கிரிக்கெட்

‘உலகின் சிறந்த பேட்ஸ்மேன் விராட் கோலி’ - வெஸ்ட் இண்டீஸ் முன்னாள் வீரர் சந்தர்பால் புகழாரம் + "||" + World's Best Batsman Virat Kohli - Chanderpaul fame of former West Indies player

‘உலகின் சிறந்த பேட்ஸ்மேன் விராட் கோலி’ - வெஸ்ட் இண்டீஸ் முன்னாள் வீரர் சந்தர்பால் புகழாரம்

‘உலகின் சிறந்த பேட்ஸ்மேன் விராட் கோலி’ - வெஸ்ட் இண்டீஸ் முன்னாள் வீரர் சந்தர்பால் புகழாரம்
தற்போதைய காலக்கட்டத்தில் உலகின் சிறந்த பேட்ஸ்மேன் விராட் கோலி தான் என்று வெஸ்ட் இண்டீஸ் முன்னாள் வீரர் சந்தர்பால் கூறினார்.
மும்பை,

இந்தியாவில் நடந்த சாலை பாதுகாப்பு விழிப்புணர்வு கிரிக்கெட் போட்டி தொடரில் விளையாட மும்பை வந்து இருந்த வெஸ்ட் இண்டீஸ் கிரிக்கெட் அணியின் முன்னாள் வீரர் சந்தர்பால் அளித்த ஒரு பேட்டியில் கூறியதாவது:-


தற்போதைய காலக்கட்டத்தில் உலகின் சிறந்த பேட்ஸ்மேன் யார்? என்று கேட்டால் விராட் கோலி என்றுதான் நான் சொல்வேன். அதில் எந்தவித சந்தேகமும் கிடையாது. எனக்கு பிடித்தமான வீரரும் அவர் தான். அவர் தனது கிரிக்கெட் ஆட்டத்துக்காக கடினமாக உழைக்கிறார். அதை அவரது ஆட்டங்களில் காண முடிகிறது. மேலும் உடல் தகுதிக்காக தனி கவுனம் செலுத்துகிறார். தன் விளையாட்டு திறனை மேம்படுத்துவதில் அதிக அக்கறை காட்டி வருகிறார். விளையாட்டில் சிறந்து விளங்க வேண்டும் என்று விரும்புபவர்களில் அவரும் ஒருவர். ஒவ்வொரு நாளும் அவர் தனது திறமையை நிரூபித்து வருகிறார். கடின உழைப்புக்காக அவரை பாராட்டியாக வேண்டும். விளையாட்டில் அவரைப்போல் நீண்ட காலம் உச்சத்தில் இருப்பது எளிதான விஷயம் அல்ல. அவரை போன்று விளையாட்டில் சிறந்து விளங்க வேண்டும் என்றால் கடினமாக உழைக்க வேண்டியது அவசியமானதாகும்.

ஆஸ்திரேலியாவில் வருகிற அக்டோபர் மற்றும் நவம்பர் மாதம் நடைபெறும் 20 ஓவர் உலக கோப்பை கிரிக்கெட் போட்டியில் பட்டம் வெல்ல வெஸ்ட் இண்டீஸ் அணிக்கு வாய்ப்பு இருக்கிறதா? என்று கேட்கிறீர்கள். வெஸ்ட் இண்டீஸ் கிரிக்கெட் அணியை பொறுத்தமட்டில் எப்பொழுதும் குறுகிய வடிவிலான போட்டியில் சிறப்பாக செயல்படக்கூடிய வீரர்கள் உள்ளனர். 20 ஓவர் கிரிக்கெட் போட்டியில் யார் வெல்வார்கள் என்பதை கணிப்பது கடினமாகும். 20 ஓவர் கிரிக்கெட் போட்டியில் யார் வேண்டுமானாலும் வெற்றி பெறலாம். குறிப்பிட்ட நாளில் போட்டியில் யார்? சிறப்பாக செயல்படுகிறார்கள் என்பதை பொறுத்தே முடிவு அமையும்.

வெஸ்ட் இண்டீஸ் அணியில் நிறைய மேட்ச் வின்னர்கள் உள்ளனர். அது எங்களுக்கு சாதகமான அம்சமாகும். 20 ஓவர் கிரிக்கெட்டில் அதிரடி பேட்ஸ்மேன்கள், சிறந்த பவுலர்கள் வெற்றியில் முக்கிய பங்கு வகிப்பார்கள். 20 ஓவர் கிரிக்கெட் போட்டியில் சிறந்த அணியாக வெஸ்ட் இண்டீஸ் விளங்குகிறது. போட்டியில் எந்தவொரு அணியையும் குறைத்து மதிப்பிடக் கூடாது. சிறப்பான ஆட்டத்தை வெளிப்படுத்தினால் வெற்றி பெறலாம் என்று அவர் கூறினார்.

தொடர்புடைய செய்திகள்

1. “உலகின் சிறந்த பேட்ஸ்மேன் விராட்கோலி” - ஆஸ்திரேலிய முன்னாள் கேப்டன் இயான் சேப்பல் புகழாரம்
உலகின் சிறந்த பேட்ஸ்மேன் விராட்கோலிதான் என்று ஆஸ்திரேலிய முன்னாள் கேப்டன் இயான் சேப்பல் புகழாரம் சூட்டியுள்ளார்.
2. உலகின் சிறந்த பேட்ஸ்மேன் கோலி - இயான் சேப்பல்
தற்போது உலகின் சிறந்த பேட்ஸ்மேன் விராட் கோலி தான் என்று ஆஸ்திரேலிய முன்னாள் வீரர் இயான் சேப்பல் தெரிவித்துள்ளார்.
3. விமான பயணத்தில் எளிமையை கடைப்பிடிக்கும் டோனி, கோலி - கவாஸ்கர் புகழாரம்
விமான பயணத்தின் போது டோனி, விராட் கோலி ஆகியோர் எளிமையை கடைப்பிடிப்பவர்கள் என்று இந்திய கிரிக்கெட் அணியின் முன்னாள் கேப்டன் கவாஸ்கர் புகழ்ந்துள்ளார்.
4. கங்குலியை போல் டோனி, விராட் கோலி எனக்கு ஆதரவு அளிக்கவில்லை - யுவராஜ்சிங் குற்றச்சாட்டு
கங்குலி கேப்டனாக இருக்கையில் அளித்தது போல் டோனி, விராட்கோலி ஆகியோர் தனக்கு ஆதரவு அளிக்கவில்லை என்று இந்திய கிரிக்கெட் அணியின் முன்னாள் ஆல்-ரவுண்டர் யுவராஜ்சிங் தெரிவித்துள்ளார்.
5. செல்போன் உதிரிபாகத்தில் கோலியின் உருவத்தை உருவாக்கிய ரசிகர்
செல்போன்களின் உதிரி பாகங்களை பயன்படுத்தி ரசிகர் ஒருவர் விராட் கோலியின் உருவப்படத்தை உருவாக்கி அசத்தியுள்ளார்.