ரஞ்சி கிரிக்கெட்டில் தமிழ்நாடு-பரோடா அணிகள் மோதும் ஆட்டம் இன்று தொடக்கம்

வதோதரா,

86-வது ரஞ்சி கோப்பை கிரிக்கெட் தொடர் பல்வேறு நகரங்களில் நடந்து வருகிறது. இதில் இன்று காலை 9.30 மணிக்கு வதோதராவில் தொடங்கும் லீக் ஆட்டத்தில் தமிழ்நாடு அணி, பரோடாவை எதிர்கொள்கிறது. தமிழக அணி இதுவரை 6 ஆட்டங்களில் விளையாடி ஒரு வெற்றி, 2 தோல்வி, 3 டிரா கண்டுள்ளது. பரோடா அணி 6 ஆட்டத்தில் விளையாடி 2 வெற்றி, 2 தோல்வி, 2 டிரா கண்டுள்ளது.

டெல்லி-குஜராத் அணிகள் இடையிலான லீக் ஆட்டம் டெல்லியில் இன்று தொடங்குகிறது. இந்த போட்டிக்கான டெல்லி அணியில் வேகப்பந்து வீச்சாளர் அங்கித் பெனிவால் புதுமுக வீரராக சேர்க்கப்பட்டுள்ளார். போதிய திறமை இல்லாத அவர் சிபாரிசின் அடிப்படையில் அணியில் சேர்க்கப்பட்டு இருப்பதாக சர்ச்சை எழுந்துள்ளது.