இந்திய கிரிக்கெட் அணியின் துவக்க வீரர் ரோகித் சர்மா பிறந்தநாள்: வீரர்கள், ரசிகர்கள் வாழ்த்து

புதுடெல்லி,

இந்திய கிரிக்கெட் அணியின் துவக்க வீரர் ரோகித் சர்மா இன்று  தன்னுடைய 33வது பிறந்தநாளைக் கொண்டாடுகிறார். சர்வதேச ஒருநாள் கிரிக்கெட்டில், மூன்று இரட்டை சதங்கள் குவித்த வீரருக்கு உலகம் முழுவதிலிருந்து வாழ்த்து மழை பொழிகிறது. 

பிசிசிஐ, ரோகித் சர்மாவுக்கு வாழ்த்து தெரிவிக்கும் விதமாக அவருடைய டெஸ்ட் அறிமுக போட்டியில் கலந்து கொண்ட வீடியோவை டுவிட்டரில் பதிவிட்டது. “பிறந்தநாள் வாழ்த்துக்கள் ஹிட்மேன் @ImRo45, ஸ்பெஷல் நாளான இன்று வெள்ளை உடையில் ஹிட்மேனின் அற்புதமான ஆட்டம். இது அவர் விளையாட விரும்பும் களங்களில் ஒன்று - கொல்கத்தா #HappyBirthdayRohit,” என்று பிசிசிஐ தெரிவித்துள்ளது.

ரோகித் சர்மாவின் பிறந்தநாளில் முதலில் வாழ்த்து தெரிவித்தவர்களில் சுரேஷ் ரெய்னாவும் ஒருவர். “பிறந்தநாள் வாழ்த்துக்கள் ரோகித்! இந்த மோசமான காலங்களில் உங்களுக்கும் குடும்ப ஆரோக்கியத்திற்கும் மகிழ்ச்சிக்கும் வாழ்த்துக்கள். வீட்டிலேயே இருங்கள், பாதுகாப்பாக இருங்கள், ஒரு கேக் தயாரியுங்கள். @ImRo45 #HappyBirthdayRohit,” என்று சுரேஷ் ரெய்னா ட்விட் செய்தார்.

ரெய்னாவுக்கு அடுத்துப் பல கிரிக்கெட் வீரர்கள் தங்களுடைய வாழ்த்துக்களை தெரிவித்தனர்.

இந்திய கிரிக்கெட் அணியின் டபுள் செஞ்சுரி நாயகன் ஹிட் மேன் ரோகித் சர்மா இன்று தனது 33 ஆவது பிறந்தநாளை கொண்டாடுகிறார்.