கிரிக்கெட்

தென்ஆப்பிரிக்காவுக்கு எதிரான டெஸ்ட் தொடரில் இருந்து இந்திய வேகப்பந்து வீச்சாளர் பும்ரா காயத்தால் விலகல் + "||" + Bumrah ruled out of Test series against South Africa

தென்ஆப்பிரிக்காவுக்கு எதிரான டெஸ்ட் தொடரில் இருந்து இந்திய வேகப்பந்து வீச்சாளர் பும்ரா காயத்தால் விலகல்

தென்ஆப்பிரிக்காவுக்கு எதிரான டெஸ்ட் தொடரில் இருந்து இந்திய வேகப்பந்து வீச்சாளர் பும்ரா காயத்தால் விலகல்
இந்திய முன்னணி வேகப்பந்து வீச்சாளர் பும்ரா காயம் காரணமாக தென்ஆப்பிரிக்க டெஸ்ட் தொடரில் இருந்து விலகியுள்ளார்.
புதுடெல்லி,

இந்தியா - தென்ஆப்பிரிக்கா அணிகள் இடையிலான 3 போட்டிகள் கொண்ட டெஸ்ட் தொடரில் முதலாவது டெஸ்ட் கிரிக்கெட் போட்டி வருகிற 2-ந்தேதி விசாகப்பட்டினத்தில் நடக்கிறது. இந்த தொடருக்கான இந்திய அணியில் நட்சத்திர வேகப்பந்து வீச்சாளர் ஜஸ்பிரித் பும்ரா இடம் பெற்றிருந்தார். இந்த நிலையில் இந்திய அணிக்கு திடீர் பின்னடைவாக பும்ரா காயத்தில் சிக்கியுள்ளார். ஸ்கேன் பரிசோதனையில், அவரது முதுகின் அடிப்பகுதியில் அழுத்தத்தினால் லேசான எலும்பு முறிவு ஏற்பட்டிருப்பது தெரிய வந்துள்ளது. இதையடுத்து தென்ஆப்பிரிக்காவுக்கு எதிரான டெஸ்ட் தொடரில் இருந்து பும்ரா நேற்று விலகினார்.


25 வயதான பும்ரா, பெங்களூருவில் உள்ள தேசிய கிரிக்கெட் அகாடமியில் காயத்தில் இருந்து மீள்வதற்கான பயிற்சி முறைகளை மேற்கொள்வார். அதை கிரிக்கெட் வாரியத்தின் மருத்துவ குழு கண்காணிக்கும். 25 வயதான பும்ரா டெஸ்ட் பந்து வீச்சாளர்களின் தரவரிசையில் 3-வது இடம் வகிக்கிறார். இதுவரை 12 டெஸ்டுகளில் விளையாடி 62 விக்கெட்டுகள் வீழ்த்தி இருக்கும் பும்ரா இந்திய மண்ணில் இன்னும் டெஸ்ட் போட்டிகளில் விளையாடியதில்லை என்பது குறிப்பிடத்தக்கது.

அவரது காயத்தன்மை குறித்து இந்திய கிரிக்கெட் வாரிய நிர்வாகி ஒருவர் கூறுகையில், ‘பும்ராவின் காயம் குணமடைய குறைந்தது 7 முதல் 8 வாரங்கள் ஆகும். அவரால் அடுத்து வரும் வங்காளதேசத்துக்கு எதிரான தொடரிலும் (நவம்பர் 3-ந்தேதி முதல் 26-ந்தேதி வரை மூன்று 20 ஓவர் போட்டி மற்றும் 2 டெஸ்ட்) விளையாட முடியாது. அவர் நவம்பர் மாதம் வரை ஓய்வு எடுக்க வேண்டி இருக்கும். நல்லவேளையாக இந்த காயத்தை தொடக்க நிலையிலேயே கண்டுபிடித்து விட்டோம். இல்லாவிட்டால் இத்தகைய காயம் குணமடைய நீண்ட காலம் பிடிக்கும்’ என்றார்.

பும்ராவுக்கு பதிலாக மற்றொரு வேகப்பந்து வீச்சாளர் உமேஷ் யாதவ் இந்திய அணியில் சேர்க்கப்பட்டுள்ளார். 31 வயதான உமேஷ் யாதவ் 41 டெஸ்டுகளில் விளையாடி 119 விக்கெட்டுகள் கைப்பற்றி இருக்கிறார். கடைசியாக கடந்த ஆண்டு டிசம்பர் மாதம் டெஸ்டில் ஆடியிருந்தார்.

தென்ஆப்பிரிக்க டெஸ்ட் தொடருக்கான இந்திய அணி வருமாறு:-

விராட் கோலி (கேப்டன்), மயங்க் அகர்வால், ரோகித் சர்மா, புஜாரா, ரஹானே, ஹனுமா விஹாரி, ரிஷாப் பண்ட், விருத்திமான் சஹா, அஸ்வின், ரவீந்திர ஜடேஜா, குல்தீப் யாதவ், முகமது ஷமி, உமேஷ் யாதவ், இஷாந்த் ஷர்மா, சுப்மான் கில்.


தொடர்புடைய செய்திகள்

1. ‘இந்திய அணி பேட்ஸ்மேன்களுக்கு நெருக்கடி அளிப்பேன்’ - தென்ஆப்பிரிக்கா சுழற்பந்து வீச்சாளர் மகராஜ் சொல்கிறார்
இந்திய கிரிக்கெட் அணியின் பேட்ஸ்மேன்களுக்கு நெருக்கடி அளிப்பேன் என்று தென்ஆப்பிரிக்க அணியின் சுழற்பந்து வீச்சாளர் கேஷவ் மகராஜ் தெரிவித்தார்.
2. ‘இந்திய அணிக்கு முதல் அடியை நாங்கள் கொடுக்க வேண்டும்’ - தென்ஆப்பிரிக்க வேகப்பந்து வீச்சாளரின் ஆசை
இந்திய அணிக்கு முதல் அடியை நாங்கள் கொடுக்க வேண்டும் என்று தென்ஆப்பிரிக்க வேகப்பந்து வீச்சாளர் தனது ஆசையை வெளிப்படுத்தி உள்ளார்.
3. இந்திய அணியின் பயிற்சியாளர் பதவிக்கு ஆசையா? - கங்குலி பதில்
இந்திய அணியின் பயிற்சியாளர் பதவிக்கு ஆசையா என்பது குறித்து கேள்விக்கு கங்குலி பதில் அளித்துள்ளார்.
4. தென்ஆப்பிரிக்காவுக்கு எதிரான 20 ஓவர் தொடர்: இந்திய அணி அறிவிப்பு - டோனிக்கு இடமில்லை
தென்னாப்பிரிக்காவுக்கு எதிரான டி20 போட்டிக்கான இந்திய அணி அறிவிக்கப்பட்டு உள்ளது.
5. இந்திய அணியில் ரிஷாப் பண்டுக்கு பதிலாக விருத்திமான் சஹாவை சேர்க்க வேண்டும் - சையத் கிர்மானி வலியுறுத்தல்
2-வது டெஸ்ட் போட்டிக்கான இந்திய அணியில் ரிஷாப் பண்டுக்கு பதிலாக விருத்திமான் சஹாவை சேர்க்க வேண்டும் என இந்திய முன்னாள் விக்கெட் கீப்பர் சையத் கிர்மானி வலியுறுத்தி உள்ளார்.