கிரிக்கெட்

டெஸ்ட் கிரிக்கெட் தரவரிசையில் கிராவ்லி முன்னேற்றம் + "||" + Crawley's improvement in Test cricket rankings

டெஸ்ட் கிரிக்கெட் தரவரிசையில் கிராவ்லி முன்னேற்றம்

டெஸ்ட் கிரிக்கெட் தரவரிசையில் கிராவ்லி முன்னேற்றம்
டெஸ்ட் கிரிக்கெட் தரவரிசையில் இங்கிலாந்து வீரர் ஜாக் கிராவ்லி 53 இடங்கள் முன்னேறியுள்ளார்.
துபாய்,

சர்வதேச கிரிக்கெட் கவுன்சில் (ஐ.சி.சி.) டெஸ்ட் கிரிக்கெட் வீரர்களின் புதிய தரவரிசை பட்டியலை நேற்று வெளியிட்டது. இதில் பேட்ஸ்மேன்களின் தரவரிசையில் ஆஸ்திரேலியாவின் ஸ்டீவன் சுமித் முதலிடத்திலும், இந்தியாவின் விராட் கோலி 2-வது இடத்திலும் மாற்றமின்றி நீடிக்கிறார்கள். பாகிஸ்தானுக்கு எதிரான கடைசி டெஸ்டில் 267 ரன்கள் குவித்து அசத்திய இங்கிலாந்து வீரர் ஜாக் கிராவ்லி 53 இடங்கள் எகிறி தனது சிறந்த நிலையாக 28-வது இடத்தை பிடித்துள்ளார்.


பந்து வீச்சாளர் தரவரிசையில் முதலிடத்தில் கம்மின்சும் (ஆஸ்திரேலியா), 2-வது இடத்தில் ஸ்டூவர்ட் பிராட்டும் (இங்கிலாந்து) தொடருகிறார்கள். சவுதம்டன் டெஸ்டில் இரு இன்னிங்சையும் சேர்த்து மொத்தம் 7 விக்கெட்டுகள் வீழ்த்திய இங்கிலாந்து பவுலர் ஜேம்ஸ் ஆண்டர்சன் மீண்டும் டாப்-10 இடத்திற்குள் நுழைந்திருக்கிறார். அவர் 6 இடம் உயர்ந்து 8-வது இடத்தை பெற்றுள்ளார். ஆல்-ரவுண்டர் தரவரிசையில் முதலிடத்தில் இருந்த பென் ஸ்டோக்ஸ் (இங்கிலாந்து) 2-வது இடத்துக்கு தள்ளப்பட்டார். இரண்டு டெஸ்டுகளை தவற விட்டதால் அவருக்கு சறுக்கல் ஏற்பட்டுள்ளது. இதனால் வெஸ்ட் இண்டீசின் ஜாசன் ஹோல்டர் மீண்டும் ‘நம்பர் ஒன்’ அரியணையில் ஏறினார்.

தொடர்புடைய செய்திகள்

1. டெஸ்ட் கிரிக்கெட் தரவரிசை: வெஸ்ட் இண்டீஸ் கேப்டன் ஹோல்டர் முன்னேற்றம்
டெஸ்ட் கிரிக்கெட் தரவரிசையில் வெஸ்ட் இண்டீஸ் கேப்டன் ஹோல்டர் முன்னேற்றம் வகிக்கிறார்.