தென்ஆப்பிரிக்கா ‘ஏ’ அணிக்கு எதிரான டெஸ்ட்: இந்திய ‘ஏ’ அணி 417 ரன் குவிப்பு

மைசூரு,

இந்தியா ‘ஏ’-தென்ஆப்பிரிக்கா ‘ஏ’ அணிகள் இடையிலான அதிகாரபூர்வமற்ற 2-வது மற்றும் கடைசி டெஸ்ட் கிரிக்கெட் போட்டி மைசூருவில் நடந்து வருகிறது. முதலில் பேட்டிங் செய்த இந்திய ‘ஏ’ அணி தொடக்க நாள் முடிவில் 3 விக்கெட் இழப்புக்கு 233 ரன்கள் எடுத்து இருந்தது.

இந்த நிலையில் 2-வது நாளான நேற்று தொடர்ந்து ஆடிய இந்திய ‘ஏ’ அணி முதல் இன்னிங்சில் 123 ஓவர்களில் 417 ரன்கள் குவித்து ‘ஆல்-அவுட்’ ஆனது. கருண்நாயர் 78 ரன்னும், ஷிவம் துபே 68 ரன்னும், விருத்திமான் சஹா 60 ரன்னும் எடுத்தனர். பின்னர் தனது முதல் இன்னிங்சை ஆடிய தென்ஆப்பிரிக்க ‘ஏ’ அணி நேற்றைய ஆட்ட நேரம் முடிவில் 46 ஓவர்களில் 5 விக்கெட் இழப்புக்கு 159 ரன்கள் எடுத்துள்ளது. மார்க்ராம் (83 ரன்), முல்டெர் (9 ரன்) களத்தில் உள்ளனர். இன்று 3-வது நாள் ஆட்டம் நடக்கிறது.