கிரிக்கெட்

இந்தியாவுக்கு எதிரான முதலாவது டெஸ்ட் 2வது நாள் ஆட்டம்; நியூசிலாந்து 216/5 + "||" + 1st Test against India: New Zealand 216/5

இந்தியாவுக்கு எதிரான முதலாவது டெஸ்ட் 2வது நாள் ஆட்டம்; நியூசிலாந்து 216/5

இந்தியாவுக்கு எதிரான முதலாவது டெஸ்ட் 2வது நாள் ஆட்டம்; நியூசிலாந்து 216/5
இந்தியாவுக்கு எதிரான முதல் டெஸ்ட் போட்டியின் 2வது நாள் ஆட்ட முடிவில் நியூசிலாந்து அணி 51 ரன்கள் முன்னிலையில் உள்ளது.
வெலிங்டன்,

இந்தியா மற்றும் நியூசிலாந்து அணிகள் இடையிலான முதலாவது டெஸ்ட் கிரிக்கெட் போட்டி வெலிங்டனில் நேற்று தொடங்கியது.  ‘டாஸ்’ ஜெயித்த நியூசிலாந்து கேப்டன் கேன் வில்லியம்சன் பந்து வீச்சை தேர்வு செய்தார்.

அதன்படி களம் இறங்கி விளையாடிய இந்தியாவின் தொடக்க ஆட்டக்காரர்களான மயங்க் அகர்வால் (34), பிரித்வி ஷா (16) ரன்களும் எடுத்து ஆட்டமிழந்தனர்.  தொடர்ந்து இந்திய அணி குறைந்த ரன்களில் விக்கெட்டுகளை இழந்தது.

இந்திய அணி தேனீர் இடைவேளையின் போது முதல் இன்னிங்சில் 55 ஓவர்களில் 5 விக்கெட்டுக்கு 122 ரன்கள் எடுத்திருந்தது. அப்போது ரஹானே 38 ரன்களுடனும் (122 பந்து, 4 பவுண்டரி), ரிஷாப் பண்ட் 10 ரன்களுடனும் (37 பந்து) களத்தில் இருந்தனர். அதன் பிறகு மழை கொட்டியதால் அத்துடன் முதல் நாள் ஆட்டம் முடித்து கொள்ளப்பட்டது.

தொடர்ந்து இன்று 2வது நாள் ஆட்டம் நடந்தது.  அதன் முடிவில் இந்திய அணி 68.1 ஒவர்களில் அனைத்து விக்கெட்டுகளையும் இழந்து 165 ரன்கள் எடுத்தது. நியூசிலாந்து அணியின் சார்பில் டிம் சவுதி, கைல் ஜாமிசன் ஆகியோர் தலா  4 விக்கெட்டுகளும், டிரண்ட் போல்ட் ஒரு விக்கெட்டும் வீழ்த்தினர்.

பின்னர் நியூசிலாந்து அணியின் சார்பில் டாம் லாதம், டாம் பிளண்டெல் ஆகியோர் களமிறங்கி விளையாடினர்.  அந்த அணியில் அதிக அளவாக வில்லியம்சன் (89), டெய்லர் (44) ரன்களில் ஆட்டமிழந்தனர்.  லாதம் (11), பிளண்டெல் (30), நிக்கோல்ஸ் (17) ரன்களில் ஆட்டமிழந்து வெளியேறினர்.

அந்த அணி 2வது நாள் ஆட்டநேர முடிவில் 71.1 ஓவர்கள் முடிவில் 5 விக்கெட்டுகள் இழப்பிற்கு 216 ரன்கள் எடுத்துள்ளது.  வாட்லிங் (14), கிராண்ட்ஹோம் (4) ரன்கள் எடுத்து ஆட்டமிழக்காமல் உள்ளனர்.  2வது நாள் ஆட்டநேர முடிவில் நியூசிலாந்து அணி 51 ரன்கள் முன்னிலையில் உள்ளது.

தொடர்புடைய செய்திகள்

1. டெல்லி சட்டசபை தேர்தல்; ஆம் ஆத்மி-32, பா.ஜ.க.-16 முன்னிலை; தேர்தல் ஆணையம் அறிவிப்பு
டெல்லி சட்டசபை தேர்தலில் ஆம் ஆத்மி கட்சி 32 இடங்களில் முன்னிலையில் உள்ளது என தேர்தல் ஆணையம் அறிவித்துள்ளது.
2. டெல்லி சட்டசபை தேர்தல்; 9 மணி நிலவரப்படி ஆம் ஆத்மி 52 இடங்களில் முன்னிலை
டெல்லி சட்டசபை தேர்தலில் 9 மணி நிலவரப்படி ஆம் ஆத்மி 52 இடங்களில் முன்னிலை வகித்து வருகிறது.
3. சென்னை ஓபன் செஸ்: 2 வீரர்கள் முன்னிலை
சென்னை ஓபன் செஸ் போட்டியில், 2 வீரர்கள் முன்னிலை பெற்றுள்ளனர்.