Aug 2019 12:18 AM GMT (Updated: 7 Aug 2019 12:18 AM GMT)

இந்திய அணியின் பந்து வீச்சு பயிற்சியாளர் பதவிக்கு சுனில்ஜோஷி விண்ணப்பம் அளித்துள்ளார்.

புதுடெல்லி,

இந்திய கிரிக்கெட் அணியின் பந்து வீச்சு பயிற்சியாளர் பதவிக்கு முன்னாள் இந்திய சுழற்பந்து வீச்சாளர் சுனில் ஜோஷி விண்ணப்பம் செய்துள்ளார். 49 வயதான சுனில் ஜோஷி வங்காளதேச அணியின் சுழற்பந்து வீச்சு பயிற்சியாளராக 2½ ஆண்டு காலம் பணியாற்றி இருக்கிறார். கர்நாடகாவை சேர்ந்த சுனில் ஜோஷி இந்திய அணிக்காக 15 டெஸ்ட் போட்டியில் விளையாடி 41 விக்கெட்டும், 69 ஒருநாள் போட்டியில் ஆடி 69 விக்கெட்டும் எடுத்து இருக்கிறார்.

சுனில் ஜோஷி கூறுகையில் ‘நான் இந்திய அணியின் பந்து வீச்சு பயிற்சியாளர் பதவிக்கு விண்ணப்பித்து இருக்கிறேன். வங்காளதேச அணியுடனான இரண்டரை ஆண்டு கால பயனுள்ள பயிற்சி காலத்துக்கு பிறகு அடுத்த சவாலுக்கு தயாராக இருக்கிறேன். கொஞ்ச காலமாக இந்திய அணியில் சுழற்பந்து வீச்சுக்கு என பிரத்யேக பயிற்சியாளர் இல்லை. இந்த தேர்வில் எனது அனுபவத்தை கருத்தில் கொள்வார்கள் என்று நம்புகிறேன். பல சர்வதேச அணிகள் சுழற்பந்து வீச்சு பயிற்சியாளரை பயன்படுத்தி வருகின்றன. இந்திய அணிக்கு சிறப்பு சுழற்பந்து வீச்சு பயிற்சியாளர் தேவையாகும்’ என்றார்.


Next Story