கிரிக்கெட்

இங்கிலாந்துக்கு எதிரான 2-வது டெஸ்ட்: தென்ஆப்பிரிக்க அணிக்கு 438 ரன்கள் இலக்கு + "||" + South Africa beat South Africa by 438 runs

இங்கிலாந்துக்கு எதிரான 2-வது டெஸ்ட்: தென்ஆப்பிரிக்க அணிக்கு 438 ரன்கள் இலக்கு

இங்கிலாந்துக்கு எதிரான 2-வது டெஸ்ட்: தென்ஆப்பிரிக்க அணிக்கு 438 ரன்கள் இலக்கு
இங்கிலாந்துக்கு எதிரான 2-வது டெஸ்ட் கிரிக்கெட் போட்டியில் தென்ஆப்பிரிக்க அணிக்கு 438 ரன்கள் இலக்காக நிர்ணயிக்கப்பட்டுள்ளது.
கேப்டவுன், 

தென்ஆப்பிரிக்கா-இங்கிலாந்து அணிகள் இடையிலான 2-வது டெஸ்ட் கிரிக்கெட் போட்டி கேப்டவுனில் நடந்து வருகிறது. இதில் முதல் இன்னிங்சில் முறையே இங்கிலாந்து அணி 269 ரன்னும், தென்ஆப்பிரிக்க அணி 223 ரன்னும் எடுத்தன. 46 ரன்கள் முன்னிலையுடன் 2-வது இன்னிங்சை தொடங்கிய இங்கிலாந்து அணி 3-வது நாள் ஆட்டம் முடிவில் 4 விக்கெட் இழப்புக்கு 218 ரன்கள் எடுத்து இருந்தது. 

டாம் சிப்லி 85 ரன்னுடன் ஆட்டம் இழக்காமல் இருந்தார். நேற்று 4-வது நாள் ஆட்டம் நடந்தது. டாம் சிப்லி, பென் ஸ்டோக்ஸ் ஆகியோர் பேட்டிங்கை தொடர்ந்தனர். நிலைத்து நின்று ஆடிய டாம் சிப்லி 269 பந்துகளில் சதத்தை எட்டினார். 4-வது டெஸ்டில் ஆடும் டாம் சிப்லி அடித்த முதல் சதம் இதுவாகும். அதிரடியாக ஆடிய பென் ஸ்டோக்ஸ் 47 பந்துகளில் 7 பவுண்டரி, 3 சிக்சருடன் 72 ரன்கள் எடுத்த நிலையில் கேசவ் மகராஜ் பந்து வீச்சில் வான்டெர் துஸ்செனிடம் கேட்ச் கொடுத்து நடையை கட்டினார். 

மதிய உணவு இடைவேளைக்கு பிறகு இங்கிலாந்து அணி 2-வது இன்னிங்சில் 8 விக்கெட் இழப்புக்கு 391 ரன்கள் குவித்து டிக்ளேர் செய்தது. டாம் சிப்லி 133 ரன்னுடனும், ஸ்டூவர்ட் பிராட் 8 ரன்னுடனும் ஆட்டம் இழக்காமல் இருந்தனர். பின்னர் 438 ரன்கள் எடுத்தால் வெற்றி என்ற கடினமான இலக்குடன் 2-வது இன்னிங்சை ஆடிய தென்ஆப்பிரிக்க அணி நேற்றைய ஆட்ட நேரம் முடிவில் 2 விக்கெட் இழப்புக்கு 126 ரன்கள் எடுத்தது. டீன் எல்கர் 34 ரன்னிலும், சுபாய் ஹம்சா 18 ரன்னிலும் ஆட்டம் இழந்தனர். பீட்டர் மாலன் 63 ரன்னுடனும், கேசவ் மகராஜ் 2 ரன்னுடனும் ஆட்டம் இழக்காமல் உள்ளனர். இன்று 5-வது மற்றும் கடைசி நாள் ஆட்டம் நடக்கிறது.

தொடர்புடைய செய்திகள்

1. இங்கிலாந்துக்கு எதிரான ஆக்கி: இந்திய பெண்கள் அணி வெற்றி
இங்கிலாந்துக்கு எதிரான ஆக்கி போட்டியில், இந்திய பெண்கள் அணி வெற்றிபெற்றது.
2. இங்கிலாந்துக்கு எதிரான கடைசி டெஸ்ட்: தென்ஆப்பிரிக்க அணிக்கு 466 ரன்கள் இலக்கு
இங்கிலாந்துக்கு எதிரான கடைசி டெஸ்டில் தென்ஆப்பிரிக்க அணிக்கு 466 ரன்கள் வெற்றி இலக்காக நிர்ணயிக்கப்பட்டுள்ளது.
3. இங்கிலாந்துக்கு எதிரான டெஸ்ட்: தென்ஆப்பிரிக்க அணி நிதான ஆட்டம்
இங்கிலாந்துக்கு எதிரான டெஸ்ட் போட்டியில், தென்ஆப்பிரிக்க அணி நிதானமாக விளையாடி வருகிறது.
4. நியூசிலாந்து அணிக்கு எதிரான 2-வது டெஸ்டிலும் ஆஸ்திரேலியா வெற்றி: தொடரையும் கைப்பற்றியது
நியூசிலாந்துக்கு எதிரான 2-வது டெஸ்டிலும் எளிதில் வெற்றி பெற்ற ஆஸ்திரேலிய அணி தொடரையும் 2-0 என்ற கணக்கில் கைப்பற்றியது.
5. இங்கிலாந்திற்கு ஐரோப்பிய ஒன்றிய துணைத் தலைவர் எழுதிய ‘காதல் கடிதம்’
பிரெக்சிட் ஒப்பந்தம் தொடர்பாக ஐரோப்பிய ஒன்றிய துணைத் தலைவர் இங்கிலாந்திற்கு ‘காதல் கடிதம்’ ஒன்றை எழுதியுள்ளார்.