தடைகளையும், மனவேதனையையும் ‘யார்க்கர்’ பந்துகளால் உடைத்தெறிகிறேன் ; வேகப்பந்து வீச்சாளர் முகமது ஷமி

கடந்த 6 மாதங்களாக, இந்திய கிரிக்கெட் அணியின் பல வெற்றிகளை சாத்தியமாக்கிய பெருமையும் ஷமியையே சேரும். சமீபத்தில் தென் ஆப்பிரிக்கா அணிக்கு எதிராக கிடைத்த டெஸ்ட் வெற்றிக்கும், இவரே காரணம். தன்னுடைய சொந்த வாழ்க்கையில் இருக்கும் பல சோகங்களை மறந்துவிட்டு, ஸ்டம்பை மட்டுமே குறிவைத்து, பந்து வீசுகிறார். அதனால்தான், அவர் வீசும் ‘யார்க்கர்’ பந்துகள், ஸ்டம்பை பதம்பார்க்கின்றன. இதுபற்றி ஷமி கூறுவதை கேட்போம்.

எல்லா விளையாட்டு வீரர்களுக்கும் ஆக்ரோஷம் உண்டு. சிலர் அதை முகத்திலும், விளையாட்டு களத்திலும் வெளிப்படுத்துவர். சிலர் வெளிப்படுத்துவதில்லை. முன்னாள் கேப்டன் டோனி, ஆக்ரோஷத்தை முகத்தில் வெளிப்படுத்தாமல், ஆட்டத்தில் வெளிப்படுத்துவார். ஆனால் ஆக்ரோஷம், விராட் கோலியின் முகத்திலும் வெளிப்படும், ஆட்டத்திலும் வெளிப்படும். இப்படி ஒவ்வொருவருக்கும் தனி சுபாவம் உண்டு. அதில் என்னுடையது, அமைதியான ஆக்ரோஷம்.

(சிரிக்கிறார்) யார்க்கர் வீசுவதற்கு பயிற்சி எடுக்கலாம். பவுன்சர் வீசுவதற்கு பயிற்சி எடுக்கலாம். இப்படி பிரத்யேக பந்துகளை வீச பயிற்சி எடுக்கலாம். ஆனால் ‘ஸ்டம்ப்’பை உடைப்பதற்கு எல்லாம் பிரத்யேகமாக பயிற்சி எடுக்கமுடியாது. ஸ்டம்ப் உடைவதும், பல முறை சுழன்று விழுவதும், பவுண்டரி வரை பறப்பதும்... எல்லாம் இறைவன் கையில் இருக்கிறது.

இல்லை. இந்திய கிரிக்கெட் வாரியத்தில் ஆயிரத்திற்கும் மேற்பட்ட திறமைசாலிகள் அங்கம் வகிக்கின்றனர். அதில், எனக்கு அடிக்கடி வாய்ப்பு கிடைப்பது, சந்தோஷமான ஒன்றுதான்.

அப்படி நடக்க வாய்ப்பில்லை. அப்படி நடந்தாலும், பிரச்சினை இல்லை. ஏனெனில், என்னுடைய சொந்த வாழ்க்கைக்குள்தான், கிரிக்கெட் வாழ்க்கை இருக்கிறது.

சில சமயங்களில் சர்ச்சையும் நல்லதுதான். நான் அப்படிதான், கடந்து செல்கிறேன்.

இதுவரை நான் சம்பாதித்த சொத்துக்களில், உடல் வலிமையும், உடல் ஆரோக்கியமும்தான், எனக்கானது. இதை நான் நன்கு அறிவேன். அதனால்தான், உடற்பயிற்சி விஷயத்தில் சமரசம் செய்வதே இல்லை. காயத்தினால் விளையாட்டில் இருந்து விலகி இருந்த காலத்தில் கூட, லேசான உடற்பயிற்சிகளை மேற்கொண்டேன்.