கிரிக்கெட்

டெஸ்ட் தரவரிசையில் 3-வது இடத்தை பிடித்தார் பும்ரா + "||" + He finished 3rd in the Test rankings Bumrah

டெஸ்ட் தரவரிசையில் 3-வது இடத்தை பிடித்தார் பும்ரா

டெஸ்ட் தரவரிசையில் 3-வது இடத்தை பிடித்தார் பும்ரா
ஐ.சி.சி. வெளியிட்டுள்ள டெஸ்ட் தரவரிசை பட்டியலில் இந்திய வீரர் ஜஸ்பிரித் பும்ரா 3-வது இடத்தை பிடித்துள்ளார்.
துபாய்,

ஆன்டிகுவாவில் நடந்த வெஸ்ட் இண்டீசுக்கு எதிரான முதலாவது டெஸ்டின் 2-வது இன்னிங்சில் 7 ரன்கள் மட்டுமே விட்டுக்கொடுத்து 5 விக்கெட்டுகளை சாய்த்து மிரட்டிய இந்திய வேகப்பந்து வீச்சாளர் ஜஸ்பிரித் பும்ரா டெஸ்ட் கிரிக்கெட் போட்டியின் பந்து வீச்சாளருக்கான தரவரிசையில் முதல் முறையாக டாப்-10 இடத்திற்குள் நுழைந்தார்.


ஐ.சி.சி. வெளியிட்டுள்ள பந்து வீச்சாளர்களின் தரவரிசையில் ஆஸ்திரேலியாவின் கம்மின்ஸ் (908 புள்ளி) முதலிடத்திலும், தென்ஆப்பிரிக்காவின் காஜிசோ ரபடா (851 புள்ளி) 2-வது இடத்திலும் தொடருகிறார்கள். வெஸ்ட் இண்டீசுக்கு எதிரான டெஸ்டில் ‘ஹாட்ரிக்’ விக்கெட் வீழ்த்தி அமர்க்களப்படுத்திய இந்திய வேகப்பந்து வீச்சாளர் ஜஸ்பிரித் பும்ரா 4 இடங்கள் முன்னேறி 835 புள்ளிகளுடன் 3-வது இடத்தை பிடித்துள்ளார். அவரது சிறந்த தரநிலை இதுவாகும்.

1980-ம் ஆண்டு கபில்தேவ் தரவரிசையில் 877 புள்ளிகள் பெற்று இருந்தார். அவருக்கு பிறகு அதிக புள்ளிகளை குவித்த இந்திய வேகப்பந்து வீச்சாளர் பும்ரா தான். அதுவும் வெறும் 12 டெஸ்டுகளிலேயே பும்ரா இந்த இலக்கை எட்டியிருப்பது கவனிக்கத்தக்கது.

இந்தியாவுக்கு எதிரான 2-வது டெஸ்டில் முதல் இன்னிங்சில் 5 விக்கெட்டுகளை கைப்பற்றிய வெஸ்ட் இண்டீஸ் வேகப்பந்து வீச்சாளர் ஜாசன் ஹோல்டர் (814 புள்ளி) 11-வது இடத்தில் இருந்து 4-வது இடத்துக்கு வந்துள்ளார்.

டெஸ்ட் அணிகளின் தரவரிசையில் இந்தியா 113 புள்ளிகளுடன் முதலிடத்தில் நீடிக்கிறது. அடுத்த இடங்களில் முறையே நியூசிலாந்து (109 புள்ளி), தென்ஆப்பிரிக்கா (108), இங்கிலாந்து (105), ஆஸ்திரேலியா (98) ஆகிய அணிகள் உள்ளன.

தொடர்புடைய செய்திகள்

1. ஜஸ்பிரித் பும்ராவின் பந்து வீச்சு துல்லியமாக இருக்கிறது; இயான் பிஷப்
ஜஸ்பிரித் பும்ரா பந்து வீச்சு துல்லியமாக இருக்கிறது என முன்னாள் வெஸ்ட்இண்டீஸ் வீரர் இயான் பிஷப் கூறியுள்ளார்.
2. ஜஸ்பிரித் பும்ராவை சமாளிப்பது எப்படி? பேட்ஸ்மேன்களுக்கு ஐடியா கொடுக்கும் பீட்டர்சன்
ஜஸ்பிரித் பும்ராவை சமாளிப்பது எப்படி? இங்கிலாந்து அணியின் முன்னாள் நட்சத்திர வீரர் பீட்டர்சன் யோசனை தெரிவித்துள்ளார்.