கிரிக்கெட்

நியூசிலாந்துக்கு எதிரான ஒருநாள், டெஸ்ட் தொடருக்கான இந்திய கிரிக்கெட் அணி ஓரிரு நாளில் அறிவிப்பு + "||" + Indian cricket team announces ODI series against New Zealand

நியூசிலாந்துக்கு எதிரான ஒருநாள், டெஸ்ட் தொடருக்கான இந்திய கிரிக்கெட் அணி ஓரிரு நாளில் அறிவிப்பு

நியூசிலாந்துக்கு எதிரான ஒருநாள், டெஸ்ட் தொடருக்கான இந்திய கிரிக்கெட் அணி ஓரிரு நாளில் அறிவிப்பு
நியூசிலாந்துக்கு எதிரான ஒருநாள் மற்றும் டெஸ்ட் போட்டி தொடருக்கான இந்திய கிரிக்கெட் அணி ஓரிரு நாளில் அறிவிக்கப்படும் என்று தெரிவிக்கப்பட்டுள்ளது.
பெங்களூரு,

இந்திய கிரிக்கெட் அணி, இந்த மாதம் முதல் நியூசிலாந்தில் சுற்றுப்பயணம் செய்து ஐந்து 20 ஓவர், 3 ஒருநாள் மற்றும் 2 டெஸ்ட் போட்டியில் விளையாட இருக்கிறது. நியூசிலாந்து தொடருக்கான இந்திய 20 ஓவர் கிரிக்கெட் அணி ஏற்கனவே அறிவிக்கப்பட்டு விட்டது.


20 ஓவர் போட்டி தொடர் ஆக்லாந்தில் வருகிற 24-ந் தேதியும், ஒருநாள் போட்டி தொடர் ஹாமில்டனில் பிப்ரவரி 5-ந் தேதியும், டெஸ்ட் போட்டி தொடர் வெலிங்டனில் பிப்ரவரி 21-ந் தேதியும் தொடங்குகிறது.

நியூசிலாந்துக்கு எதிரான ஒருநாள் மற்றும் டெஸ்ட் போட்டி தொடருக்கான இந்திய கிரிக்கெட் அணி தேர்வு பெங்களூருவில் இன்று நடைபெறும் என்று தெரிவிக்கப்பட்டு இருந்தது. ஆனால் ஹர்திக் பாண்ட்யாவின் உடல் தகுதி அறிக்கை கிடைப்பதில் ஏற்பட்டுள்ள தாமதம் காரணமாக இந்த அணி தேர்வு இன்னும் ஓரிரு நாளில் நடைபெறும் என்று நேற்று தெரிவிக்கப்பட்டது.

ஆஸ்திரேலியாவுக்கு எதிரான ஒருநாள் போட்டி தொடரில் சிறப்பாக விளையாடி வரும் லோகேஷ் ராகுலை எந்த வடிவிலான போட்டிக்கான அணியில் இருந்தும் தவிர்க்க முடியாது என்று கேப்டன் விராட்கோலி பாராட்டி இருந்தார். இதனால் அவர் டெஸ்ட் அணிக்கு மீண்டும் திரும்புவார் என்று தெரிகிறது. வேகப்பந்து வீச்சாளர் நவ்தீப் சைனி, சுழற்பந்து வீச்சாளர் குல்தீப் யாதவுக்கு அணியில் இடம் கிடைக்க வாய்ப்பு உள்ளது. ரவீந்திர ஜடேஜா, ஆர்.அஸ்வின் ஆகியோரில் ஒருவருக்கு தான் இடம் கிடைக்கும் என்று சொல்லப்படுகிறது.

முதுகுவலியால் ஆபரேஷன் செய்துள்ள ஆல்-ரவுண்டர் ஹர்திக் பாண்ட்யா முழு உடல் தகுதியை எட்டிவிட்டால் ஒருநாள் போட்டிக்கான அணியில் இடம் பிடிப்பார் என்பதில் சந்தேகமில்லை.

சமீபத்தில் நியூசிலாந்து தொடருக்கான இந்திய ‘ஏ’ அணி தேர்வில் இருந்து விலகிய ஹர்திக் பாண்ட்யா உடல் தகுதியை எட்டாவிட்டால் சூர்யகுமார் மற்றும் ரஹானே ஆகிய இருவரில் ஒருவருக்கு இடம் கிடைக்கலாம். கேதர் ஜாதவுக்கு அணியில் இடம் கிடைப்பது சந்தேகம் தான் என்று சொல்லப்படுகிறது.


தொடர்புடைய செய்திகள்

1. நியூசிலாந்துக்கு எதிரான 2-வது டெஸ்ட் ; இந்திய அணி நிதான ஆட்டம்
நியூசிலாந்துக்கு எதிரான 2-வது டெஸ்ட் போட்டியில் இந்திய அணி நிதான ஆட்டத்தை வெளிப்படுத்தி வருகிறது.
2. ‘தோல்வியில் இருந்து கற்றுக் கொண்டு சவாலுக்கு தயாராக உள்ளோம்’ - இந்திய பயிற்சியாளர் ரவிசாஸ்திரி பேட்டி
நியூசிலாந்துக்கு எதிராக இன்று தொடங்கும் 2-வது டெஸ்டில் சவாலை எதிர்கொள்ள இந்திய வீரர்கள் தயாராக இருப்பதாக பயிற்சியாளர் ரவிசாஸ்திரி கூறியுள்ளார்.
3. ஜிம்பாப்வேக்கு எதிரான டெஸ்ட் கிரிக்கெட்டில் வங்காளதேச அணி 560 ரன்கள் குவிப்பு
ஜிம்பாப்வேக்கு எதிரான டெஸ்ட் கிரிக்கெட்டில் வங்காளதேச அணி 560 ரன்கள் குவித்தது. அந்த அணியின் சார்பில் முஷ்பிகுர் ரஹிம் இரட்டை சதம் அடித்தார்.
4. வெஸ்ட் இண்டீசுக்கு எதிரான ஒரு நாள் கிரிக்கெட்: இலங்கை அணி ‘திரில்’ வெற்றி
வெஸ்ட் இண்டீசுக்கு எதிரான ஒரு நாள் கிரிக்கெட் போட்டியில், இலங்கை அணி ‘திரில்’ வெற்றிபெற்றது.
5. நியூசிலாந்துக்கு எதிரான முதலாவது டெஸ்ட்: இந்திய அணி 165 ரன்களில் “ஆல் அவுட்”
நியூசிலாந்துக்கு எதிரான முதலாவது டெஸ்ட் போட்டியில், இந்திய அணி 165 ரன்களில் “ஆல் அவுட்” ஆனது.