கிரிக்கெட்

ஆப்கானிஸ்தானுக்கு எதிரான 3-வது ஒருநாள் போட்டியிலும் வெஸ்ட்இண்டீஸ் அணி வெற்றி + "||" + West Indies won the 3rd ODI against Afghanistan

ஆப்கானிஸ்தானுக்கு எதிரான 3-வது ஒருநாள் போட்டியிலும் வெஸ்ட்இண்டீஸ் அணி வெற்றி

ஆப்கானிஸ்தானுக்கு எதிரான 3-வது ஒருநாள் போட்டியிலும் வெஸ்ட்இண்டீஸ் அணி வெற்றி
ஆப்கானிஸ்தானுக்கு எதிரான 3-வது ஒருநாள் போட்டியிலும் வெஸ்ட்இண்டீஸ் அணி வெற்றிபெற்றது.
லக்னோ,

வெஸ்ட்இண்டீஸ்-ஆப்கானிஸ்தான் அணிகள் இடையிலான 3-வது மற்றும் கடைசி ஒருநாள் கிரிக்கெட் போட்டி உத்தபிரதேச மாநிலத்தில் உள்ள லக்னோவில் நேற்று நடந்தது. ‘டாஸ்’ ஜெயித்த வெஸ்ட்இண்டீஸ் அணி பீல்டிங்கை தேர்வு செய்தது. இதன்படி முதலில் பேட்டிங் செய்த ஆப்கானிஸ்தான் அணி 50 ஓவர்களில் 7 விக்கெட் இழப்புக்கு 249 ரன்கள் சேர்த்தது. அதிகபட்சமாக அஸ்ஹார் ஆப்கன் 86 ரன்னும், ஹஸ்ரத்துல்லா ஜஜாய் 50 ரன்னும் எடுத்து ஆட்டம் இழந்தனர். முகமது நபி 50 ரன்கள் எடுத்து ஆட்டம் இழக்காமல் இருந்தார். வெஸ்ட்இண்டீஸ் அணி தரப்பில் கீமோ பால் 3 விக்கெட்டும், அல்ஜாரி ஜோசப் 2 விக்கெட்டும் வீழ்த்தினார்கள்.


பின்னர் 250 ரன்கள் எடுத்தால் வெற்றி என்ற இலக்குடன் ஆடிய வெஸ்ட்இண்டீஸ் அணி 48.4 ஓவர்களில் 5 விக்கெட் இழப்புக்கு 253 ரன்கள் எடுத்து 5 விக்கெட் வித்தியாசத்தில் வெற்றி பெற்றது. தொடக்க ஆட்டக்காரர் ஷாய் ஹோப் 145 பந்துகளில் 8 பவுண்டரி, 3 சிக்சருடன் 109 ரன்னும், ரோஸ்டன் சேஸ் 32 பந்துகளில் 3 பவுண்டரியுடன் 42 ரன்னும் எடுத்து ஆட்டம் இழக்காமல் இருந்தனர். வெஸ்ட் இண்டீஸ் வீரர்கள் ஷாய் ஹோப் ஆட்டநாயகன் விருதையும், ரோஸ்டன் சேஸ் தொடர்நாயகன் விருதையும் பெற்றனர். இந்த வெற்றியின் மூலம் வெஸ்ட்இண்டீஸ் அணி ஒருநாள் போட்டி தொடரை 3-0 என்ற கணக் கில் முழுமையாக கைப்பற்றியது. அடுத்து இவ்விரு அணிகள் இடையிலான மூன்று 20 ஓவர் போட்டியில் முதலாவது போட்டி லக்னோவில் நாளை மறுநாள் (வியாழக்கிழமை) நடக்கிறது.


தொடர்புடைய செய்திகள்

1. நியூசிலாந்துக்கு எதிரான ஒருநாள், டெஸ்ட் தொடருக்கான இந்திய கிரிக்கெட் அணி ஓரிரு நாளில் அறிவிப்பு
நியூசிலாந்துக்கு எதிரான ஒருநாள் மற்றும் டெஸ்ட் போட்டி தொடருக்கான இந்திய கிரிக்கெட் அணி ஓரிரு நாளில் அறிவிக்கப்படும் என்று தெரிவிக்கப்பட்டுள்ளது.
2. இங்கிலாந்துக்கு எதிரான டெஸ்ட்: தென்ஆப்பிரிக்க அணி நிதான ஆட்டம்
இங்கிலாந்துக்கு எதிரான டெஸ்ட் போட்டியில், தென்ஆப்பிரிக்க அணி நிதானமாக விளையாடி வருகிறது.
3. மும்பைக்கு எதிரான ரஞ்சி கிரிக்கெட்: தமிழக அணி தடுமாற்றம்
சென்னையில் நடந்து வரும் மும்பைக்கு எதிரான ரஞ்சி கிரிக்கெட் போட்டியில் தமிழக அணி முதல் இன்னிங்சில் 7 விக்கெட் இழப்புக்கு 249 ரன்கள் எடுத்து தடுமாறியது.
4. தமிழகத்துக்கு எதிரான ரஞ்சி கிரிக்கெட்: மும்பை அணி 488 ரன்கள் குவிப்பு
சென்னையில் நடந்து வரும் தமிழகத்துக்கு எதிரான ரஞ்சி கிரிக்கெட்டில் மும்பை அணி 488 ரன்கள் குவித்தது.
5. ஆப்கானிஸ்தானில் தலீபான் தாக்குதலில் அமெரிக்க வீரர்கள் 2 பேர் பலி
ஆப்கானிஸ்தானில் தலீபான் தாக்குதலில் அமெரிக்க வீரர்கள் 2 பேர் பலியாயினர்.