கிரிக்கெட்

பயிற்சி முகாமில் பங்கேற்க டோனி, சுரேஷ் ரெய்னா சென்னை வந்தனர் + "||" + Dhoni and Suresh Raina came to Chennai to participate in the training camp

பயிற்சி முகாமில் பங்கேற்க டோனி, சுரேஷ் ரெய்னா சென்னை வந்தனர்

பயிற்சி முகாமில் பங்கேற்க டோனி, சுரேஷ் ரெய்னா சென்னை வந்தனர்
பயிற்சி முகாமில் பங்கேற்பதற்காக டோனி, சுரேஷ் ரெய்னா ஆகியோர் சென்னை வந்தனர்
சென்னை, 

13-வது ஐ.பி.எல். கிரிக்கெட் போட்டி அடுத்த மாதம் (செப்டம்பர்) 19-ந்தேதி முதல் நவம்பர் 10-ந்தேதி வரை ஐக்கிய அரபு அமீரகத்தில் நடக்கிறது. இதில் பங்கேற்கும் சென்னை சூப்பர் கிங்ஸ் அணியின் பயிற்சி முகாம் சென்னை சேப்பாக்கத்தில் உள்ள எம்.ஏ.சிதம்பரம் ஸ்டேடியத்தில் இன்று (சனிக்கிழமை) தொடங்குகிறது. வருகிற 20-ந் தேதி வரை நடைபெறும் இந்த முகாமில் கலந்து கொள்ள சென்னை சூப்பர் கிங்ஸ் அணியின் கேப்டன் டோனி, துணை கேப்டன் சுரேஷ் ரெய்னா, தீபக் சாஹர், அம்பத்தி ராயுடு, பியுஷ் சாவ்லா, கரண் சர்மா, கேதர் ஜாதவ், மோனு சிங் உள்ளிட்ட வீரர்கள் தனி விமானம் மூலம் நேற்று மாலை சென்னை விமான நிலையம் வந்தடைந்தனர். 

புனேயில் இருந்து புறப்பட்ட அந்த சிறப்பு விமானம் டெல்லி, ராஞ்சி, ஐதராபாத் விமான நிலையங்களுக்கு சென்று வீரர்களை ஏற்றிக்கொண்டு சென்னை வந்தடைந்தது. விமான நிலையத்தில் இருந்து வீரர்கள் நேராக அடையாறில் உள்ள நட்சத்திர ஓட்டலுக்கு சென்று தங்களுக்கு ஒதுக்கப்பட்டு இருக்கும் தனி பிளாக்கில் தங்கினார்கள். சேப்பாக்கத்தில் பூட்டிய ஸ்டேடியத்தில் நடைபெறும் இந்த பயிற்சி முகாமை பார்க்க வெளியாட்கள் யாருக்கும் அனுமதி கிடையாது. 

பயிற்சியின் போது வீரர்களுக்கு உதவுவதற்காக நியமிக்கப்பட்டு இருக்கும் மைதான ஊழியர்கள், ஸ்டேடியத்தில் உள்ள தமிழ்நாடு கிரிக்கெட் சங்க ஊழியர்கள் மற்றும் பாதுகாவலர்கள், வீரர்களை அழைத்து வரும் வாகனங்களின் டிரைவர்கள் உள்பட முகாமுடன் தொடர்புடைய அனைத்து தரப்பினருக்கும் ஏற்கனவே கொரோனா பரிசோதனை செய்யப்பட்டு இருக்கிறது. இதில் யாருக்கும் கொரோனா தொற்று இல்லை என்பது உறுதி செய்யப்பட்டுள்ளது. பயிற்சி முகாமின் போது வீரர்கள் அனைவருக்கும் கொரோனா பரிசோதனை செய்யப்படும். இந்த சோதனையில் ‘நெகட்டிவ்’ என்று முடிவு வரும் வீரர்கள் தான் அமீரகம் செல்ல முடியும்.

பயிற்சி முகாமை முடித்துக் கொண்டு சென்னை சூப்பர் கிங்ஸ் அணி வீரர்கள் வருகிற 21-ந் தேதி தனி விமானத்தில் துபாய்க்கு புறப்பட்டு செல்கிறார்கள். வெளிநாட்டு வீரர்கள் மற்றும் பயிற்சியாளர்கள் நேரடியாக துபாய் வந்து அணியினருடன் இணைந்து கொள்வார்கள்.


தொடர்புடைய செய்திகள்

1. இன்று அ.ம.மு.க. பொதுச்செயலாளர் டி.டி.வி. தினகரன் பிறந்தநாள்: நெய்வேலியில் நடக்கும் நிகழ்ச்சியில் கட்சியினர் திரளாக பங்கேற்க வேண்டும்
அ.ம.மு.க. பொதுச் செயலாளர் டி.டி.வி. தினகரன் பிறந்தநாளையொட்டி இன்று நெய்வேலியில் நடக்கும் நிகழ்ச்சிகளில் கட்சி தொண்டர்கள் திரளாக பங்கேற்க வேண்டும் என்று மத்திய மாவட்ட ஏ.பி.ஆர். பக்தரட்சகன் தெரிவித்துள்ளார்.
2. டோனி இல்லாமல் இந்திய அணி தடுமாறுகிறது: முன்னாள் கிரிக்கெட் வீரர் கருத்து
இலக்கை எப்படி எட்டவேண்டும் என்பதும் டோனிக்கு நன்றாகத் தெரியும் என்று ஹோல்டிங் கூறியுள்ளார்.
3. ஐபிஎல் தொடரில் மட்டும் விளையாடினால் டோனியால் சிறப்பாக விளையாட முடியாது - கபில் தேவ்
அடுத்த ஆண்டு நடைபெறும் ஐபிஎல் கிரிக்கெட் தொடரிலும் விளையாட இருப்பதாக டோனி கூறியுள்ளார்.
4. அடுத்த ஆண்டு வலுவாக வருவோம்- சிஎஸ்கே கேப்டன் டோனி
அடுத்த தலைமுறைக்கு கொஞ்சம் கொஞ்சமாக அணியை ஒப்படைக்க வேண்டிய தருணம் வந்துவிட்டது என டோனி கூறினார்.
5. ஐபிஎல் போட்டிகளில் இருந்து தற்போது ஓய்வு இல்லை - டோனி சூசகம்
ஐபிஎல் போட்டிகளில் இருந்து டோனி ஓய்வு பெற போவதாக கடந்த சில நாட்களாக ஊகங்கள் எழுந்து வருகின்றன.