கிரிக்கெட்

கொரோனா பாதிப்பில் இருந்து அப்ரிடி விரைவில் நலம் பெற வேண்டும் - கவுதம் கம்பீர் + "||" + Afridi should be getting better soon from Corona - Gautam Gambhir

கொரோனா பாதிப்பில் இருந்து அப்ரிடி விரைவில் நலம் பெற வேண்டும் - கவுதம் கம்பீர்

கொரோனா பாதிப்பில் இருந்து அப்ரிடி விரைவில் நலம் பெற வேண்டும் - கவுதம் கம்பீர்
அரசியல் ரீதியாக அப்ரிடியுடன் கருத்து மாறுபாடு இருந்தாலும் அவர் விரைவில் கொரோனா பாதிப்பில் இருந்து மீண்டு நலம் பெற வேண்டும் என்று தான் விரும்புவதாக கவுதம் கம்பீர் தெரிவித்துள்ளார்.
புதுடெல்லி,

பாகிஸ்தான் கிரிக்கெட் அணியின் முன்னாள் கேப்டனான சாகித் அப்ரிடி பாகிஸ்தானில் பொது இடத்தில் காஷ்மீர் தொடர்பாகவும், இந்திய பிரதமர் நரேந்திர மோடி குறித்தும் சர்ச்சைக்குரிய கருத்துக்களை தெரிவித்த வீடியோ ஒன்று சமூக வலைதளங்ளில் வெளியாகி பெரும் பரபரப்பை ஏற்படுத்தியது.


இதனையடுத்து இந்திய கிரிக்கெட் வீரர்கள் பலர் அப்ரிடிக்கு கடுமையான கண்டனங்களை தெரிவித்தனர். இந்திய அணியின் முன்னாள் கிரிக்கெட் வீரரும், நாடாளுமன்ற உறுப்பினருமான கவுதம் கம்பீர் தனது டுவிட்டர் பக்கத்தில், “அப்ரிடி, இம்ரான், பாஜ்வா போன்ற ஜோக்கர்கள் பாகிஸ்தான் மக்களை முட்டளாக்க, இந்தியாவுக்கு எதிராகவும், பிரதமர் நரேந்திர மோடிக்கு எதிராகவும் மீண்டும் மீண்டும் விஷத்தை பரப்பலாம். ஆனால் தீர்ப்பு நாள் வரை காஷ்மீரை பெறப்போவதில்லை. வங்கதேசம் குறித்து நினைவிருக்கிறதா?” என்று பதிவிட்டிருந்தார்.

இந்நிலையில், இன்று சாகித் அப்ரிடி தனக்கு கொரோனா தொற்று உறுதி செய்யப்பட்டிருப்பதாக தனது டுவிட்டர் பக்கத்தில் தெரிவித்துள்ளார். கடந்த வியாழக்கிழமையில் இருந்து தனக்கு கடுமையான உடல் வலி ஏற்பட்டதாகவும், மருத்துவ பரிசோதனை செய்ததில் தனக்கு கொரோனா தொற்று ஏற்பட்டிருப்பது உறுதி செய்யப்பட்டுள்ளதாகவும் அவர் கூறியுள்ளார்.

இதனை தொடர்ந்து இன்று நடைபெற்ற சலாம் கிரிக்கெட் 2020 நிகழ்ச்சியில் கலந்து கொண்டு பேசிய கவுதம் கம்பீர், கொரோனா தொற்றால் யாரும் பாதிக்கப்பட கூடாது என்றும் பாதிக்கப்பட்டுள்ள அனைவரும் விரைவில நலம் பெற வேண்டும் என்றும் கூறினார். அப்ரிடியுடன் தனக்கு அரசியல் ரீதியான கருத்து மாறுபாடு உண்டு என்றாலும் அவர் விரைவில் நலம் பெற வேண்டும் என்று தான் விரும்புவதாகவும் அவர் கூறினார்.

தொடர்புடைய செய்திகள்

1. மேலும் 112 பேருக்கு கொரோனா
விருதுநகர் மாவட்டத்தில் மேலும் 112 பேருக்கு கொரோனா பாதிக்கப்பட்டது.
2. புதிதாக 235 பேருக்கு கொரோனா
மதுரையில் நாளுக்கு நாள் கொரோனா பாதிப்பு அதிகரித்து வரும் நிலையில் நேற்றும் ஒரே நாளில் 235 பேர் பாதிக்கப்பட்டனர்
3. கரூர் மாவட்டத்தில் 1 வயது குழந்தை உள்பட புதிதாக 46 பேர் கொரோனா
கரூர் மாவட்டத்தில் 1 வயது குழந்தை உள்பட புதிதாக 46 பேர் கொரோனா தொற்றால் பாதிக்கப்பட்டுள்ளனர்.
4. ஒரே நாளில் 63 பேருக்கு கொரோனா
சிவகங்கை மாவட்டத்தில் ஒரே நாளில் 63 பேர் கொரோனா தொற்றால் பாதிக்கப்பட்டு உள்ளனர்.
5. கொரோனா பாதிப்புக்கு உள்ளாகும் மக்களுக்கு தனியார் மருத்துவமனைகளில் இலவச சிகிச்சை அளிக்க வேண்டும்; கர்நாடக எதிர்க்கட்சி தலைவர் சித்தராமையா வலியுறுத்தல்
கொரோனா பாதிப்புக்கு உள்ளாகும் மக்களுக்கு தனியார் மருத்துவமனைகளிலும் இலவச சிகிச்சை அளிக்க வேண்டும் என்று எதிர்க்கட்சி தலைவர் சித்தராமையா வலியுறுத்தி உள்ளார்.