இந்தியாவுக்கு எதிரான 2-வது டெஸ்ட் நாளை தொடக்கம்: வெஸ்ட் இண்டீஸ் அணியில் கீமோ பால் சேர்ப்பு

ஆன்டிகுவா,

இந்தியாவுக்கு எதிரான முதலாவது டெஸ்டில் படுதோல்வி அடைந்த நிலையில் அடுத்த டெஸ்ட் போட்டிக்கான வெஸ்ட் இண்டீஸ் அணி நேற்று அறிவிக்கப்பட்டது. கணுக்கால் காயத்தால் முதலாவது டெஸ்டில் ஆடாத வேகப்பந்து வீச்சாளர் கீமோ பால் அணிக்கு திரும்பியிருக்கிறார். மற்றொரு வேகப்பந்து வீச்சாளர் மிக்யூல் கம்மின்ஸ் நீக்கப்பட்டார். வெஸ்ட் இண்டீஸ் அணி வருமாறு:- ஜாசன் ஹோல்டர் (கேப்டன்), கிரேக் பிராத்வெய்ட், டேரன் பிராவோ, ஷமார் புரூக்ஸ், ஜான் கேம்ப்பெல், ரோஸ்டன் சேஸ், ரகீம் கார்ன்வால், ஜமார் ஹாமில்டன், ஷனோன் கேப்ரியல், ஹெட்மயர், ஷாய் ஹோப், கீமோ பால், கெமார் ரோச்.

இந்தியா-வெஸ்ட் இண்டீஸ் இடையிலான 2-வது டெஸ்ட் போட்டி ஜமைக்காவில் நாளை தொடங்குகிறது.