காயத்தால் விஜய் சங்கர் விலகல்: இந்திய ‘ஏ’ அணியில் தவான் சேர்ப்பு


காயத்தால் விஜய் சங்கர் விலகல்: இந்திய ‘ஏ’ அணியில் தவான் சேர்ப்பு
x
தினத்தந்தி 30 Aug 2019 11:53 PM GMT (Updated: 30 Aug 2019 11:53 PM GMT)

காயத்தால் விஜய் சங்கர் விலகியதை அடுத்து, இந்திய ‘ஏ’ அணியில் தவான் சேர்க்கப்பட்டார்.

புதுடெல்லி,

தென்ஆப்பிரிக்கா ‘ஏ’ அணிக்கு எதிரான 5 போட்டிகள் கொண்ட அதிகாரபூர்வமற்ற ஒரு நாள் கிரிக்கெட் தொடரில் விளையாடும் இந்திய ‘ஏ’ அணியில் தமிழகத்தை சேர்ந்த ஆல்-ரவுண்டர் விஜய் சங்கரும் இடம் பெற்றிருந்தார். வலதுகை பெரு விரலில் ஏற்பட்ட காயம் காரணமாக அவர் தொடரில் இருந்து நேற்று விலகினார். சரியான பார்மில் இல்லாத ஷிகர் தவான் கடைசி இரு ஆட்டத்திற்கான இந்திய ‘ஏ’ அணியில் சேர்க்கப்பட்டுள்ளார்.

இதில் முதலாவது ஆட்டத்தில் இந்திய ‘ஏ’ அணி வெற்றி பெற்ற நிலையில் 2-வது ஆட்டம் திருவனந்தபுரத்தில் இன்று நடக்கிறது.

Next Story