<
‘நான் டோனியின் தீவிர ரசிகை’ - சானியா மிர்சா
நான் டோனியின் தீவிர ரசிகை என டென்னிஸ் வீராங்கனை சானியா மிர்சா தெரிவித்துள்ளார்.
ஐதராபாத்,
இந்திய நட்சத்திர டென்னிஸ் வீராங்கனை சானியா மிர்சா, சமூக வலைதளமான ‘இன்ஸ்டாகிராம்’ மூலம் நடந்த உரையாடலில் கேட்கப்பட்ட கேள்விகளுக்கு அளித்த ருசிகர பதில்கள் வருமாறு:-
கேள்வி: எந்த கிரிக்கெட் வீரருடன் மதிய உணவு சாப்பிட ஆசை?
பதில்: டோனியை தேர்வு செய்கிறேன். டோனியிடம் சில தடவை ஹலோ சொல்லி இருக்கிறேன். ஆனால் நாங்கள் நண்பர்களாக இல்லை. அவருடன் அமர்ந்து மதிய உணவு சாப்பிட விரும்புகிறேன். நான் டோனியின் மிகப்பெரிய ரசிகை.
கேள்வி: உங்களது சாதனை பட்டியலில் விடுபட்டது?
பதில்: ஒலிம்பிக்கில் ஒரு பதக்கம் வெல்ல வேண்டும் என்பதே எனது லட்சியம்.
கேள்வி: உங்களது வாழ்க்கையில் கடினமான தருணம்?
பதில்: 2016-ம் ஆண்டு ரியோ ஒலிம்பிக்கில் கலப்பு இரட்டையர் அரைஇறுதியில் தோற்றது, அதன் பிறகு நடந்த வெண்கலப்பதக்கத்துக்கான ஆட்டத்தில் தோல்வி அடைந்தது மிகப்பெரிய ஏமாற்றத்தை அளித்தது.
கேள்வி: இந்தியாவில் கடந்த 10 ஆண்டுகளில் நிறைய டென்னிஸ் வீரர்கள் உருவாகி இருக்கிறார்கள். ஆனால் வீராங்கனைகளை அந்த அளவுக்கு பார்க்க முடியவில்லை. அதற்கு காரணம்?
பதில்: இளம் வயதில் பெண்களை விட ஆண்கள் உயர்மட்ட பயிற்சியை பெறுவது தான் காரணம்.
கேள்வி: உங்களுக்கு பிடித்தமான டென்னிஸ் வீராங்கனை?
பதில்: ஸ்டெபி கிராப் (ஜெர்மனி).
கேள்வி: நீங்கள் டென்னிஸ் வீராங்கனையாக உருவெடுக்காமல் இருந்திருந்தால்....?
பதில்: உள் அலங்கார வடிவமைப்பாளராகி இருப்பேன்.
இவ்வாறு சானியா கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
