20 ஓவர் உலக கோப்பை கிரிக்கெட் போட்டிக்கு நெதர்லாந்து அணி தகுதி


20 ஓவர் உலக கோப்பை கிரிக்கெட் போட்டிக்கு நெதர்லாந்து அணி தகுதி
x
தினத்தந்தி 29 Oct 2019 11:09 PM GMT (Updated: 29 Oct 2019 11:09 PM GMT)

20 ஓவர் உலக கோப்பை கிரிக்கெட் போட்டிக்கு நெதர்லாந்து அணி தகுதி பெற்றுள்ளது.

துபாய், 

20 ஓவர் உலக கோப்பை கிரிக்கெட் போட்டிக்கான தகுதி சுற்று ஐக்கிய அரபு அமீரகத்தில் நடந்து வருகிறது. இதில் துபாயில் நேற்று நடந்த பிளே-ஆப் சுற்று ஆட்டம் ஒன்றில் நெதர்லாந்து அணி, ஐக்கிய அரபு அமீரகத்துடன் மோதியது. டாஸ் ஜெயித்து முதலில் பேட் செய்த அமீரக அணி 20 ஓவர்களில் 9 விக்கெட்டுக்கு 80 ரன்களுக்கு கட்டுப்படுத்தப்பட்டது. வேகப்பந்து வீச்சாளர் பிரான்டன் குளோவர் 4 விக்கெட்டுகளை அள்ளினார். 

இந்த எளிய இலக்கை நெதர்லாந்து அணி 15.1 ஓவர்களில் எட்டிப்பிடித்து 8 விக்கெட் வித்தியாசத்தில் வெற்றி பெற்று அரைஇறுதிக்கு முன்னேறியது. அத்துடன் தொடர்ந்து 3-வது முறையாக உலக கோப்பை போட்டிக்கும் தகுதி பெற்றது.

Next Story