கிரிக்கெட்

விஜய் ஹசாரே கோப்பை கிரிக்கெட்: திரிபுரா அணியை வீழ்த்தியது குஜராத் + "||" + Vijay Hazare Cup: Gujarat beat Tripura team

விஜய் ஹசாரே கோப்பை கிரிக்கெட்: திரிபுரா அணியை வீழ்த்தியது குஜராத்

விஜய் ஹசாரே கோப்பை கிரிக்கெட்: திரிபுரா அணியை வீழ்த்தியது குஜராத்
விஜய் ஹசாரே கோப்பை கிரிக்கெட் போட்டியில் குஜராத் அணி 101 ரன்கள் வித்தியாசத்தில் திரிபுராவை வீழ்த்தி 3-வது வெற்றியை ருசித்தது.
பெங்களூரு,

விஜய் ஹசாரே கோப்பைக்கான உள்நாட்டு ஒரு நாள் கிரிக்கெட் தொடர் இந்தியாவின் பல்வேறு நகரங்களில் நடந்து வருகிறது. இதில் ‘சி’ பிரிவு லீக் ஆட்டங்கள் ஜெய்ப்பூரில் நடந்து வருகிறது. இதில் நேற்று நடந்த ஆட்டம் ஒன்றில் திரிபுரா-குஜராத் அணிகள் மோதின. ‘டாஸ்’ ஜெயித்த திரிபுரா அணி பீல்டிங்கை தேர்வு செய்தது. இதன்படி முதலில் பேட்டிங் செய்த குஜராத் அணி நிர்ணயிக்கப்பட்ட 50 ஓவர்களில் 305 ரன்கள் குவித்து ‘ஆல்-அவுட்’ ஆனது. அதிகபட்சமாக பார்கவ் மிராய் 125 ரன்கள் எடுத்து ஆட்டம் இழந்தார்.


பின்னர் 306 ரன்கள் எடுத்தால் வெற்றி என்ற கடினமான இலக்குடன் ஆடிய திரிபுரா அணி 50 ஓவர்களில் 8 விக்கெட் இழப்புக்கு 204 ரன்களே எடுத்தது. இதனால் குஜராத் அணி 101 ரன்கள் வித்தியாசத்தில் அபார வெற்றி பெற்றது. மிலின்ட்குமார் 103 ரன்கள் எடுத்து கடைசி வரை ஆட்டம் இழக்காமல் இருந்தார். அவரது சதம் அணியின் வெற்றிக்கு உதவவில்லை. 3-வது ஆட்டத்தில் ஆடிய குஜராத் அணி பெற்ற 3-வது வெற்றி இதுவாகும்.

மற்றொரு லீக் ஆட்டத்தில் பெங்கால் அணி 8 விக்கெட் வித்தியாசத்தில் ஜம்மு- காஷ்மீர் அணியை தோற்கடித்தது. முதலில் ஆடிய ஜம்மு-காஷ்மீர் அணி 48.2 ஓவர்களில் 169 ரன்னில் சுருண்டது. பின்னர் ஆடிய பெங்கால் அணி 28 ஓவர்களில் 2 விக்கெட் இழப்புக்கு 175 ரன்கள் எடுத்து வெற்றி இலக்கை கடந்தது. 3-வது ஆட்டத்தில் ஆடிய பெங்கால் அணி பெற்ற 2-வது வெற்றி இது.

இன்னொரு லீக் ஆட்டத்தில் மத்திய பிரதேச அணி 7 விக்கெட் வித்தியாசத்தில் பீகாரை வீழ்த்தியது.

முதலில் ஆடிய பீகார் அணி 40.4 ஓவர்களில் 137 ரன்னில் அனைத்து விக்கெட்டையும் இழந்தது. இதனை அடுத்து ஆடிய மத்தியபிரதேச அணி 27.4 ஓவர்களில் 3 விக்கெட் இழப்புக்கு 138 ரன்கள் எடுத்து வெற்றி இலக்கை எட்டியது. 4-வது ஆட்டத்தில் ஆடிய மத்தியபிரதேச அணிக்கு 2-வது வெற்றி கிட்டியது.


தொடர்புடைய செய்திகள்

1. விஜய் ஹசாரே கோப்பை கிரிக்கெட்: தமிழக அணியை வீழ்த்தி கர்நாடகா ‘சாம்பியன்’ அபிமன்யு மிதுன் ‘ஹாட்ரிக்’ விக்கெட் வீழ்த்தி சாதனை
விஜய் ஹசாரே கோப்பை கிரிக்கெட்டில் தமிழக அணியை வீழ்த்தி கர்நாடகா 4-வது முறையாக சாம்பியன் பட்டத்தை கைப்பற்றியது.
2. விஜய் ஹசாரே கோப்பை கிரிக்கெட்: குஜராத்தை வீழ்த்தி தமிழக அணி இறுதிப்போட்டிக்கு முன்னேற்றம்
விஜய் ஹசாரே கோப்பை கிரிக்கெட்டில் குஜராத்தை வீழ்த்தி தமிழக அணி இறுதிப்போட்டிக்கு முன்னேறியது. மற்றொரு அரைஇறுதியில் கர்நாடக அணி, சத்தீஷ்காரை பந்தாடியது.
3. விஜய் ஹசாரே கோப்பை கிரிக்கெட்: தமிழ்நாடு, சத்தீஷ்கார் அணிகள் அரைஇறுதிக்கு தகுதி
விஜய் ஹசாரே கோப்பை கிரிக்கெட் போட்டியில் தமிழ்நாடு, சத்தீஷ்கார் அணிகள் அரைஇறுதிக்கு தகுதிபெற்றன.
4. விஜய் ஹசாரே கோப்பை கிரிக்கெட்: கர்நாடகா, குஜராத் அணிகள் அரைஇறுதிக்கு முன்னேற்றம்
விஜய் ஹசாரே கோப்பை கிரிக்கெட்டில் கர்நாடகா, குஜராத் அணிகள் அரைஇறுதிக்கு முன்னேறியுள்ளன.
5. விஜய் ஹசாரே கோப்பை கிரிக்கெட்டில் கேரள வீரர் சஞ்சு சாம்சன் 212 ரன்கள் குவித்து சாதனை
விஜய் ஹசாரே கோப்பை கிரிக்கெட்டில் கேரள வீரர் சஞ்சு சாம்சன் 212 ரன்கள் குவித்து சாதனை படைத்துள்ளார்.