ஆஷஸ் தொடரின் 4-வது டெஸ்ட் கிரிக்கெட் போட்டி இன்று தொடக்கம்


ஆஷஸ் தொடரின் 4-வது டெஸ்ட் கிரிக்கெட் போட்டி இன்று தொடக்கம்
x
தினத்தந்தி 3 Sep 2019 11:49 PM GMT (Updated: 3 Sep 2019 11:49 PM GMT)

இங்கிலாந்து-ஆஸ்திரேலியா அணிகள் இடையிலான ஆஷஸ் தொடரின் 4-வது டெஸ்ட் கிரிக்கெட் போட்டி மான்செஸ்டரில் இன்று தொடங்குகிறது.

* சென்னை எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வரும் அகில இந்திய ஆக்கி போட்டியில் நேற்றைய லீக் ஆட்டங்களில் பஞ்சாப் சிந்து வங்கி 3-1 என்ற கோல் கணக்கில் தமிழக அணியையும், பஞ்சாப் நேஷனல் வங்கி 4-1 என்ற கோல் கணக்கில் ராணுவம் அணியையும் சாய்த்தது.

* இங்கிலாந்து - ஆஸ்திரேலியா அணிகள் இடையிலான ஆஷஸ் தொடரின் 4-வது டெஸ்ட் கிரிக்கெட் போட்டி மான்செஸ்டரில் இன்று (புதன்கிழமை) தொடங்குகிறது. தொடர் 1-1 என்ற கணக்கில் சமநிலையில் இருப்பதால் முன்னிலை பெற இரு அணிகளும் வரிந்து கட்டி நிற்கும். ‘பவுன்சர்’ பந்து தாக்கியதால் 3-வது டெஸ்டில் ஆடாத ஆஸ்திரேலிய வீரர் ஸ்டீவன் சுமித் அணிக்கு திரும்புகிறார். இதனால் உஸ்மான் கவாஜா கழற்றி விடப்பட்டுள்ளார். இந்திய நேரப்படி மாலை 3.30 மணிக்கு தொடங்கும் இந்த போட்டியை சோனி சிக்ஸ் சேனல் நேரடி ஒளிபரப்பு செய்கிறது.


Next Story