கிரிக்கெட்

ஜூனியர் உலக கோப்பை கிரிக்கெட்: இந்திய அணி அரைஇறுதிக்கு முன்னேறுமா? - ஆஸ்திரேலியாவுடன் இன்று மோதல் + "||" + Junior World Cup Cricket: Will the Indian team advance to half-time? - Today's clash with Australia

ஜூனியர் உலக கோப்பை கிரிக்கெட்: இந்திய அணி அரைஇறுதிக்கு முன்னேறுமா? - ஆஸ்திரேலியாவுடன் இன்று மோதல்

ஜூனியர் உலக கோப்பை கிரிக்கெட்: இந்திய அணி அரைஇறுதிக்கு முன்னேறுமா? - ஆஸ்திரேலியாவுடன் இன்று மோதல்
ஜூனியர் உலக கோப்பை கிரிக்கெட் போட்டியில் இன்று நடைபெறும் கால்இறுதி ஆட்டத்தில் இந்தியா-ஆஸ்திரேலியா அணிகள் பலப்பரீட்சை நடத்துகின்றன.
போட்செஸ்ட்ரூம்,

13-வது ஜூனியர் உலக கோப்பை கிரிக்கெட் (19 வயதுக்கு உட்பட்டோருக்கான) போட்டி தென்ஆப்பிரிக்காவில் கடந்த 17-ந் தேதி முதல் நடந்து வருகிறது.

16 அணிகள் இடையிலான இந்த போட்டியில் லீக் ஆட்டங்கள் முடிவில் இந்தியா, நியூசிலாந்து (ஏ பிரிவு), வெஸ்ட்இண்டீஸ், ஆஸ்திரேலியா (பி பிரிவு), வங்காளதேசம், பாகிஸ்தான் (சி பிரிவு), ஆப்கானிஸ்தான், தென்ஆப்பிரிக்கா (டி பிரிவு) ஆகிய அணிகள் தங்கள் பிரிவில் முறையே முதல் 2 இடங்களை பிடித்து கால்இறுதிக்கு முன்னேறின.


இந்த நிலையில் போட்செஸ்ட்ரூமில் இன்று (செவ்வாய்க்கிழமை) நடைபெறும் முதலாவது கால்இறுதி ஆட்டத்தில் நடப்பு சாம்பியனும், 4 முறை உலக கோப்பையை கைப்பற்றிய அணியுமான இந்தியா, 3 முறை கோப்பையை வென்ற ஆஸ்திரேலிய அணியை எதிர்கொள்கிறது.

பிரியம் கார்க் தலைமையிலான இந்திய அணி இந்த போட்டி தொடரில் சிறப்பாக செயல்பட்டு வருகிறது. இந்திய அணி லீக் ஆட்டங்களில் 90 ரன்கள் வித்தியாசத்தில் இலங்கையையும், 10 விக்கெட் வித்தியாசத்தில் ஜப்பானையும், 44 ரன்கள் வித்தியாசத்தில் நியூசிலாந்தையும் தொடர்ச்சியாக வீழ்த்தியது.

இந்திய அணியில் தொடக்க ஆட்டக்காரர்கள் ஜெய்ஸ்வால், திவ்யனாஷ் சக்சேனா, திலக் வர்மா, கேப்டன் பிரியம் கார்க் ஆகியோர் பேட்டிங்கில் நல்ல நிலையில் உள்ளனர். பந்து வீச்சில் ரவி பிஷ்னோய், ஆதர்வா அன்கோல்கர், கார்த்திக் தியாகி, ஆகாஷ்சிங் ஆகியோர் சிறப்பாக செயல்பட்டு வருகிறார்கள்.

ஆஸ்திரேலிய அணியும் வலுவானதாக உள்ளது. அந்த அணி முதலாவது லீக் ஆட்டத்தில் வெஸ்ட்இண்டீசிடம் வீழ்ந்தது. அடுத்த 2 ஆட்டங்களில் நைஜீரியா, இங்கிலாந்து அணிகளை சாய்த்து கால்இறுதிக்குள் நுழைந்தது. ஆஸ்திரேலிய அணியின் கேப்டன் மெக்கன்சி ஹார்வி பேட்டிங்கில் ஜொலித்து வருகிறார். பந்து வீச்சில் கனோர் சுல்லி, தன்வீர் சங்ஹா ஆகியோர் அசத்தி வருகின்றனர். இரு அணிகளும் அரை இறுதிக்கு முன்னேற முனைப்பு காட்டும் என்பதால் இந்த போட்டியில் விறுவிறுப்புக்கு பஞ்சம் இருக்காது.

இந்திய நேரப்படி பகல் 1.30 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.


தொடர்புடைய செய்திகள்

1. ஜூனியர் உலக கோப்பை கிரிக்கெட் இறுதிப்போட்டியில் மைதானத்தில் அத்துமீறி நடந்த 5 வீரர்கள் மீது ஐ.சி.சி. அதிரடி நடவடிக்கை
ஜூனியர் உலக கோப்பை கிரிக்கெட் இறுதிப்போட்டியின் போது மைதானத்தில் அத்துமீறி நடந்து கொண்ட 5 வீரர்கள் மீது ஐ.சி.சி. அதிரடி நடவடிக்கை எடுத்துள்ளது.
2. ஜூனியர் உலக கோப்பை கிரிக்கெட்டில் வங்காளதேச அணி முதல் முறையாக ‘சாம்பியன்’: இந்தியாவுக்கு அதிர்ச்சி அளித்தது
ஜூனியர் உலக கோப்பை கிரிக்கெட் இறுதி ஆட்டத்தில் வங்காளதேச அணி, நடப்பு சாம்பியன் இந்தியாவுக்கு அதிர்ச்சி அளித்து முதல்முறையாக கோப்பையை வசப்படுத்தி சாதனை படைத்தது.
3. ஜூனியர் உலக கோப்பை கிரிக்கெட்: வங்காளதேச அணி இறுதிப்போட்டிக்கு முன்னேறி சாதனை நியூசிலாந்தை வீழ்த்தியது
ஜூனியர் உலக கோப்பை கிரிக்கெட் போட்டியில் வங்காளதேச அணி, நியூசிலாந்தை வீழ்த்தி முதல்முறையாக இறுதிப்போட்டிக்கு முன்னேறியது.
4. ஜூனியர் உலக கோப்பை கிரிக்கெட்: பாகிஸ்தான் அணி அரைஇறுதிக்கு தகுதி
ஜூனியர் உலக கோப்பை கிரிக்கெட் போட்டியில், பாகிஸ்தான் அணி அரைஇறுதிக்கு தகுதிபெற்றது. இதன்படி அந்த அணி இந்தியாவுடன் 4-ந்தேதி மோத உள்ளது.
5. ஜூனியர் உலக கோப்பை கிரிக்கெட்: தென்ஆப்பிரிக்காவை வீழ்த்தியது வங்காளதேசம்
ஜூனியர் உலக கோப்பை கிரிக்கெட்டின் கால்இறுதியில் தென்ஆப்பிரிக்காவை வீழ்த்தி வங்காளதேச அணி அரைஇறுதிக்கு தகுதி பெற்றது.