கிரிக்கெட்

இங்கிலாந்து-ஆஸ்திரேலியா மோதும் கடைசி 20 ஓவர் கிரிக்கெட் போட்டி: இன்று நடக்கிறது + "||" + The last 20-over cricket match between England and Australia: takes place today

இங்கிலாந்து-ஆஸ்திரேலியா மோதும் கடைசி 20 ஓவர் கிரிக்கெட் போட்டி: இன்று நடக்கிறது

இங்கிலாந்து-ஆஸ்திரேலியா மோதும் கடைசி 20 ஓவர் கிரிக்கெட் போட்டி: இன்று நடக்கிறது
இங்கிலாந்து-ஆஸ்திரேலியா மோதும் கடைசி 20 ஓவர் கிரிக்கெட் போட்டி, இன்று நடக்க உள்ளது.
சவுதம்டன், 

கொரோனா தடுப்பு பாதுகாப்பு நடைமுறைகளை பின்பற்றி இங்கிலாந்து-ஆஸ்திரேலியா அணிகள் இடையிலான 3 ஆட்டங்கள் கொண்ட 20 ஓவர் போட்டி தொடர் இங்கிலாந்தில் நடந்து வருகிறது. இதில் முதலாவது ஆட்டத்தில் 2 ரன் வித்தியாசத்திலும், 2-வது ஆட்டத்தில் 6 விக்கெட் வித்தியாசத்திலும் இங்கிலாந்து அணி வெற்றி பெற்று தொடரை கைப்பற்றியது. அத்துடன் அந்த அணி தரவரிசையில் ஆஸ்திரேலியாவை பின்னுக்கு தள்ளி முதலிடத்துக்கு முன்னேறி உள்ளது. இந்த நிலையில் இங்கிலாந்து-ஆஸ்திரேலியா அணிகள் இடையிலான 3-வது மற்றும் கடைசி 20 ஓவர் கிரிக்கெட் போட்டி சவுதம்டனில் இன்று (செவ்வாய்க்கிழமை) நடக்கிறது.

இயான் மோர்கன் தலைமையிலான இங்கிலாந்து அணியின் பேட்டிங்கில் டேவிட் மலான், விக்கெட் கீப்பர் ஜோஸ்பட்லர் ஆகியோர் அசத்தி வருகிறார்கள். முதலாவது ஆட்டத்தில் 44 ரன்னும், 2-வது ஆட்டத்தில் ஆட்டம் இழக்காமல் 77 ரன்களும் குவித்த ஜோஸ்பட்லர் தனிப்பட்ட பிரச்சினை காரணமாக இன்றைய போட்டியில் இருந்து விலகி இருக்கிறார். இது இங்கிலாந்து அணிக்கு பின்னடைவாக கருதப்படுகிறது. அவருக்கு பதிலாக சாம் பில்லிங்ஸ் அணியில் சேர்க்கப்படுவார் என்று தெரிகிறது.

ஆரோன் பிஞ்ச் தலைமையிலான ஆஸ்திரேலிய அணியில் மிடில் ஆர்டர் பேட்டிங் சொதப்பி வருகிறது. இதனால் அந்த அணி சறுக்கலை சந்தித்துள்ளது. அதில் இருந்து மீண்டு வந்து ஆறுதல் வெற்றியை ருசிக்க ஆஸ்திரேலியா தீவிரம் காட்டும். அதேநேரத்தில் தொடரை முழுமையாக கைப்பற்றி தனது ஆதிக்கத்தை நிலைநாட்ட இங்கிலாந்து அணி எல்லா வகையிலும் முழுமுயற்சி மேற்கொள்ளும். எனவே இந்த ஆட்டத்தில் விறுவிறுப்புக்கு குறைவு இருக்காது. இந்திய நேரப்படி இரவு 10.30 மணிக்கு தொடங்கும் இந்த போட்டியை சோனி சிக்ஸ் சேனல் நேரடியாக ஒளிபரப்பு செய்கிறது.

தொடர்புடைய செய்திகள்

1. பொது நிகழ்ச்சிகளுக்கு தடை விதித்தால் 24 % கொரோனா பரவல் குறையும்- இங்கிலாந்து ஆராய்ச்சியில் தகவல்
பொது நிகழ்ச்சிகளுக்கு தடை விதித்தால், கொரோனா பரவல் விகிதம் ஒரு மாதத்துக்குள் 24 சதவீதம் குறையும் என்று இங்கிலாந்து ஆராய்ச்சியாளர்கள் கூறியுள்ளனர்.
2. ஊருக்கு உபதேசம் : இங்கிலாந்து மகாராணி மது அருந்தும் அளவு தெரியுமா...?
ஊருக்குதான் உபதேசம் இங்கிலாந்து மகாராணி ஒரு நாளைக்கு எவ்வளவு மது அருந்துவார் என்ற தகவல் வெளியாகி உள்ளது.
3. சம்பளம் பத்தவில்லை பழைய வேலைக்கே திரும்ப எண்ணும் இங்கிலாந்து பிரதமர் போரிஸ் ஜான்சன்
சம்பளம் பத்தவில்லை பதவியை ராஜினாமா செய்து விட்டு மீண்டும் பழைய வேலைக்கே திரும்ப இங்கிலாந்து பிரதமர் போரிஸ் ஜான்சன் முடிவெடுத்து உள்ளதாக தகவல் வெளியாகி உள்ளது.
4. புத்தாண்டில் இங்கிலாந்தில் கொரோனா தடுப்பூசி பயன்பாட்டிற்கு வரும்
இங்கிலாந்தில் கொரோனா தொற்றுக்கு எதிரான தடுப்பூசி 2021 புத்தாண்டு துவக்கத்திற்குள் பயன்பாட்டுக்கு வரும் என எதிர்பார்க்கப்படுவதாக தகவல்கள் வந்துள்ளன.
5. இங்கிலாந்து கிரிக்கெட் அணி பாகிஸ்தான் சென்று விளையாட முடிவு?
ஏறத்தாழ 15 ஆண்டுகளுக்குப் பிறகு பாகிஸ்தானுக்கு இங்கிலாந்து அணி சுற்றுப்பயணம் செய்ய உள்ளது.