கிரிக்கெட்

ஆஸ்திரேலிய கிரிக்கெட் வீரர் ஆஷ்டன் அகருக்கு மூக்கு உடைந்தது + "||" + Australian cricketer Ashton Agar has his nose broken

ஆஸ்திரேலிய கிரிக்கெட் வீரர் ஆஷ்டன் அகருக்கு மூக்கு உடைந்தது

ஆஸ்திரேலிய கிரிக்கெட் வீரர் ஆஷ்டன் அகருக்கு மூக்கு உடைந்தது
சகோதரர் அடித்த பந்து தாக்கியதில் ஆஸ்திரேலிய கிரிக்கெட் வீரர் ஆஷ்டன் அகருக்கு மூக்கு உடைந்தது.
அடிலெய்டு,

ஆஸ்திரேலியாவில் மார்ஷ் கோப்பைக்கான உள்நாட்டு ஒரு நாள் கிரிக்கெட் தொடர் நடந்து வருகிறது. அடிலெய்டுவில் நேற்று நடந்த ஆட்டம் ஒன்றில் மேற்கு ஆஸ்திரேலியா-தெற்கு ஆஸ்திரேலியா அணிகள் மோதின.

இதில் தெற்கு ஆஸ்திரேலியா பேட்டிங் செய்து கொண்டிருந்த போது அந்த அணியின் வெஸ் அகர் அடித்த ஒரு பந்து, ‘மிட்ஆன்’ திசையில் கேட்ச் செய்ய முயற்சித்த அவரது சகோதரரான ஆஷ்டன் அகரை (மேற்கு ஆஸ்திரேலியா) பதம் பார்த்தது. அதாவது சில அடி ஓடி வந்து அவர் தடுமாற, பந்து நேராக அவரது மூக்கின் மேல்பகுதியில் பலமாக தாக்கி ரத்தம் கொட்டியது. உடனடியாக மைதானத்தை விட்டு வெளியேற்றப்பட்டு அவருக்கு சிகிச்சை அளிக்கப்பட்டது. இதன் பிறகு அவரது தம்பி வெஸ் அகர் (9 ரன்) கொஞ்சம் பதற்றத்துடனே பேட்டிங் செய்ததை காண முடிந்தது. இந்த ஆட்டத்தில் தெற்கு ஆஸ்திரேலியா 6 ரன் வித்தியாசத்தில் தோல்வி அடைந்தது.


26 வயது இடக்கை சுழற்பந்து வீச்சாளரான ஆஷ்டன் அகர் ஆஸ்திரேலிய அணிக்காக 4 டெஸ்ட், 9 ஒரு நாள் மற்றும் 20 ஓவர் கிரிக்கெட்டில் 21 ஆட்டங்களில் ஆடியிருக்கிறார்.


தொடர்புடைய செய்திகள்

1. சிரியா ராணுவ நிலைகள் மீது இஸ்ரேல் ஏவுகணை தாக்குதல்
சிரியா ராணுவ நிலைகள் மீது இஸ்ரேல் ஏவுகணை தாக்குதல் நடத்தியது.
2. நெல்லை தச்சநல்லூரில் பரபரப்பு: வாலிபரை தாக்கிய 8 பேர் கைது தேவேந்திர குல வேளாளர் எழுச்சி இயக்கத்தினர் திடீர் உண்ணாவிரதம்
நெல்லையில் வாலிபரை தாக்கியதாக 8 பேரை போலீசார் கைது செய்தனர். இதை கண்டித்து தேவேந்திர குல வேளாளர் எழுச்சி இயக்கத்தினர் திடீரென உண்ணாவிரதம் இருந்ததால் பரபரப்பு ஏற்பட்டது.
3. மெஞ்ஞானபுரம் அருகே வக்கீலை தாக்கிய சப்-இன்ஸ்பெக்டர் உள்பட 5 போலீசார் மீது வழக்கு
வக்கீல் தாக்கப்பட்டது தொடர்பாக, போலீஸ் சப்-இன்ஸ்பெக்டர் உள்பட 5 போலீசார் மீது கோர்ட்டு உத்தரவின் பேரில் மெஞ்ஞானபுரம் போலீசார் வழக்குப்பதிவு செய்து உள்ளனர்.
4. இங்கிலாந்தில் உள்ள பூங்காவில் கத்திக்குத்து; 3 பேர் பலி-வாலிபர் கைது
இங்கிலாந்தில் உள்ள ஒரு பூங்காவில் நடந்த கத்தி குத்து தாக்குதலில் 3 பேர் பலியாகினர். தாக்குதல் நடத்திய வாலிபரை போலீசார் கைது செய்தனர்.
5. இந்திய வீரர்கள் மீது தாக்குதல்: சீன பொருட்களை புறக்கணிக்க மத்திய மந்திரிகள் அழைப்பு
இந்திய வீரர்கள் மீது தாக்குதல் நடத்தியது தொடர்பாக, சீன பொருட்களை புறக்கணிக்க மத்திய மந்திரிகள் அழைப்பு விடுத்துள்ளனர்.